Droogtehulpkos word vernietig

Altesaam 127 blikkies vis wat vir droogtehulp aan kwesbare huishoudings in Karibib bestem was, is verlede Dinsdag vernietig, volgens die hoofstreekbeampte in die Erongostreek, Mupenzeni Ntelamo.Hy voer egter aan dat ’n video wat op sosiale media versprei word, ’n wanindruk skep dat die kos verval het. “Die blikkies is tydens die aflaaiproses beskadig,” sê hy. Intussen het die kantoor van die eerste minister, wat verantwoordelik is vir die verspreiding van die droogtehulp, ook bevestig dat ’n vurkhyser die blikkies beskadig het.’n Gesondheidsinspekteur is volgens prosedure ontbied, wat toe die betrokke blikkies vis ongeskik vir menslike gebruik verklaar het.Die 127 blikkies vis is by die dorp se stortingsterrein vernietig, nadat dit na die dorpsraad se kantoor geneem is. Dit was glo by die dorpsraad dat ’n Karibib-inwoner op die blikkies afgekom en die video geneem het.’n Kiesafdelingsraadslid van Karibib, Melania Ndjago, is ook omgekrap oor die voorval en het gisteroggend ’n volledige verslag oor die voorval van Ntelamo verwag.Sy kla ook dat versoeke om droogtehulp, ook onder kwesbare inwoners van die dorp, op dowe ore val.Volgens haar word die kos net in landelike gebiede verskaf, terwyl inwoners van die dorp self ook hulp nodig het. Die blikkies vis was vir Karibib se Usab-nedersetting bestem, volgens die eerste minister se kantoorLuidens Karibib se kiesafdelingskantoor is daar tans 1 568 begunstigdes wat vir droogtehulp in dié kiesafdeling geregistreer is. Die aantal begunstigdes wissel egter maandeliks aangesien hulle herhaaldelik geverifieer word, volgens ’n kiesafdelingsbeampte.’n Inwoner van Karibib, Rudolf Kahingunga, sê daar is baie vrae oor wie en wat vir die droogtehulp in aanmerking kom, en dat daar ’n gebrek aan deursigtigheid is in die verspreidingsproses.Die direkteur vir risikobestuur in die kantoor van die eerste minister, Helen Likando, het ’n beroep op die publiek gedoen om nie vals inligting te versprei nie, en om nie droogtehulp te verpolitiseer nie, om vrees en verwarring onder begunstigdes te vermy.Sy het ook al 14 streekrade aangemoedig om droogtehulp-voedselitems te bewaar en te verseker dat dit betyds uitgedeel word.Ntelamo voer verder aan dat geen droogtehulpkos in die Erongostreek se pakhuise verval het, of om dié rede vernietig is nie. Hy erken dit is die tweede voorval waar blikkies beskadig is en dus vernietig moes word. Maar al sy streek se droogtehulpkos word steeds daagliks so ver as Duares- en Walvisbaai- landelike nedersettings versprei, sê hy. – augetto@republikein.com.na

Droogtehulpkos word vernietig

Kommentaar

Republikein 2025-02-19

Meld asseblief aan om kommentaar te lewer

Droogtehulpkos word vernietig

Kommentaar

Republikein 2025-02-19

Meld asseblief aan om kommentaar te lewer

MELD AAN

Advertensie