50 000 registreer vir geboorte/id

As deel van 'n inisiatief om te verseker dat elke inwoner in Namibië die nodige dokumente het, het die ministerie van binnelandse sake, immigrasie, veiligheid en sekuriteit Maandag sy teiken bereik om 50 000 mense vir geboortesertifikate en identiteitsdokumente te registreer. Dit vorm deel van die ministerie se voortgesette massa registrasieveldtog wat op 5 Februarie begin het en voortduur tot 30 Julie.

Die ministerie se uitvoerende direkteur Etienne Maritz het in 'n verklaring gesê dit is 'n beduidende mylpaal in die ministerie se pogings om omvattende registrasie van geboortes en ook identifikasie te verseker.

"Die massa registrasieveldtog het wydverspreide deelname in al 14 streke gehad. Ons het tot dusver geboortesertifikate en identiteitsdokumente vir 'n totaal van 50 833 Namibiërs geregistreer," het Maritz gesê. Die veldtog sluit ook die uitreik van duplikaat geboortesertifikate sowel as identiteitsdokumente in. - [email protected]