Beesbemarking duik, skaap groei
Betaal mededingende pryse, sê Vleisraad
Altesaam 13 670 beeste is in Februarie bemark; dit verteenwoordig 'n inkrimping van 24,5%, op 'n jaar-tot-jaar-basis.
Op ’n jaar-tot-jaar-basis het die bemarking van beeste in Februarie binne alle segmente van die beesbedryf met dubbele syfers gedaal.
Dit volgens die Vleisraad van Namibië se jongste statistiek.
“Die beginpunt is om ’n bevorderlike omgewing te skep vir verbeterde beleggings binne die lewendehawesektor, wat tot groter primêre produksie sal lei,” het die Vleisraad in sy jongste verslag oor Februarie se bemarkingsyfers van lewende hawe opgemerk.
“’n Groot deel daarvan om ’n gunstige omgewing vir boere te skep, sluit in om op ’n voortdurende basis mededingende pryse aan lewendehaweprodusente te betaal,” is gesê.
Altesaam 13 670 beeste is in Februarie bemark. Dit verteenwoordig ’n inkrimping van 24,5%, op ’n jaar-tot-jaar-basis. Hiervan is 61% – die meeste speenkalwers – op die hoef na Suid-Afrika en Botswana uitgevoer.
Tog het lewende uitvoere van speenkalwers ook afgeneem teenoor verlede jaar – met soveel as 16,9% as gevolg van ’n kleiner vraag na Namibiese diere uit Suid-Afrika. Daarbenewens het verslagting by beide uitvoer- en B- en C-klas-abattoirs met onderskeidelik 26,6% en 49,3% afgeneem.
Altesaam 4 018 beeste, of 29,4% van alle beeste wat in Februarie bemark is, is aan goedgekeurde uitvoerabattoirs verkoop. Die res – 1 315 beeste of 9,6% van alle beeste wat bemark is – is aan B- en C-klas-abattoirs gelewer.
VCF PRYSVERSKILLE
Nog slegte nuus vir landbouers is dat die prys van speenkalwers suid van die veterinêre kordonheining in Februarie met 22,8% afgeneem het.
Oor die afgelope maande het Namibiese speenkalwers die wind van voor gekry, met sterk mededinging van speenkalwers uit Botswana.
Gebiede suid van die veterinêre kordonheining (VCF) het boonop ’n groter volume van vee op veilings gehad, wat die speenkalfprys verder laat daal het.
Die gemiddelde prys vir speenkalwers was sowat N$33,29 per kg in Februarie – ’n volle N$9,28 per kg minder as in Februarie 2022, toe dié prys op N$42,57 gestaan het. Noord van die VCF is N$22,56 per kg vir speenkalwers in Februarie betaal, wat steeds N$10,73 minder is as wat aan beesboere suid van die VCF betaal is.
SKAPE, BOKKE
Die skaapbedryf het ’n skerp groei in bemarking van 43,9% in Februarie gesien – hoofsaaklik te danke aan ’n sterker nasionale kudde.
Boonop het plaaslike uitvoerabattoirs ook ’n groei van 536,4% in Februarie gehad – die hoogste vlakke sedert Augustus 2019. Die hoofrede hiervoor is die goeie pryse wat vir A2-graad-karkasse betaal is – wat selfs beter as abattoirs in die Noord-Kaap was.
Altesaam 46 459 skape is in die tydperk bemark, in vergelyking met 32 268 skape wat dieselfde tyd verlede jaar bemark is.
Die goeie pryse wat deur die Noord-Kaapse abattoirs aangebied is, is steeds ’n groot trekpleister vir Namibiese skaapboere. Dienooreenkomstig is tot 98,7% van die skape na Suid-Afrika uitgevoer, terwyl heelwat kleiner hoeveelhede ook lewend na Angola en Botswana uitgevoer is.
Die bokbedryf het egter ook swakker groei in Februarie getoon en met ongeveer 11,1% afgeneem teenoor dieselfde tydperk verlede jaar. Die Vleisraad sê die rede hiervoor is omdat minder bokke lewend na Suid-Afrika uitgevoer is omdat die vraag daarna in KwaZulu-Natal afgeneem het.
Daarbenewens het bemarkingsaktiwiteite in B- en C-klas-abattoirs oor dieselfde tydperk met 407,4% toegeneem – in vergelyking met 2022 se syfers.
VARKE
Die varkbedryf het ook relatief goed gevaar en matige groei van 6,5% in Februarie getoon.
In totaal is 3 679 varke bemark aan abattoirs wat die Vleisraad se goedkeuring het – dit is sowat 266 meer varke as wat in Februarie 2022 bemark is.
Die markaandeel-promosieskema vir varke word steeds toegepas en help plaaslike produsente met marktoegang en beskerming van goedkoop varkprodukte van elders.
– [email protected]
Dit volgens die Vleisraad van Namibië se jongste statistiek.
“Die beginpunt is om ’n bevorderlike omgewing te skep vir verbeterde beleggings binne die lewendehawesektor, wat tot groter primêre produksie sal lei,” het die Vleisraad in sy jongste verslag oor Februarie se bemarkingsyfers van lewende hawe opgemerk.
“’n Groot deel daarvan om ’n gunstige omgewing vir boere te skep, sluit in om op ’n voortdurende basis mededingende pryse aan lewendehaweprodusente te betaal,” is gesê.
Altesaam 13 670 beeste is in Februarie bemark. Dit verteenwoordig ’n inkrimping van 24,5%, op ’n jaar-tot-jaar-basis. Hiervan is 61% – die meeste speenkalwers – op die hoef na Suid-Afrika en Botswana uitgevoer.
Tog het lewende uitvoere van speenkalwers ook afgeneem teenoor verlede jaar – met soveel as 16,9% as gevolg van ’n kleiner vraag na Namibiese diere uit Suid-Afrika. Daarbenewens het verslagting by beide uitvoer- en B- en C-klas-abattoirs met onderskeidelik 26,6% en 49,3% afgeneem.
Altesaam 4 018 beeste, of 29,4% van alle beeste wat in Februarie bemark is, is aan goedgekeurde uitvoerabattoirs verkoop. Die res – 1 315 beeste of 9,6% van alle beeste wat bemark is – is aan B- en C-klas-abattoirs gelewer.
VCF PRYSVERSKILLE
Nog slegte nuus vir landbouers is dat die prys van speenkalwers suid van die veterinêre kordonheining in Februarie met 22,8% afgeneem het.
Oor die afgelope maande het Namibiese speenkalwers die wind van voor gekry, met sterk mededinging van speenkalwers uit Botswana.
Gebiede suid van die veterinêre kordonheining (VCF) het boonop ’n groter volume van vee op veilings gehad, wat die speenkalfprys verder laat daal het.
Die gemiddelde prys vir speenkalwers was sowat N$33,29 per kg in Februarie – ’n volle N$9,28 per kg minder as in Februarie 2022, toe dié prys op N$42,57 gestaan het. Noord van die VCF is N$22,56 per kg vir speenkalwers in Februarie betaal, wat steeds N$10,73 minder is as wat aan beesboere suid van die VCF betaal is.
SKAPE, BOKKE
Die skaapbedryf het ’n skerp groei in bemarking van 43,9% in Februarie gesien – hoofsaaklik te danke aan ’n sterker nasionale kudde.
Boonop het plaaslike uitvoerabattoirs ook ’n groei van 536,4% in Februarie gehad – die hoogste vlakke sedert Augustus 2019. Die hoofrede hiervoor is die goeie pryse wat vir A2-graad-karkasse betaal is – wat selfs beter as abattoirs in die Noord-Kaap was.
Altesaam 46 459 skape is in die tydperk bemark, in vergelyking met 32 268 skape wat dieselfde tyd verlede jaar bemark is.
Die goeie pryse wat deur die Noord-Kaapse abattoirs aangebied is, is steeds ’n groot trekpleister vir Namibiese skaapboere. Dienooreenkomstig is tot 98,7% van die skape na Suid-Afrika uitgevoer, terwyl heelwat kleiner hoeveelhede ook lewend na Angola en Botswana uitgevoer is.
Die bokbedryf het egter ook swakker groei in Februarie getoon en met ongeveer 11,1% afgeneem teenoor dieselfde tydperk verlede jaar. Die Vleisraad sê die rede hiervoor is omdat minder bokke lewend na Suid-Afrika uitgevoer is omdat die vraag daarna in KwaZulu-Natal afgeneem het.
Daarbenewens het bemarkingsaktiwiteite in B- en C-klas-abattoirs oor dieselfde tydperk met 407,4% toegeneem – in vergelyking met 2022 se syfers.
VARKE
Die varkbedryf het ook relatief goed gevaar en matige groei van 6,5% in Februarie getoon.
In totaal is 3 679 varke bemark aan abattoirs wat die Vleisraad se goedkeuring het – dit is sowat 266 meer varke as wat in Februarie 2022 bemark is.
Die markaandeel-promosieskema vir varke word steeds toegepas en help plaaslike produsente met marktoegang en beskerming van goedkoop varkprodukte van elders.
– [email protected]
Kommentaar
Republikein
Geen kommentaar is op hierdie artikel gelaat nie