Groot plase wag vir terugkerende BaTswanas
Sowat 100 individue geregistreer vir repatriasie
Die regering het vyf kommersiële plase – met 'n gesamentlike oppervlakte van 23 054 hektaar – teen 'n koste van N$58 miljoen bekom.
Meer as 10 jaar nadat ’n repatriasieproses tussen Namibië en Botswana begin het, sal ’n groep BaTswanas van Namibiese afkoms môre in die land verwelkom word.
In ’n verklaring wat gister uitgereik is, het die regering gesê hy het tot dusver sowat 100 BaTswanas vir repatriasie geregistreer – 98 individue wat 49 huishoudings verteenwoordig.
“Die ministerie van landbou, water en grondhervorming het ter voorbereiding vir hul terugkeer ’n erf van 21 hektaar in Gam geïdentifiseer.
“Boonop is 245 807 hektaar gemeenskaplike weiveld wes van Gam, bekend as Otjipaheua, in samewerking met die Kambazembi Tradisionele Owerheid vir weidingsdoeleindes ontwikkel,” lui die verklaring.
Daar is ook kennis geneem dat die ministerie belê het in die ontwikkeling van infrastruktuur, wat boorgate, watertenks, sonkragligte en die bou van dierehanteringsfasiliteite in die gebied insluit.
Daarbenewens het die regering vyf kommersiële plase in die Omaheke-, Otjozondjupa- en Hardapstreek – met ’n gesamentlike oppervlakte van 23 054 hektaar – teen 'n koste van N$58 miljoen bekom.
“Met hul terugkeer sal die BaTswanas van Namibiese afkoms van nasionale identiteitsdokumente voorsien word en hul kinders sal by staatskole ingeskryf word.
“Om hul hervestiging te vergemaklik, het die kabinet vrystelling op belasting op toegevoegde waarde (BTW) vir persoonlike en huishoudelike goedere en omgewingsheffings vir 25 motorvoertuie toegestaan,” lui die verklaring.
Die geregistreerde persone het reeds hul Botswana-burgerskap afgesweer en sal sonder hul beeste na Namibië terugkeer.
Die landbouminister, Carl Schlettwein, het Dinsdag die Nasionale Vergadering in kennis gestel dat die proses vir ander teruggekeerdes steeds aan die gang is.
Die tweede groep sal glo uit die omgewing naby Ghanzi kom en sal saam met hul beeste gerepatrieer word. Hul repatriasie sal op ’n later datum plaasvind, het die minister gesê.
“Hierdie gemeenskappe se besluit om na hul tuisland terug te keer, moet as ’n proses van herstel gesien word.
“Hul beplande besluit om te repatrieer moet ons daaraan herinner dat ons nog ’n lang pad het om te gaan voor volle herstel bereik kan word,” het Schlettwein beklemtoon.
– [email protected]
In ’n verklaring wat gister uitgereik is, het die regering gesê hy het tot dusver sowat 100 BaTswanas vir repatriasie geregistreer – 98 individue wat 49 huishoudings verteenwoordig.
“Die ministerie van landbou, water en grondhervorming het ter voorbereiding vir hul terugkeer ’n erf van 21 hektaar in Gam geïdentifiseer.
“Boonop is 245 807 hektaar gemeenskaplike weiveld wes van Gam, bekend as Otjipaheua, in samewerking met die Kambazembi Tradisionele Owerheid vir weidingsdoeleindes ontwikkel,” lui die verklaring.
Daar is ook kennis geneem dat die ministerie belê het in die ontwikkeling van infrastruktuur, wat boorgate, watertenks, sonkragligte en die bou van dierehanteringsfasiliteite in die gebied insluit.
Daarbenewens het die regering vyf kommersiële plase in die Omaheke-, Otjozondjupa- en Hardapstreek – met ’n gesamentlike oppervlakte van 23 054 hektaar – teen 'n koste van N$58 miljoen bekom.
“Met hul terugkeer sal die BaTswanas van Namibiese afkoms van nasionale identiteitsdokumente voorsien word en hul kinders sal by staatskole ingeskryf word.
“Om hul hervestiging te vergemaklik, het die kabinet vrystelling op belasting op toegevoegde waarde (BTW) vir persoonlike en huishoudelike goedere en omgewingsheffings vir 25 motorvoertuie toegestaan,” lui die verklaring.
Die geregistreerde persone het reeds hul Botswana-burgerskap afgesweer en sal sonder hul beeste na Namibië terugkeer.
Die landbouminister, Carl Schlettwein, het Dinsdag die Nasionale Vergadering in kennis gestel dat die proses vir ander teruggekeerdes steeds aan die gang is.
Die tweede groep sal glo uit die omgewing naby Ghanzi kom en sal saam met hul beeste gerepatrieer word. Hul repatriasie sal op ’n later datum plaasvind, het die minister gesê.
“Hierdie gemeenskappe se besluit om na hul tuisland terug te keer, moet as ’n proses van herstel gesien word.
“Hul beplande besluit om te repatrieer moet ons daaraan herinner dat ons nog ’n lang pad het om te gaan voor volle herstel bereik kan word,” het Schlettwein beklemtoon.
– [email protected]
Kommentaar
Republikein
Geen kommentaar is op hierdie artikel gelaat nie