Nog geen datum vasgestel vir Nujoma se begrafnis
Amptelike portret bekend gestel vir routydperk
Die uitvoerende direkteur van inligting en kommunikasietegnologie het private entiteite en regeringskantore aangemoedig om boeke beskikbaar te stel waarin die publiek hul medelye kan betoon.
Die uitvoerende direkteur van inligting en kommunikasietegnologie, dr. Audrin Mathe, het gister Namibiërs gemaan om nie tydens die nasionale routydperk ingeloop te word nie. Hy het gesê ’n lys wat op sosiale media versprei word en glo aandui watter persone en entiteite tot wyle Sam Nujoma se begrafnis sal bydra, is vals.
Mathe verduidelik dat amptelike kommunikasie oor die afsterwe van die stigterspresident “nie deur sosiale media gekommunikeer sal word nie”.
Hy het ook aangekondig dat ’n amptelike portret van Nujoma spesifiek vir die routydperk beskikbaar gestel sal word.
Mathe het ook private entiteite en regeringskantore aangemoedig om boeke beskikbaar te stel waarin die publiek hul medelye kan betoon.
“Hierdie boeke sal ná die routydperk aan die staat oorhandig word sodat dit bewaar kan word,” het hy gesê.
Mathe het ook die publiek gevra om slegs op weeksdae tussen 14:00 en 16:00 Nujoma se woning te besoek en om die familie kans te gee om oor naweke te rus.
– [email protected]
Mathe verduidelik dat amptelike kommunikasie oor die afsterwe van die stigterspresident “nie deur sosiale media gekommunikeer sal word nie”.
Hy het ook aangekondig dat ’n amptelike portret van Nujoma spesifiek vir die routydperk beskikbaar gestel sal word.
Mathe het ook private entiteite en regeringskantore aangemoedig om boeke beskikbaar te stel waarin die publiek hul medelye kan betoon.
“Hierdie boeke sal ná die routydperk aan die staat oorhandig word sodat dit bewaar kan word,” het hy gesê.
Mathe het ook die publiek gevra om slegs op weeksdae tussen 14:00 en 16:00 Nujoma se woning te besoek en om die familie kans te gee om oor naweke te rus.
– [email protected]
Kommentaar
Republikein
Geen kommentaar is op hierdie artikel gelaat nie