‘Volskaalse oorlog’ teen vroue, kinders
Deur regering in die steek gelaat
'n Kampvegter vir vroue- en kinderregte sê die kerk betoog teen selfdegeslaghuwelike en hou mediakonferensies, maar doen nie dieselfde vir die lot van vroue en kinders nie.
“’n Oorlog word teen vroue en kinders gevoer. Ek het dit self voorheen aan [president] Hage gesê.
“Wanneer gemeenskappe en die samelewing ’n beroep op diegene in beheer doen, moet hulle dit nie sien as ’n uitdaging van hul swakhede en tekortkominge nie, maar erken dat ons in die moeilikheid is en dat ons opreg hulp soek. Ons ervaar pyn en ons stel ’n oplossing voor deur ’n noodtoestand te vra.”
So sê ’n voormalige wetgewer en kampvegter vir vroue- en kinderregte, Rosa Namises, wat ’n pleidooi aan president Hage Geingob gerig het om dringend in te gryp in wat sy ’n “volskaalse oorlog” teen vroue en kinders in Namibië noem.
Namises het Namibiërs ook aangemoedig om hande te vat en standpunt in te neem teen die toenemende verkragtings en moorde op kinders en vroue, en nie “deur politici aan die neus rondgelei te word met hul leë beloftes nie”.
Sy het ook die kerke se stilswye oor die toenemende misdrywe teen vroue en kinders in die land bevraagteken, asook politici wat net wag om die situasie te gebruik om die manifes te ondersteun.
“Ek is teleurgesteld in die kerk – ek was so verbaas dat hulle teen selfdegeslaghuwelike kon betoog en mediakonferensies kon hou, maar hulle het nie dieselfde gedoen vir die lot van vroue en kinders nie.
“Die regering het vroue en kinders in die steek gelaat en politici gebruik eerder hul situasie om te wag vir verkiesingsveldtogte om beloftes te maak wat nooit nagekom sal word nie,” het sy gesê.
Haar pleidooie kom na aanleiding van ’n petisie wat in 2020 deur die ShutItAllDown-beweging aan die Nasionale Vergadering (NV) oorhandig is, waarin gevra word dat ’n noodtoestand aangekondig word as gevolg van die toename in geslagsgebaseerde geweld.
Die parlement het egter sy voete met dié petisie gesleep en het gesê hy sal in Augustus openbare verhore oor die pleidooie en kwessies wat daarin geopper word, begin.
Lydia Kandetu, die NV se uitvoerende direkteur, het dit bevestig en gesê dat die petisie ná deeglike oorweging in April 2021 na die parlementêre staande komitee oor geslagsgelykheid, maatskaplike ontwikkeling en gesinsake verwys is.
Volgens haar het die komitee uitgebreide gesprekke in September 2021 gevoer om die dringende kwessie te takel, met die erkenning van die dringendheid van die kwessies wat deur die aktiviste geopper is. Dit is egter uitgestel weens die voortslepende openbare verhore oor aborsie.
“Openbare verhore oor die petisie sal volgende week begin. Ons sal die media op hoogte hou van die program en die konsultasie met belanghebbendes en die publiek.
“Die petisie is in September 2021 deur die komitee oorweeg en bespreek. As gevolg van die petisie oor aborsies wat oorweeg word en openbare verhore wat deur dieselfde komitee gehou word, sal openbare verhore oor die #ShutItAllDown-petisie vanaf 6 tot 12 Augustus 2023 begin in die Omusati-, Oshana-, Ohangwena- en Oshikotostreek,” het sy gesê.
– [email protected]
“Wanneer gemeenskappe en die samelewing ’n beroep op diegene in beheer doen, moet hulle dit nie sien as ’n uitdaging van hul swakhede en tekortkominge nie, maar erken dat ons in die moeilikheid is en dat ons opreg hulp soek. Ons ervaar pyn en ons stel ’n oplossing voor deur ’n noodtoestand te vra.”
So sê ’n voormalige wetgewer en kampvegter vir vroue- en kinderregte, Rosa Namises, wat ’n pleidooi aan president Hage Geingob gerig het om dringend in te gryp in wat sy ’n “volskaalse oorlog” teen vroue en kinders in Namibië noem.
Namises het Namibiërs ook aangemoedig om hande te vat en standpunt in te neem teen die toenemende verkragtings en moorde op kinders en vroue, en nie “deur politici aan die neus rondgelei te word met hul leë beloftes nie”.
Sy het ook die kerke se stilswye oor die toenemende misdrywe teen vroue en kinders in die land bevraagteken, asook politici wat net wag om die situasie te gebruik om die manifes te ondersteun.
“Ek is teleurgesteld in die kerk – ek was so verbaas dat hulle teen selfdegeslaghuwelike kon betoog en mediakonferensies kon hou, maar hulle het nie dieselfde gedoen vir die lot van vroue en kinders nie.
“Die regering het vroue en kinders in die steek gelaat en politici gebruik eerder hul situasie om te wag vir verkiesingsveldtogte om beloftes te maak wat nooit nagekom sal word nie,” het sy gesê.
Haar pleidooie kom na aanleiding van ’n petisie wat in 2020 deur die ShutItAllDown-beweging aan die Nasionale Vergadering (NV) oorhandig is, waarin gevra word dat ’n noodtoestand aangekondig word as gevolg van die toename in geslagsgebaseerde geweld.
Die parlement het egter sy voete met dié petisie gesleep en het gesê hy sal in Augustus openbare verhore oor die pleidooie en kwessies wat daarin geopper word, begin.
Lydia Kandetu, die NV se uitvoerende direkteur, het dit bevestig en gesê dat die petisie ná deeglike oorweging in April 2021 na die parlementêre staande komitee oor geslagsgelykheid, maatskaplike ontwikkeling en gesinsake verwys is.
Volgens haar het die komitee uitgebreide gesprekke in September 2021 gevoer om die dringende kwessie te takel, met die erkenning van die dringendheid van die kwessies wat deur die aktiviste geopper is. Dit is egter uitgestel weens die voortslepende openbare verhore oor aborsie.
“Openbare verhore oor die petisie sal volgende week begin. Ons sal die media op hoogte hou van die program en die konsultasie met belanghebbendes en die publiek.
“Die petisie is in September 2021 deur die komitee oorweeg en bespreek. As gevolg van die petisie oor aborsies wat oorweeg word en openbare verhore wat deur dieselfde komitee gehou word, sal openbare verhore oor die #ShutItAllDown-petisie vanaf 6 tot 12 Augustus 2023 begin in die Omusati-, Oshana-, Ohangwena- en Oshikotostreek,” het sy gesê.
– [email protected]
Kommentaar
Republikein
Geen kommentaar is op hierdie artikel gelaat nie