/Khomanin-gemeenskap ontevrede oor afbakening
Nuwe kiesafdeling – Otto Nankudhu – geskep
'n Gemeenskapsaktivis sê die voorstel is gemaak deur raadslede wat nie in die geraakte kiesafdelings woon nie, terwyl dit ook nie strook met die gemeenskap se belange nie.
Die /Khomanin Tradisionele Owerheid het die afbakeningsvoorstel wat Khomas se goewerneur, Laura McLeod-Katjirua en ander kiesafdelingraadslede voorgestel het, ten sterkste verwerp.
Volgens die owerheid is die gemeenskap nie behoorlik geraadpleeg oor die afbakening van grense nie.
’n Gedeelte van die Katutura Sentrale-kiesafdeling, wat tans 30 557 inwoners het, word aan die John A. Pandeni-kiesafdeling afgestaan, met die versoek dat die Afbakeningskommissie dit oorweeg om die grense van sekere kiesafdelings te wysig weens die hoë bevolkingsgetalle, volgens die voorstel.
Die gemeenskap stel voor dat die drie sleutel- informele nedersettings – die hele Damara-informele nedersetting, Gemeente en die gebied by die polisiekamp deel van die Katutura Sentrale-kiesafdeling word omdat dié gebiede geografies binne sy grense is.
Volgens lede van die gemeenskap bevorder die huidige verdeling diskriminasie en ekonomiese uitsluiting binne hul gemeenskap. McLeod-Katjirua het beklemtoon dat ongelyke kiesafdelingsgrense struikelblokke in die pad van gelyke verspreiding van hulpbronne, goedere en dienste plaas.
“Die streekraad se voorlegging fokus op die verbetering van dienslewering in sektore soos grond, onderwys, gesondheid, sowel as water en sanitasie,” het sy gesê.
Shaun Gariseb, ’n gemeenskapsaktivis, het egter tydens ’n mediakonferensie in Windhoek die voorleggings vir die afbakening van grense gekritiseer.
Gariseb sê die raadslede, wat volgens hom nie in die geraakte kiesafdelings woon nie, het voorleggings gemaak wat nie met die gemeenskap se belange strook nie.
“Ons het genoeg gehad en vandag verwerp ons in die openbaar hierdie dokumente. Ons dring aan op antwoorde oor wie dit opgestel het en watter lede van ons kiesafdelings by die proses betrokke was,” het hy gesê.
Hy het die versekering gegee sodra die gemeenskap sy voorstel gefinaliseer het en wat in lyn is met die behoeftes en belange van hul mense, dit direk aan die Afbakeningskommissie voorgelê sal word.
Gariseb het benadruk dat hul voorstel nie met die raadslede of die goewerneur se kantore geaffilieer sal wees nie.
’n Gedeelte van die Samora Machel-kiesafdeling word aan die John A. Pandeni-kiesafdeling afgestaan, met die oorblywende gedeelte wat in twee kiesafdelings verdeel sal word, luidens die voorstel.
Die wysiging sal die totale aantal kiesafdelings in Khomas op 11 te staan bring, met die nuwe kiesafdeling wat as Otto Nankudhu bekend sal staan.
Die grense van die kiesafdelings Windhoek-Oos, Tobias Hainyeko, Moses //Garoëb, Samora Machel, Khomasdal en Windhoek-Wes, wat grense met die Windhoek Landelike-kiesafdeling deel, sal uitgebrei word na die streek se grense met ander streke soos Omaheke, Otjozondjupa en Erongo.
– [email protected]
Volgens die owerheid is die gemeenskap nie behoorlik geraadpleeg oor die afbakening van grense nie.
’n Gedeelte van die Katutura Sentrale-kiesafdeling, wat tans 30 557 inwoners het, word aan die John A. Pandeni-kiesafdeling afgestaan, met die versoek dat die Afbakeningskommissie dit oorweeg om die grense van sekere kiesafdelings te wysig weens die hoë bevolkingsgetalle, volgens die voorstel.
Die gemeenskap stel voor dat die drie sleutel- informele nedersettings – die hele Damara-informele nedersetting, Gemeente en die gebied by die polisiekamp deel van die Katutura Sentrale-kiesafdeling word omdat dié gebiede geografies binne sy grense is.
Volgens lede van die gemeenskap bevorder die huidige verdeling diskriminasie en ekonomiese uitsluiting binne hul gemeenskap. McLeod-Katjirua het beklemtoon dat ongelyke kiesafdelingsgrense struikelblokke in die pad van gelyke verspreiding van hulpbronne, goedere en dienste plaas.
“Die streekraad se voorlegging fokus op die verbetering van dienslewering in sektore soos grond, onderwys, gesondheid, sowel as water en sanitasie,” het sy gesê.
Shaun Gariseb, ’n gemeenskapsaktivis, het egter tydens ’n mediakonferensie in Windhoek die voorleggings vir die afbakening van grense gekritiseer.
Gariseb sê die raadslede, wat volgens hom nie in die geraakte kiesafdelings woon nie, het voorleggings gemaak wat nie met die gemeenskap se belange strook nie.
“Ons het genoeg gehad en vandag verwerp ons in die openbaar hierdie dokumente. Ons dring aan op antwoorde oor wie dit opgestel het en watter lede van ons kiesafdelings by die proses betrokke was,” het hy gesê.
Hy het die versekering gegee sodra die gemeenskap sy voorstel gefinaliseer het en wat in lyn is met die behoeftes en belange van hul mense, dit direk aan die Afbakeningskommissie voorgelê sal word.
Gariseb het benadruk dat hul voorstel nie met die raadslede of die goewerneur se kantore geaffilieer sal wees nie.
’n Gedeelte van die Samora Machel-kiesafdeling word aan die John A. Pandeni-kiesafdeling afgestaan, met die oorblywende gedeelte wat in twee kiesafdelings verdeel sal word, luidens die voorstel.
Die wysiging sal die totale aantal kiesafdelings in Khomas op 11 te staan bring, met die nuwe kiesafdeling wat as Otto Nankudhu bekend sal staan.
Die grense van die kiesafdelings Windhoek-Oos, Tobias Hainyeko, Moses //Garoëb, Samora Machel, Khomasdal en Windhoek-Wes, wat grense met die Windhoek Landelike-kiesafdeling deel, sal uitgebrei word na die streek se grense met ander streke soos Omaheke, Otjozondjupa en Erongo.
– [email protected]
Kommentaar
Republikein
Geen kommentaar is op hierdie artikel gelaat nie