Droogtehulpvoedsel gesteel, verkoop
Meer as 1,2 miljoen staar akute honger in die gesig
Die verwoestende droogte in Namibië het 'n geweldige impak op gemeenskappe, oeste, vee en voedselpryse.
Die regering sê hy sal nie enige dade van winsbejag of verpolitisering van droogtehulpvoedsel goedkeur nie. Laasgenoemde is daarop gemik om die voedselgapings te verminder en die lewensbestaan van 1,26 miljoen droogtegeteisterde Namibiërs te beskerm.
Die regering se begroting vir die huidige droogte is N$1,3 miljard, met verskeie ingrypings wat oor verskeie sektore geïmplementeer is. Ten spyte van hierdie ingrypings, is pogings om verligting te verskaf ondermyn deur korrupsie, veral aan die kant van staatsamptenare wat na bewering hulp wat vir kwesbare bevolkings bedoel is, na geldmaakskemas herlei.
Sommige streekraadslede is ook daarvan beskuldig dat hulle droogtehulpvoedsel weerhou van gemeenskapslede wat verskillende politieke affiliasies het.
Eerste minister Saara Kuugongelwa-Amadhila het tydens die amptelike implementering van die 2024/25 landwye droogtehulpprogram haar kommer uitgespreek oor voorvalle waar hulpvoedsel gesteel is.
“Die regering het met kommer kennis geneem van die voorvalle van diefstal van droogtehulpitems wat aangemeld is. Ons veroordeel ook die verpolitisering van noodvoedselhulp. Hierdie voorvalle moet deur alle rolspelers aangespreek word binne die toepaslike beleidsrigtings en stelsels,” het sy gesê.
“Ons sal nie in staat wees om die kwesbaarhede wat deur die droogte geskep is, doeltreffend aan te spreek as ons toelaat dat sulke voorvalle voortduur nie. Dit ondermyn pogings ondermyn om te verseker dat hulp aan almal in nood verskaf word,” het Kuugongelwa-Amadhila gesê.
Die land se voortslepende droogte eis steeds 'n verwoestende tol op byna die helfte van die bevolking, wat tot sterftes lei en die voortbestaan van beide vee en wild bedreig.
President Nangolo Mbumba het in Mei 'n nasionale noodtoestand weens die droogte afgekondig.
Die amptelike verklaring wat op 22 Mei in die Staatskoerant gepubliseer is, het gevolg kort nadat Mbumba die beraad van die Suider-Afrikaanse Ontwikkelingsgemeenskap (SADC) toegespreek het, waar hy die ernstige impak van die El Niño-verwante droogte en vloede op lidlande bespreek het.
Tydens sy toespraak het hy gesê Namibië se droogtehulpprogram staar 'n finansieringstekort van N$482 miljoen in die gesig en het hulp van internasionale en rolspelers in die streek gevra.
Die droogte het gelei tot ernstige watertekorte en voedselonsekerheid, met damvlakke wat veral in die land se sentrale streke gedaal het.
Netwerk Media Hub (NMH) het vroeër berig oor die tragiese dood van sowat 20 mense in die Judea Lyaboloma-kiesafdeling in die Zambezi-streek. Dié inwoners is gedwing om water in gevaarlike gebiede te gaan haal, waar krokodille en seekoeie weens skaars waterpunte saam met mense dieselfde waterbronne noodgedwonge moet gebruik.
Die ministerie van omgewing, bosbou en toerisme het vroeër vandeesweek gesê meer as 130 seekoeie is in die modderige Munambeza-poel naby die Lyambezi-meer in Zambezi gestrand, met vyf wat reeds dood is.
Dit is die derde gebied langs die Choberivier wat aan Botswana grens, waar seekoeie weens die droogte gestrand is.
Die ministerie se woordvoerder Romeo Muyunda het aan die nasionale uitsaaier (NBC) gesê pogings is onderweg om die situasie vir die gestrande diere te verbeter.
“Ons het boorgate geboor, en ons pomp reeds water in die dam. Hoewel die situasie baie ernstig is, glo ons dit kan gered word,” het hy gesê.
Die regering het in Julie 'n landwye droogtehulpprogram ter waarde van 'n geraamde N$825 miljoen van stapel gestuur. Die program, wat deur die kantoor van die eerste minister gekoördineer word, het ten doel om voedsel, water en landbouhulp aan droogtegeteisterde gemeenskappe te verskaf. Die noodlenigingspakket teiken 341 855 huishoudings, met 'n totaal van 1,3 miljoen mense wat akute voedselonsekerheid in die gesig staar.
Die impak van die droogte het die regering ook genoop om 723 wild, insluitend olifante, te oes in ‘n poging om die ernstige voedselonsekerheid aan te spreek. Die vleis sal aan sukkelende gemeenskappe uitgedeel word as deel van 'n droogtehulpprogram wat daarop gemik is om honger te verlig. - [email protected]
Die regering se begroting vir die huidige droogte is N$1,3 miljard, met verskeie ingrypings wat oor verskeie sektore geïmplementeer is. Ten spyte van hierdie ingrypings, is pogings om verligting te verskaf ondermyn deur korrupsie, veral aan die kant van staatsamptenare wat na bewering hulp wat vir kwesbare bevolkings bedoel is, na geldmaakskemas herlei.
Sommige streekraadslede is ook daarvan beskuldig dat hulle droogtehulpvoedsel weerhou van gemeenskapslede wat verskillende politieke affiliasies het.
Eerste minister Saara Kuugongelwa-Amadhila het tydens die amptelike implementering van die 2024/25 landwye droogtehulpprogram haar kommer uitgespreek oor voorvalle waar hulpvoedsel gesteel is.
“Die regering het met kommer kennis geneem van die voorvalle van diefstal van droogtehulpitems wat aangemeld is. Ons veroordeel ook die verpolitisering van noodvoedselhulp. Hierdie voorvalle moet deur alle rolspelers aangespreek word binne die toepaslike beleidsrigtings en stelsels,” het sy gesê.
“Ons sal nie in staat wees om die kwesbaarhede wat deur die droogte geskep is, doeltreffend aan te spreek as ons toelaat dat sulke voorvalle voortduur nie. Dit ondermyn pogings ondermyn om te verseker dat hulp aan almal in nood verskaf word,” het Kuugongelwa-Amadhila gesê.
Die land se voortslepende droogte eis steeds 'n verwoestende tol op byna die helfte van die bevolking, wat tot sterftes lei en die voortbestaan van beide vee en wild bedreig.
President Nangolo Mbumba het in Mei 'n nasionale noodtoestand weens die droogte afgekondig.
Die amptelike verklaring wat op 22 Mei in die Staatskoerant gepubliseer is, het gevolg kort nadat Mbumba die beraad van die Suider-Afrikaanse Ontwikkelingsgemeenskap (SADC) toegespreek het, waar hy die ernstige impak van die El Niño-verwante droogte en vloede op lidlande bespreek het.
Tydens sy toespraak het hy gesê Namibië se droogtehulpprogram staar 'n finansieringstekort van N$482 miljoen in die gesig en het hulp van internasionale en rolspelers in die streek gevra.
Die droogte het gelei tot ernstige watertekorte en voedselonsekerheid, met damvlakke wat veral in die land se sentrale streke gedaal het.
Netwerk Media Hub (NMH) het vroeër berig oor die tragiese dood van sowat 20 mense in die Judea Lyaboloma-kiesafdeling in die Zambezi-streek. Dié inwoners is gedwing om water in gevaarlike gebiede te gaan haal, waar krokodille en seekoeie weens skaars waterpunte saam met mense dieselfde waterbronne noodgedwonge moet gebruik.
Die ministerie van omgewing, bosbou en toerisme het vroeër vandeesweek gesê meer as 130 seekoeie is in die modderige Munambeza-poel naby die Lyambezi-meer in Zambezi gestrand, met vyf wat reeds dood is.
Dit is die derde gebied langs die Choberivier wat aan Botswana grens, waar seekoeie weens die droogte gestrand is.
Die ministerie se woordvoerder Romeo Muyunda het aan die nasionale uitsaaier (NBC) gesê pogings is onderweg om die situasie vir die gestrande diere te verbeter.
“Ons het boorgate geboor, en ons pomp reeds water in die dam. Hoewel die situasie baie ernstig is, glo ons dit kan gered word,” het hy gesê.
Die regering het in Julie 'n landwye droogtehulpprogram ter waarde van 'n geraamde N$825 miljoen van stapel gestuur. Die program, wat deur die kantoor van die eerste minister gekoördineer word, het ten doel om voedsel, water en landbouhulp aan droogtegeteisterde gemeenskappe te verskaf. Die noodlenigingspakket teiken 341 855 huishoudings, met 'n totaal van 1,3 miljoen mense wat akute voedselonsekerheid in die gesig staar.
Die impak van die droogte het die regering ook genoop om 723 wild, insluitend olifante, te oes in ‘n poging om die ernstige voedselonsekerheid aan te spreek. Die vleis sal aan sukkelende gemeenskappe uitgedeel word as deel van 'n droogtehulpprogram wat daarop gemik is om honger te verlig. - [email protected]
Kommentaar
Republikein
Geen kommentaar is op hierdie artikel gelaat nie