Begroting van N$15 m. vir parlementsreise
Geen koste ontsien
Wetgewers se reisprogramme wat uitgelek het, toon dat geleenthede wat in Windhoek gehou kon word, oënskynlik uitstedig sal plaasvind om vet reistoelaes vir parlementariërs te verseker.
Jemima Beukes - Nagenoeg N$15 miljoen gaan binne drie maande bestee word aan konferensies, verblyf- en reistoelaes (S&T) en konferensiegeriewe vir parlementslede vir hul resesaktiwiteite tussen Julie en September.
Volgens dokumente wat ons susterkoerant Namibian Sun onder oë gehad het, is Swakopmund die voorkeurbestemming vir baie van dié geleenthede.
Baie geleenthede wat in Windhoek gehou kan word om koste te beperk, sal buite die hoofstad gehou word. Een so ’n geleentheid is opleiding oor openbare redevoering vir vroueparlementariërs, wat tussen 24 en 28 Julie in Oshakati sal plaasvind – met ’n toegekende begroting van N$190 000.
’n Bedrag van N$800 000 is opsy gesit vir die bywoning van die Rusland-Afrika-beraad vanaf 26 tot 29 Julie in St Petersburg, terwyl N$1 miljoen begroot word vir geleenthede oor jeugwerkloosheid vanaf 21 tot 25 Augustus in Thailand en vanaf 11 tot 18 September in China.
Nog N$500 000 word begroot vir vyf parlementariërs wat op die komitee op grondwetlike en regsake dien en een personeellid om vergaderings oor wetshervorming, toegang tot geregtigheid en petisies in Julie en Augustus in Denemarke, Finland of Singapoer by te woon.
Nog vyf wat op hierdie komitee dien en een personeellid gaan tussen Augustus en September na Ghana of Suid-Afrika reis vir ’n soortgelyke vergadering, waarvoor nog N$500 000 begroot word.
RUIM BEGROTINGS
Nog N$200 000 word begroot vir die bywoning van die Statebond se parlementêre vereniging se vergadering van 3 tot 7 Augustus in Tanzanië, terwyl N$500 000 geoormerk is vir vyf parlementariërs en ’n personeellid om van 4 tot 9 September na Viëtnam te reis om buitelandse sake, verdediging en veiligheid te bespreek.
Vir ’n besoek van dieselfde aard is ’n bedrag van N$800 000 opsy gesit vir nog twee groepe van vyf parlementslede en een personeellid elk, wat tussen 27 Augustus en 2 September na Botswana en Angola sal reis.
Die parlement het ook N$500 000 opsy gesit vir ’n reis na Kongo-Brazzaville of Angola om toesig te hou oor die bestuur van die regering se ekonomiese handel en beleggingsprojekte en -fasiliteite daar.
Vir 10 parlementariërs en twee personeellede se besoeke aan lande met goeie praktyke in openbare administrasie, insluitend Ghana, Tunisië, Finland, Swede en Switserland, het die parlement ’n gesamentlike N$1 miljoen begroot.
’n Bedrag van N$80 000 is geoormerk vir ses parlementslede en twee personeellede se bywoning van openbare verhore en konsultasies in Swakopmund oor die oes van robbe.
Ses afgevaardigdes is ook geskeduleer om van 25 tot 29 September na Kanada te reis vir ’n vergadering oor visserye met betrekking tot die robslagting-mosie, waarvoor N$400 000 begroot word.
‘STRALEJAKKERY’
Intussen het die parlement N$450 000 opsy gesit vir ’n studiebesoek aan die parlement van Kanada in September vir vyf parlementariërs en ’n personeellid, terwyl N$350 000 opgedok gaan word sodat vier mense ’n globale konferensie van jong parlementariërs vanaf 15 tot 17 September in Viëtnam kan bywoon.
Daar blyk geen einde aan parlementariërs se reise te wees nie, met vyf lede en een ander personeellid wat van 3 tot 9 September na Oslo, Noorweë, vertrek vir ’n besoek in verband met natuurlike hulpbronne. Vir dié reis is N$400 000 opsy gesit.
’n Bedrag van N$320 000 is verder begroot vir protokol- en diplomasie-opleiding vir alle parlementariërs en parlementêre personeel in Swakopmund vanaf 27 Augustus tot 2 September, terwyl opleiding oor die aanbieding van openbare verhore ook geskeduleer is om in die kusdorp plaas te vind. Dit sal deur die Parlementêre Forum geborg word.
Die datum en begroting vir laasgenoemde moet nog bevestig word.
GEEN KOSTE ONTSIEN
’n Allemintige N$400 000 gaan vandeesweek – 17 tot 21 Julie – bestee word wanneer vyf parlementslede en een personeellid na Zambië sal reis vir ’n vergadering oor bedrywighede van die Zambiese komitee op staatsrekeninge.
’n Bedrag van N$445 000 word begroot vir 30 parlementslede en 10 personeellede om ’n werkwinkel vandeesweek in Swakopmund by te woon, terwyl N$150 000 aan ’n toesighoudende reis na die Skedelkus bestee sal word vir ses parlementariërs en twee ander personeellede om vanaf 7 tot 11 Augustus ’n diamantafsetting in die Kunenestreek te besoek.
Die parlement het ook N$200 000 begroot vir ’n openbare verhoor en hersiening van geouditeerde verslae, wat van 13 tot 19 Augustus in Otjiwarongo sal plaasvind en deur 15 parlementslede en drie personeellede bygewoon sal word.
Een voertuig is vir dié rit toegeken en parlementariërs en parlementsbestuur sal ’n tarief per kilometer betaal word.
VIR HUL GERIEF
Die parlement het Maandag ontken dat baie van hierdie reise doelbewus georganiseer is om buite die hoofstad plaas te vind sodat wetgewers miljoene in reistoelaes kan verdien.
Die parlementswoordvoerder, Sackey Kadhikwa, het aan Namibian Sun gesê dat hulle aktiwiteite en geleenthede gereël het op grond van die beskikbaarheid van verblyf en sommige van die parlementslede se reisprogramme.
“Daar is niks sinister hieraan nie. Ons het eintlik gekyk na óf die venue óf die verblyf en nie vir die S&T nie. Swakopmund het meer verblyfdienste en ons ervaar ook uitdagings met konferensielokale in ander dorpe,” het hy gesê.
“In die ||Kharasstreek is verblyf skaars en plekke soos Lüderitz is baie klein en het nie die kapasiteit om so baie mense te akkommodeer nie.
“Soms is dit ook net vir die gerief van parlementariërs wat reeds in Swakopmund is, om te verhoed dat hulle heen en weer reis.”
– [email protected]
Volgens dokumente wat ons susterkoerant Namibian Sun onder oë gehad het, is Swakopmund die voorkeurbestemming vir baie van dié geleenthede.
Baie geleenthede wat in Windhoek gehou kan word om koste te beperk, sal buite die hoofstad gehou word. Een so ’n geleentheid is opleiding oor openbare redevoering vir vroueparlementariërs, wat tussen 24 en 28 Julie in Oshakati sal plaasvind – met ’n toegekende begroting van N$190 000.
’n Bedrag van N$800 000 is opsy gesit vir die bywoning van die Rusland-Afrika-beraad vanaf 26 tot 29 Julie in St Petersburg, terwyl N$1 miljoen begroot word vir geleenthede oor jeugwerkloosheid vanaf 21 tot 25 Augustus in Thailand en vanaf 11 tot 18 September in China.
Nog N$500 000 word begroot vir vyf parlementariërs wat op die komitee op grondwetlike en regsake dien en een personeellid om vergaderings oor wetshervorming, toegang tot geregtigheid en petisies in Julie en Augustus in Denemarke, Finland of Singapoer by te woon.
Nog vyf wat op hierdie komitee dien en een personeellid gaan tussen Augustus en September na Ghana of Suid-Afrika reis vir ’n soortgelyke vergadering, waarvoor nog N$500 000 begroot word.
RUIM BEGROTINGS
Nog N$200 000 word begroot vir die bywoning van die Statebond se parlementêre vereniging se vergadering van 3 tot 7 Augustus in Tanzanië, terwyl N$500 000 geoormerk is vir vyf parlementariërs en ’n personeellid om van 4 tot 9 September na Viëtnam te reis om buitelandse sake, verdediging en veiligheid te bespreek.
Vir ’n besoek van dieselfde aard is ’n bedrag van N$800 000 opsy gesit vir nog twee groepe van vyf parlementslede en een personeellid elk, wat tussen 27 Augustus en 2 September na Botswana en Angola sal reis.
Die parlement het ook N$500 000 opsy gesit vir ’n reis na Kongo-Brazzaville of Angola om toesig te hou oor die bestuur van die regering se ekonomiese handel en beleggingsprojekte en -fasiliteite daar.
Vir 10 parlementariërs en twee personeellede se besoeke aan lande met goeie praktyke in openbare administrasie, insluitend Ghana, Tunisië, Finland, Swede en Switserland, het die parlement ’n gesamentlike N$1 miljoen begroot.
’n Bedrag van N$80 000 is geoormerk vir ses parlementslede en twee personeellede se bywoning van openbare verhore en konsultasies in Swakopmund oor die oes van robbe.
Ses afgevaardigdes is ook geskeduleer om van 25 tot 29 September na Kanada te reis vir ’n vergadering oor visserye met betrekking tot die robslagting-mosie, waarvoor N$400 000 begroot word.
‘STRALEJAKKERY’
Intussen het die parlement N$450 000 opsy gesit vir ’n studiebesoek aan die parlement van Kanada in September vir vyf parlementariërs en ’n personeellid, terwyl N$350 000 opgedok gaan word sodat vier mense ’n globale konferensie van jong parlementariërs vanaf 15 tot 17 September in Viëtnam kan bywoon.
Daar blyk geen einde aan parlementariërs se reise te wees nie, met vyf lede en een ander personeellid wat van 3 tot 9 September na Oslo, Noorweë, vertrek vir ’n besoek in verband met natuurlike hulpbronne. Vir dié reis is N$400 000 opsy gesit.
’n Bedrag van N$320 000 is verder begroot vir protokol- en diplomasie-opleiding vir alle parlementariërs en parlementêre personeel in Swakopmund vanaf 27 Augustus tot 2 September, terwyl opleiding oor die aanbieding van openbare verhore ook geskeduleer is om in die kusdorp plaas te vind. Dit sal deur die Parlementêre Forum geborg word.
Die datum en begroting vir laasgenoemde moet nog bevestig word.
GEEN KOSTE ONTSIEN
’n Allemintige N$400 000 gaan vandeesweek – 17 tot 21 Julie – bestee word wanneer vyf parlementslede en een personeellid na Zambië sal reis vir ’n vergadering oor bedrywighede van die Zambiese komitee op staatsrekeninge.
’n Bedrag van N$445 000 word begroot vir 30 parlementslede en 10 personeellede om ’n werkwinkel vandeesweek in Swakopmund by te woon, terwyl N$150 000 aan ’n toesighoudende reis na die Skedelkus bestee sal word vir ses parlementariërs en twee ander personeellede om vanaf 7 tot 11 Augustus ’n diamantafsetting in die Kunenestreek te besoek.
Die parlement het ook N$200 000 begroot vir ’n openbare verhoor en hersiening van geouditeerde verslae, wat van 13 tot 19 Augustus in Otjiwarongo sal plaasvind en deur 15 parlementslede en drie personeellede bygewoon sal word.
Een voertuig is vir dié rit toegeken en parlementariërs en parlementsbestuur sal ’n tarief per kilometer betaal word.
VIR HUL GERIEF
Die parlement het Maandag ontken dat baie van hierdie reise doelbewus georganiseer is om buite die hoofstad plaas te vind sodat wetgewers miljoene in reistoelaes kan verdien.
Die parlementswoordvoerder, Sackey Kadhikwa, het aan Namibian Sun gesê dat hulle aktiwiteite en geleenthede gereël het op grond van die beskikbaarheid van verblyf en sommige van die parlementslede se reisprogramme.
“Daar is niks sinister hieraan nie. Ons het eintlik gekyk na óf die venue óf die verblyf en nie vir die S&T nie. Swakopmund het meer verblyfdienste en ons ervaar ook uitdagings met konferensielokale in ander dorpe,” het hy gesê.
“In die ||Kharasstreek is verblyf skaars en plekke soos Lüderitz is baie klein en het nie die kapasiteit om so baie mense te akkommodeer nie.
“Soms is dit ook net vir die gerief van parlementariërs wat reeds in Swakopmund is, om te verhoed dat hulle heen en weer reis.”
– [email protected]
Kommentaar
Republikein
Geen kommentaar is op hierdie artikel gelaat nie