Namcor: Uanguta neem posisie oor
Hoofredaksie – Een van die Bank van Namibië (BoN) se adjunkpresidente Ebson Uanguta, sal in Januarie as die tussentydse besturende direkteur van die nasionale oliemaatskappy, Namcor, inval. Volgens betroubare inligting het die minister van openbare ondernemings, Ipumbu Shiimi, ná 'n gesprek met Namcor se direksie besluit het om Uanguta in dié posisie aan te stel. Uanguta het kortliks as goewerneur van die sentrale bank gedien toe Shiimi dié rol in 2020 verlaat en minister van finansies geword het.
Uanguta, wat hoog aangeslaan is in regeringskringe, is ook in 2019 aangestel as die tydelike kommissaris van die Namibiese inkomste-agentskap (NamRa) voor die aanstelling van Sam Shivute as hoof. Ná sy diens by die agentskap het hy hoof van die BoN geword nadat Shiimi by die kabinet aangesluit het en voordat Johannes !Gawaxab aangestel is om die sentrale bank te lei.
Uanguta se aanstelling by Namcor sal vanaf 11 Januarie in werking tree. Hy sal oorneem by Shiwana Ndeunyema wat in dié hoedanigheid waargeneem het, ná die skorsing van die voormalige besturende direkteur, Immanuel Mulunga, in April.
Mulunga se terugkeer van sy skorsing word nou as byna onmoontlik beskou, omdat hy verskeie dissiplinêre klagte asook 'n regsgeding in die gesig staar waarin Namcor 'n terugbetaling van sowat N$53 miljoen eis vir 'n transaksie wat hy na bewering goedgekeur het.
'BEDRIEGLIKE TRANSAKSIES'
In hofstukke wat op 8 Desember by die hoërhof in Windhoek ingedien is, het Namcor 'n saak van bedrieglike transaksies aanhangig gemaak wat bewerings van valse waardasies insluit. Dit is na bewering gebruik om te regverdig dat die maatskappy sowat N$53 miljoen betaal vir 'n bate wat glo aan die ministerie van verdediging en veteranesake behoort het.
Mulunga en 'n aantal van sy voormalige senior bestuurders is hof toe gesleep vir hul beweerde rol in die transaksie.
“Uanguta word nie spesifiek ingebring om die Mulunga-kwessies te hanteer nie, maar hy sal dit onvermydelik moet hanteer. Die direksie het dit goed geag om ’n heeltemal neutrale persoon van buite in te bring,” het ’n amptenaar gesê.
“Natuurlik is die Mulunga-aangeleentheid hoofsaaklik 'n direksie-aangeleentheid, maar die waarnemende besturende direkteur kan nie vermy om in sekere hoedanighede betrokke te wees nie.”
Uanguta en Shiimi kon vir kommentaar bereik word nie.
KLAGTES
In Augustus het Ndeunyema die begeerte uitgespreek om afstand te doen van die waarnemende pligte, maar die direksie – wat vermoedelik beïndruk was deur sy prestasie – het besluit hy moet aanbly.
Vroeër is berig Namcor en Mulunga se prokureurs is in gesprek vir 'n moontlike skeidingspakket vir Mulunga wat moontlik die einde kan wees van die dissiplinêre prosesse wat tans aan die gang is.
Toe hy in April geskors is, is Mulunga beskuldig van die beweerde uitlek van vertroulike inligting aan die media en voorraadverlies by Namcor – vermoedelik in verband met brandstof ter waarde van sowat N$69 miljoen wat aan Validus Energy behoort – wat die nasionale oliemaatskappy na bewering sonder die eienaar se toestemming gebruik het.
Mulunga is ook aangekla vir 'n bevestigende beëdigde verklaring wat hy uitgereik het in 'n saak waarby Namcor se voormalige finansiële hoof, Jennifer Hamukwaya, betrokke was. Sy het die maatskappy hof toe gesleep oor Mulunga se besluit om nie haar kontrak te hernu nie en die direksie beskou Mulunga se beëdigde verklaring as glo in stryd met sy besluit om nie die kontrak te hernu nie.
Alhoewel die Teenkorrupsiekommissie van Namibië (ACC), Mulunga kwytgeskeld het van bewerings dat hy 'n betaling van N$100 miljoen gemagtig het vir 'n olieprojek in Angola - waar Namcor 'n 10%-aandeelhouer is - word Mulunga nou ook hieroor aangekla. Die Namcor-direksie se termyn, wat verleng is nadat dit in Augustus verstryk het, eindig in Januarie. - [email protected]
Uanguta, wat hoog aangeslaan is in regeringskringe, is ook in 2019 aangestel as die tydelike kommissaris van die Namibiese inkomste-agentskap (NamRa) voor die aanstelling van Sam Shivute as hoof. Ná sy diens by die agentskap het hy hoof van die BoN geword nadat Shiimi by die kabinet aangesluit het en voordat Johannes !Gawaxab aangestel is om die sentrale bank te lei.
Uanguta se aanstelling by Namcor sal vanaf 11 Januarie in werking tree. Hy sal oorneem by Shiwana Ndeunyema wat in dié hoedanigheid waargeneem het, ná die skorsing van die voormalige besturende direkteur, Immanuel Mulunga, in April.
Mulunga se terugkeer van sy skorsing word nou as byna onmoontlik beskou, omdat hy verskeie dissiplinêre klagte asook 'n regsgeding in die gesig staar waarin Namcor 'n terugbetaling van sowat N$53 miljoen eis vir 'n transaksie wat hy na bewering goedgekeur het.
'BEDRIEGLIKE TRANSAKSIES'
In hofstukke wat op 8 Desember by die hoërhof in Windhoek ingedien is, het Namcor 'n saak van bedrieglike transaksies aanhangig gemaak wat bewerings van valse waardasies insluit. Dit is na bewering gebruik om te regverdig dat die maatskappy sowat N$53 miljoen betaal vir 'n bate wat glo aan die ministerie van verdediging en veteranesake behoort het.
Mulunga en 'n aantal van sy voormalige senior bestuurders is hof toe gesleep vir hul beweerde rol in die transaksie.
“Uanguta word nie spesifiek ingebring om die Mulunga-kwessies te hanteer nie, maar hy sal dit onvermydelik moet hanteer. Die direksie het dit goed geag om ’n heeltemal neutrale persoon van buite in te bring,” het ’n amptenaar gesê.
“Natuurlik is die Mulunga-aangeleentheid hoofsaaklik 'n direksie-aangeleentheid, maar die waarnemende besturende direkteur kan nie vermy om in sekere hoedanighede betrokke te wees nie.”
Uanguta en Shiimi kon vir kommentaar bereik word nie.
KLAGTES
In Augustus het Ndeunyema die begeerte uitgespreek om afstand te doen van die waarnemende pligte, maar die direksie – wat vermoedelik beïndruk was deur sy prestasie – het besluit hy moet aanbly.
Vroeër is berig Namcor en Mulunga se prokureurs is in gesprek vir 'n moontlike skeidingspakket vir Mulunga wat moontlik die einde kan wees van die dissiplinêre prosesse wat tans aan die gang is.
Toe hy in April geskors is, is Mulunga beskuldig van die beweerde uitlek van vertroulike inligting aan die media en voorraadverlies by Namcor – vermoedelik in verband met brandstof ter waarde van sowat N$69 miljoen wat aan Validus Energy behoort – wat die nasionale oliemaatskappy na bewering sonder die eienaar se toestemming gebruik het.
Mulunga is ook aangekla vir 'n bevestigende beëdigde verklaring wat hy uitgereik het in 'n saak waarby Namcor se voormalige finansiële hoof, Jennifer Hamukwaya, betrokke was. Sy het die maatskappy hof toe gesleep oor Mulunga se besluit om nie haar kontrak te hernu nie en die direksie beskou Mulunga se beëdigde verklaring as glo in stryd met sy besluit om nie die kontrak te hernu nie.
Alhoewel die Teenkorrupsiekommissie van Namibië (ACC), Mulunga kwytgeskeld het van bewerings dat hy 'n betaling van N$100 miljoen gemagtig het vir 'n olieprojek in Angola - waar Namcor 'n 10%-aandeelhouer is - word Mulunga nou ook hieroor aangekla. Die Namcor-direksie se termyn, wat verleng is nadat dit in Augustus verstryk het, eindig in Januarie. - [email protected]
Kommentaar
Republikein
Geen kommentaar is op hierdie artikel gelaat nie