Verleng noodtoestand, eis eerste minister
Droogte ’n landswye krisis
Die meeste dele van Namibië het eers in Januarie vanjaar voldoende reën ontvang, gevolg deur 'n droë tydperk in die daaropvolgende maande wat tot swak landbouproduksie gelei het.
Die eerste minister, Saara Kuugongelwa-Amadhila, het verlede week ’n mosie by die Nasionale Vergadering (NV) ingedien om die noodtoestand weens droogte met ses maande te verleng.
Dit volg op ’n oesbeoordelingsverslag wat die droogte se impak op voedselsekerheid en die verswakking van weidingstoestande en watervoorsiening in al die streke bevestig. Namibië het die droogte in Mei as ’n noodtoestand verklaar.
“As ’n land het ons ondergemiddelde reën gedurende die 2023-’24-reënseisoen ervaar. Dit het ’n verwoestende impak op die bevolking gehad, wat hoofsaaklik van reëngevoede landbou afhanklik is,” het Kuugongelwa-Amadhila gesê.
Sy het gesê die droogte wat deur El Niño veroorsaak word, raak ook ander lande in Suider-Afrika, wat Malawi, Zimbabwe en Zambië aangespoor het om die droogte ook as ’n nasionale ramp te verklaar.
Volgens die Namibiese Meteorologiese Dienste se verslag, Climate Watch, het Namibië ondergemiddelde reënval ervaar, met ’n aansienlike vertraging in die aanvang van die reënseisoen.
Die meeste dele van die land het eers in Januarie vanjaar voldoende reën ontvang, gevolg deur ’n droë tydperk in die daaropvolgende maande, veral Februarie, wat tot swak landbouproduksie en weiding gelei het.
LEWENSBESTAAN WORD BEDREIG
Kuugongelwa-Amadhila het bygevoeg dat die ministerie van landbou, water en grondhervorming se verslag oor oesvooruitsigte, voedselsekerheid en droogtesituasie, wat in Maart gepubliseer is, ’n beduidende daling in die verwagte oes voorspel, met alle gewasverbouingstreke in die kommunale gebiede wat na verwagting minder sal produseer as die vorige seisoen.
Die verslag het die nasionale graanproduksie van witmielies, sorghum, pêrelgiers en koring vir 2024 op 72 150 ton geraam, wat ’n afname van 53% verteenwoordig vanaf verlede seisoen se oes van 153 012 ton.
In verskeie kommunale gebiede het talle huishoudings hul reserwes van die vorige seisoen uitgeput en maak nou sterk staat op die mark en droogtehulp vir voedsel.
Kuugongelwa-Amadhila het beklemtoon dat dit duidelik geword het dat die lewensbestaan van die meerderheid Namibiërs, veral dié wat van landboubedrywighede afhanklik is, deur die heersende droogtetoestande bedreig word.
“Die beskikbare hulpbronne vir geteikende ingrypings, is bedoel vir diegene wat ernstig geraak word. Die omvang van die droogte is landswyd,” het sy gesê.
VERLIG LYDING
Sy het bygevoeg dat die kabinet tans die huidige situasie evalueer en droogte-ingrypings goedgekeur het om bystand te verleen aan diegene wat geraak word.
Die doel hiervan is om die impak op die lewensbestaan van geraakte gemeenskappe en boere te beskerm en die kwessie te verlig.
Sy het verder gesê die kantoor van die eerste minister sal voortgaan met voedselhulp aan kwalifiserende begunstigdes vanaf 1 Julie 2024 tot 30 Junie 2025.
Subsidies op die aankoop van veevoer sal tot 31 Maart 2025 voortduur, terwyl die verkoop van gesubsidieerde voer aan boere deur landbou-ontwikkelingsentrums vandeesmaand begin het en tot 31 Desember sal duur.
Kuugongelwa-Amadhila het verder gesê dat haar kantoor, in samewerking met die landbouministerie, die watervoorsieningsprogram in droogtegebiede sal voortsit.
Die regering het sowat N$825 miljoen aan die Nasionale Noodrampfonds beskikbaar gestel om die ingrypings te implementeer.
– [email protected]
Dit volg op ’n oesbeoordelingsverslag wat die droogte se impak op voedselsekerheid en die verswakking van weidingstoestande en watervoorsiening in al die streke bevestig. Namibië het die droogte in Mei as ’n noodtoestand verklaar.
“As ’n land het ons ondergemiddelde reën gedurende die 2023-’24-reënseisoen ervaar. Dit het ’n verwoestende impak op die bevolking gehad, wat hoofsaaklik van reëngevoede landbou afhanklik is,” het Kuugongelwa-Amadhila gesê.
Sy het gesê die droogte wat deur El Niño veroorsaak word, raak ook ander lande in Suider-Afrika, wat Malawi, Zimbabwe en Zambië aangespoor het om die droogte ook as ’n nasionale ramp te verklaar.
Volgens die Namibiese Meteorologiese Dienste se verslag, Climate Watch, het Namibië ondergemiddelde reënval ervaar, met ’n aansienlike vertraging in die aanvang van die reënseisoen.
Die meeste dele van die land het eers in Januarie vanjaar voldoende reën ontvang, gevolg deur ’n droë tydperk in die daaropvolgende maande, veral Februarie, wat tot swak landbouproduksie en weiding gelei het.
LEWENSBESTAAN WORD BEDREIG
Kuugongelwa-Amadhila het bygevoeg dat die ministerie van landbou, water en grondhervorming se verslag oor oesvooruitsigte, voedselsekerheid en droogtesituasie, wat in Maart gepubliseer is, ’n beduidende daling in die verwagte oes voorspel, met alle gewasverbouingstreke in die kommunale gebiede wat na verwagting minder sal produseer as die vorige seisoen.
Die verslag het die nasionale graanproduksie van witmielies, sorghum, pêrelgiers en koring vir 2024 op 72 150 ton geraam, wat ’n afname van 53% verteenwoordig vanaf verlede seisoen se oes van 153 012 ton.
In verskeie kommunale gebiede het talle huishoudings hul reserwes van die vorige seisoen uitgeput en maak nou sterk staat op die mark en droogtehulp vir voedsel.
Kuugongelwa-Amadhila het beklemtoon dat dit duidelik geword het dat die lewensbestaan van die meerderheid Namibiërs, veral dié wat van landboubedrywighede afhanklik is, deur die heersende droogtetoestande bedreig word.
“Die beskikbare hulpbronne vir geteikende ingrypings, is bedoel vir diegene wat ernstig geraak word. Die omvang van die droogte is landswyd,” het sy gesê.
VERLIG LYDING
Sy het bygevoeg dat die kabinet tans die huidige situasie evalueer en droogte-ingrypings goedgekeur het om bystand te verleen aan diegene wat geraak word.
Die doel hiervan is om die impak op die lewensbestaan van geraakte gemeenskappe en boere te beskerm en die kwessie te verlig.
Sy het verder gesê die kantoor van die eerste minister sal voortgaan met voedselhulp aan kwalifiserende begunstigdes vanaf 1 Julie 2024 tot 30 Junie 2025.
Subsidies op die aankoop van veevoer sal tot 31 Maart 2025 voortduur, terwyl die verkoop van gesubsidieerde voer aan boere deur landbou-ontwikkelingsentrums vandeesmaand begin het en tot 31 Desember sal duur.
Kuugongelwa-Amadhila het verder gesê dat haar kantoor, in samewerking met die landbouministerie, die watervoorsieningsprogram in droogtegebiede sal voortsit.
Die regering het sowat N$825 miljoen aan die Nasionale Noodrampfonds beskikbaar gestel om die ingrypings te implementeer.
– [email protected]
Kommentaar
Republikein
Geen kommentaar is op hierdie artikel gelaat nie