Choas oor wetsontwerpe in NV
“Dinge kom van die Nasionale Raad (NR), maar julle maak hier soos julle wil en keur wetsontwerpe goed.”
So het die sekretaris-generaal van die National Unity Democratic Organisation (Nudo), Joseph Kauandenge, verlede week gesê tydens die bespreking van wysigings aan wetsontwerpe by die hervatting van die Nasionale Vergadering (NV) se tiende sitting van die sewende parlement.
Sy opmerking het gekom tydens die bespreking vir die heroorweging van die wetsontwerp op huwelike en hy meen dat lede die rol van die NV en die voorstelle van die NR verontagsaam.
“Hierdie verontagsaming het nie vandag begin nie, dit het lank terug al begin. Daar was sake van die Nasionale Raad wat in hierdie huis verontagsaam is, waar prosedures nie gevolg is nie.
“Selfs die laaste keer met die wysigings aan die kieswet. Laat ons nie hier krokodiltrane huil omdat ons belangstelling in die huwelikswet belê het nie.
Volgens Kauandenge het die NR in die verlede ’n “gesonde en behoorlike” voorstel vir die kieswet gegee, wat na sy mening deur die meerderheid van die lede van die NV verontagsaam is.
“Ons het by agbare Dienda gepleit om die voorstel deur die NR te oorweeg, maar omdat daar ’n meerderheidsbesluit was, het julle dit net verontagsaam.
“Toe al die gay wetsontwerpe gebring is, en na die huis gehaas is, het sommige wysigings van die NR gekom.
“Daar is sekere wetsontwerpe waaroor ons kan saamstem wat net deurgejaag word en nie deur die NR bespreek is nie,” het hy gesê.
Die heroorweging van die huwelikswetsontwerp is tot 10 September vir verdere bespreking uitgestel.
TE MIN TYD
Jerry Ekandjo het die belangrikheid daarvan beklemtoon om alle wysigings vroegtydig te bestudeer voor dit inderhaas bespreek word en wetsontwerpe uitgooi of aanvaar word sonder om dit ten volle te verstaan.
“Hierdie wetsontwerp se wysigings is op 30 Julie gemaak en die wysigings deur die ministerie van binnelandse sake is op 9 Augustus gesertifiseer. Dit beteken die ministerie het genoeg tyd gehad om deur die wysigings te gaan. Ons het dit eers vandag ontvang, is dit regverdig teenoor ons?
“Ons het nie eens die kans gekry om dit met die oorspronklike wetsontwerp te vergelyk en te kyk of die wysigings waar was of nie.
“Die wysigings kan nie net op ons tafel geplaas word nie. Ons het nie eens tyd gehad om dit na te gaan nie,” het hy gesê.
– [email protected]
So het die sekretaris-generaal van die National Unity Democratic Organisation (Nudo), Joseph Kauandenge, verlede week gesê tydens die bespreking van wysigings aan wetsontwerpe by die hervatting van die Nasionale Vergadering (NV) se tiende sitting van die sewende parlement.
Sy opmerking het gekom tydens die bespreking vir die heroorweging van die wetsontwerp op huwelike en hy meen dat lede die rol van die NV en die voorstelle van die NR verontagsaam.
“Hierdie verontagsaming het nie vandag begin nie, dit het lank terug al begin. Daar was sake van die Nasionale Raad wat in hierdie huis verontagsaam is, waar prosedures nie gevolg is nie.
“Selfs die laaste keer met die wysigings aan die kieswet. Laat ons nie hier krokodiltrane huil omdat ons belangstelling in die huwelikswet belê het nie.
Volgens Kauandenge het die NR in die verlede ’n “gesonde en behoorlike” voorstel vir die kieswet gegee, wat na sy mening deur die meerderheid van die lede van die NV verontagsaam is.
“Ons het by agbare Dienda gepleit om die voorstel deur die NR te oorweeg, maar omdat daar ’n meerderheidsbesluit was, het julle dit net verontagsaam.
“Toe al die gay wetsontwerpe gebring is, en na die huis gehaas is, het sommige wysigings van die NR gekom.
“Daar is sekere wetsontwerpe waaroor ons kan saamstem wat net deurgejaag word en nie deur die NR bespreek is nie,” het hy gesê.
Die heroorweging van die huwelikswetsontwerp is tot 10 September vir verdere bespreking uitgestel.
TE MIN TYD
Jerry Ekandjo het die belangrikheid daarvan beklemtoon om alle wysigings vroegtydig te bestudeer voor dit inderhaas bespreek word en wetsontwerpe uitgooi of aanvaar word sonder om dit ten volle te verstaan.
“Hierdie wetsontwerp se wysigings is op 30 Julie gemaak en die wysigings deur die ministerie van binnelandse sake is op 9 Augustus gesertifiseer. Dit beteken die ministerie het genoeg tyd gehad om deur die wysigings te gaan. Ons het dit eers vandag ontvang, is dit regverdig teenoor ons?
“Ons het nie eens die kans gekry om dit met die oorspronklike wetsontwerp te vergelyk en te kyk of die wysigings waar was of nie.
“Die wysigings kan nie net op ons tafel geplaas word nie. Ons het nie eens tyd gehad om dit na te gaan nie,” het hy gesê.
– [email protected]
Kommentaar
Republikein
Geen kommentaar is op hierdie artikel gelaat nie