Cran sluit venster vir nuwe lisensies

Nuwe aansoeke vir lisensies om telekommunikasie- en uitsaaidienste te lewer, moet die regulerende Owerheid vir Kommunikasie in Namibië (Cran) teen 30 Junie 2022 bereik.Die waghond se uitvoerende hoof, me. Emilia Nghikembua, het Vrydag in &#039;n nuusvrystelling gesê die besluit is geneem in afwagting van die bedryfswye marknavorsing wat belanghebbendes verlede jaar versoek het.Die marknavorsing moet vlakke van mededinging ondersoek, vasstel of daar &#039;n ooraanbod van dienste in sekere sektore is en struikelblokke in die weg van toetrede tot die mark identifiseer.Volgens Nghikembua het Cran &#039;n voorlopige ondersoek gedoen deur bestaande bedryfsverslae met beste praktyke in die res van die wêreld te vergelyk. Hieruit is vasgestel dat marknavorsing net kan plaasvind onder &#039;n vaste aantal diensverskaffers. &#039;n Markstilstand is dus nodig vir navorsing.Vanaf 1 Oktober vanjaar tot 30 September 2023 sal derhalwe geen nuwe lisensies toegeken word nie. Aansoeke kan tydens hierdie periode wel "wanneer prakties moontlik" gedoen word vir die wysiging, opskorting, oordrag of afstand doen van lisensies. Die voorwaarde is dat veranderinge nie markdata sal wysig nie.Reeds gelisensieerdes of uitsaaiers en diensleweraars wat kwytgeskeld is van lisensievoorwaardes, sal tydens die markstilstand ook kan aansoek doen vir spektrumwysigings. Nuwe aansoeke wat binne die volgende drie maande ontvang word, sal teen 30 September 2022 oorweeg word.Volgens Nghikembua sal marknavorsing ook die publiek se menings toets. Cran sal die navorsingsverslag aan die regering voorlê en met die ministerie van inligting en kommunikasietegnologie oor moontlike ingrypings besin.

Cran sluit venster vir nuwe lisensies

Kommentaar

Republikein 2025-04-21

Meld asseblief aan om kommentaar te lewer

Cran sluit venster vir nuwe lisensies

Kommentaar

Republikein 2025-04-21

Meld asseblief aan om kommentaar te lewer

MELD AAN

Advertensie