NBC-werknemers bekommerd oor nasleep van staking
Bekommerde werknemers van die Namibiese Uitsaaikorporasie (NBC) het hul frustrasie en teleurstelling oor die nasleep van die NBC-staking in 2021 uitgespreek.
In ’n verklaring wat aan Network Media Hub (NMH) vrygestel is, het hulle dankbaarheid teenoor die parlementêre staande komitee oor menslike hulpbronne en gemeenskapsontwikkeling uitgespreek vir sy ondersoekverslag, terwyl hulle NBC se bestuur veroordeel het vir sy regstappe teen die komitee.
Die werknemers beweer dat NBC se bestuur betrokke was by onbillike arbeidspraktyke ná die staking, insluitend onregmatige salarisaftrekkings tot ongunstige dienskontrakte.
Die NBC-staking in 2021, wat weke lank geduur het en radio- en televisieprogramme ontwrig het, is hoofsaaklik veroorsaak deur die verdeling van N$5,4 miljoen in prestasiebonusse onder NBC se uitvoerende bestuur en gekose senior bestuurders.
Die parlementêre komitee het later in ’n verslag bevind dat die NBC se bestuur bonusse ontvang het terwyl hulle terselfdertyd ’n 5,2%-salarisverhoging verwerp het, wat met die Namibiese Vakbond vir Staatsdienswerkers (Napwu) ooreengekom is.
Die NBC-raad het ’n eenmalige betaling voorgestel wat van N$10 000 tot N$15 000 gewissel het. Die werknemers het egter dié voorstel verwerp aangesien dit nie in ooreenstemming met die onderhandelde ooreenkoms was nie.
Die raad het later die voorstel teruggetrek, met verwysing na begrotingsbeperkings ondanks die feit dat die NBC ’n begrotingstoekenning van N$127 miljoen van die ministerie van inligting en kommunikasietegnologie ontvang het.
Werknemers se frustrasies is vererger toe die NBC glo ook N$1,9 miljoen bestee het aan ’n luukse voertuig vir sy direkteur-generaal, Stanley Similo, ten spyte daarvan dat hy reeds ’n voertuigtoelaag ontvang het.
Die verslag van die parlementêre komitee het ook kommerwekkende finansiële praktyke blootgelê, insluitend die verdwyning van drie rekenaars van die departement van finansies wat sensitiewe finansiële data bevat, met geen strafsaak wat geopen is nie.
Volgens die werknemers was die parlementêre komitee se verslag “’n langverwagte regverdiging van hul griewe”.
Hulle het hul standpunt herhaal dat die staking veroorsaak is deur die NBC-raad se besluit om aansienlike bonusse aan gekose bestuurders toe te staan, terwyl ’n voorheen ooreengekome salarisverhoging van 5,1% vir alle werknemers verwerp is.
“Die komitee se bevindinge het bevestig wat ons nog altyd geweet het: Begunstiging en diskriminasie was ter sprake in die toekenning van bonusse,” het een NBC-werknemer gesê wat anoniem wou bly.
Die werknemers het verder die NBC-bestuur en -raad gekritiseer omdat hulle nie dokumentasie verskaf het om die bonusse te regverdig nie.
“Daar was geen prestasie-ooreenkomste nie, geen kontrakte om die bonusse te ondersteun nie, tog het die bestuur die publiek mislei deur beweerde vooraf gereëlde onderhoude (staged interviews) en selektiewe mediakonferensies,” het die werknemers beweer.
KOMITEE GEDAGVAAR
Die werknemers het NBC ook gekritiseer omdat hulle die parlementêre staande komitee gedagvaar het en dit beskryf as ’n poging om aanspreeklikheid te vermy.
“Vir ’n staatsbeheerde instelling om ’n komitee van die parlement te dagvaar, skep ’n gevaarlike presedent en skep ’n grondwetlike krisis. Die NBC moenie toegelaat word om homself bo die wet te verhef nie,” het hulle gesê.
Hulle het verder teleurstelling uitgespreek dat die komitee se aanbevelings, insluitend die terugbetaling van afgetrekte salarisse, nie bindend is nie.
“As hierdie ondersoekliggame geen wetlike mag het om hul aanbevelings af te dwing nie, sal geregtigheid nooit geskied nie,” het hulle betreur.
Die werknemers doen ’n beroep op die regering en die inligtingministerie om te verseker dat die NBC-bestuur aan die komitee se aanbevelings voldoen.
“Die staking het jare gelede geëindig, maar die straf duur voort. Die NBC-bestuur moet hierdie onbillike arbeidspraktyke staak en geraakte werknemers vergoed.
“Ons doen ’n beroep op die regering om leiding in hierdie saak te neem,” het hulle gesê.
Die werknemers het ook hul bereidwilligheid uitgespreek om in die hof te getuig of vreedsame betogings te reël indien nodig. – [email protected]
In ’n verklaring wat aan Network Media Hub (NMH) vrygestel is, het hulle dankbaarheid teenoor die parlementêre staande komitee oor menslike hulpbronne en gemeenskapsontwikkeling uitgespreek vir sy ondersoekverslag, terwyl hulle NBC se bestuur veroordeel het vir sy regstappe teen die komitee.
Die werknemers beweer dat NBC se bestuur betrokke was by onbillike arbeidspraktyke ná die staking, insluitend onregmatige salarisaftrekkings tot ongunstige dienskontrakte.
Die NBC-staking in 2021, wat weke lank geduur het en radio- en televisieprogramme ontwrig het, is hoofsaaklik veroorsaak deur die verdeling van N$5,4 miljoen in prestasiebonusse onder NBC se uitvoerende bestuur en gekose senior bestuurders.
Die parlementêre komitee het later in ’n verslag bevind dat die NBC se bestuur bonusse ontvang het terwyl hulle terselfdertyd ’n 5,2%-salarisverhoging verwerp het, wat met die Namibiese Vakbond vir Staatsdienswerkers (Napwu) ooreengekom is.
Die NBC-raad het ’n eenmalige betaling voorgestel wat van N$10 000 tot N$15 000 gewissel het. Die werknemers het egter dié voorstel verwerp aangesien dit nie in ooreenstemming met die onderhandelde ooreenkoms was nie.
Die raad het later die voorstel teruggetrek, met verwysing na begrotingsbeperkings ondanks die feit dat die NBC ’n begrotingstoekenning van N$127 miljoen van die ministerie van inligting en kommunikasietegnologie ontvang het.
Werknemers se frustrasies is vererger toe die NBC glo ook N$1,9 miljoen bestee het aan ’n luukse voertuig vir sy direkteur-generaal, Stanley Similo, ten spyte daarvan dat hy reeds ’n voertuigtoelaag ontvang het.
Die verslag van die parlementêre komitee het ook kommerwekkende finansiële praktyke blootgelê, insluitend die verdwyning van drie rekenaars van die departement van finansies wat sensitiewe finansiële data bevat, met geen strafsaak wat geopen is nie.
Volgens die werknemers was die parlementêre komitee se verslag “’n langverwagte regverdiging van hul griewe”.
Hulle het hul standpunt herhaal dat die staking veroorsaak is deur die NBC-raad se besluit om aansienlike bonusse aan gekose bestuurders toe te staan, terwyl ’n voorheen ooreengekome salarisverhoging van 5,1% vir alle werknemers verwerp is.
“Die komitee se bevindinge het bevestig wat ons nog altyd geweet het: Begunstiging en diskriminasie was ter sprake in die toekenning van bonusse,” het een NBC-werknemer gesê wat anoniem wou bly.
Die werknemers het verder die NBC-bestuur en -raad gekritiseer omdat hulle nie dokumentasie verskaf het om die bonusse te regverdig nie.
“Daar was geen prestasie-ooreenkomste nie, geen kontrakte om die bonusse te ondersteun nie, tog het die bestuur die publiek mislei deur beweerde vooraf gereëlde onderhoude (staged interviews) en selektiewe mediakonferensies,” het die werknemers beweer.
KOMITEE GEDAGVAAR
Die werknemers het NBC ook gekritiseer omdat hulle die parlementêre staande komitee gedagvaar het en dit beskryf as ’n poging om aanspreeklikheid te vermy.
“Vir ’n staatsbeheerde instelling om ’n komitee van die parlement te dagvaar, skep ’n gevaarlike presedent en skep ’n grondwetlike krisis. Die NBC moenie toegelaat word om homself bo die wet te verhef nie,” het hulle gesê.
Hulle het verder teleurstelling uitgespreek dat die komitee se aanbevelings, insluitend die terugbetaling van afgetrekte salarisse, nie bindend is nie.
“As hierdie ondersoekliggame geen wetlike mag het om hul aanbevelings af te dwing nie, sal geregtigheid nooit geskied nie,” het hulle betreur.
Die werknemers doen ’n beroep op die regering en die inligtingministerie om te verseker dat die NBC-bestuur aan die komitee se aanbevelings voldoen.
“Die staking het jare gelede geëindig, maar die straf duur voort. Die NBC-bestuur moet hierdie onbillike arbeidspraktyke staak en geraakte werknemers vergoed.
“Ons doen ’n beroep op die regering om leiding in hierdie saak te neem,” het hulle gesê.
Die werknemers het ook hul bereidwilligheid uitgespreek om in die hof te getuig of vreedsame betogings te reël indien nodig. – [email protected]
Kommentaar
Republikein
Geen kommentaar is op hierdie artikel gelaat nie