Dertien plakkershutte brand af in Swakopmund
Polisie ondersoek voorvalle
Geen sterftes of beserings is aangemeld nie.
Nikanor Nangolo - Altesaam 13 plakkershutte is gister in twee afsonderlike brande in Swakopmund vernietig.
Geen sterftes of beserings is aangemeld nie, maar sowat 16 slagoffers – insluitend vier kinders – is deur die eerste brand geraak.
Volgens inspekteur Ileni Shapumba, polisiebevelvoerder vir gemeenskapsake in die Erongostreek, het die eerste voorval omstreeks 07:55 in Mondesa se Tulinawa-gebied naby die kruising van Monica Geingos- en Stefanus Shipangastraat gebeur.
“Die brand het op een van die erwe ontstaan, waar dit toe na twee ander erwe versprei het. Sowat 12 plakkershutte het tot as verbrand.”
Die tweede brand het in Andimba Toivo Ya Toivostraat in die informele nedersetting DRC uitgebreek, waar een plakkershut vernietig is.
Shapumba het gesê die eienaar, wat saam met sy meisie en drie kinders woon, was besig om buite te kook en is vinnig na die buurman se huis toe. Met sy terugkeer het hy glo opgemerk dat daar rook uit die rigting van sy huis kom.
Die Namibiese polisie (Nampol) en Swakopmund se brandweer was in beide voorvalle op die toneel. Polisieondersoeke na die voorvalle duur voort.
– [email protected]
Geen sterftes of beserings is aangemeld nie, maar sowat 16 slagoffers – insluitend vier kinders – is deur die eerste brand geraak.
Volgens inspekteur Ileni Shapumba, polisiebevelvoerder vir gemeenskapsake in die Erongostreek, het die eerste voorval omstreeks 07:55 in Mondesa se Tulinawa-gebied naby die kruising van Monica Geingos- en Stefanus Shipangastraat gebeur.
“Die brand het op een van die erwe ontstaan, waar dit toe na twee ander erwe versprei het. Sowat 12 plakkershutte het tot as verbrand.”
Die tweede brand het in Andimba Toivo Ya Toivostraat in die informele nedersetting DRC uitgebreek, waar een plakkershut vernietig is.
Shapumba het gesê die eienaar, wat saam met sy meisie en drie kinders woon, was besig om buite te kook en is vinnig na die buurman se huis toe. Met sy terugkeer het hy glo opgemerk dat daar rook uit die rigting van sy huis kom.
Die Namibiese polisie (Nampol) en Swakopmund se brandweer was in beide voorvalle op die toneel. Polisieondersoeke na die voorvalle duur voort.
– [email protected]
Kommentaar
Republikein
Geen kommentaar is op hierdie artikel gelaat nie