#PasIn Werke beamte in hegtenis geneem

'n Senior personeellid van die ministerie van werke is by die Otjiwarongo padverkeerskontrolepunt gearresteer omdat hy na bewering 'n Toyota-bakkie wat aan die regering behoort bestuur het sonder 'n permit of toestemming om sy besittings te vervoer, asook 'n sleepwa vol veevoer. Die verdagte en sy medebeskuldigde het na bewering die GRN-nommerplate verwyder en ’n private nommerplaat vertoon. In die polisieverslag is vermeld dat die verdagte na bewering die voertuig met diesel volgemaak het met 'n regeringsbrandstofkaart. Die verdagtes sal na verwagting Dinsdag in die Otjiwarongo-landdroshof verskyn. John Mutorwa, minister van werke, het die inhegtenisname bevestig, maar gesê hy kan eers kommentaar lewer en 'n openbare verklaring gee sodra die verdagtes in die hof verskyn het. - Jemima Beukes