Ian Collard groet Namib Mills (Agri Monitor)

Die Namibië Landbou-unie (NLU) wens Ian Collard (regs), die uittredende uitvoerende hoof van die Namib Mills Groep van Maatskappye, alle voorspoed toe vir die toekoms. “Ons spreek ons opregte dank uit vir sy onwrikbare en volgehoue ondersteuning van georganiseerde landbou oor die afgelope 27 jaar. Ian, ons wens jou en jou gesin alle sterkte toe. Mag boerdery jou siel verryk in goeie sowel as uitdagende tye,” is die boodskap van die NLU se president, Thinus Pretorius (links) aan Collard. Foto NLU