Verandering aan oorgrensbetalings

Nuusredaksie – ’n Onlangse ontwikkeling wat oorgrensbetalings raak, behels Namibiese transaksies met lande in die gemeenskaplike monetêre gebied (GMA), insluitend Suid-Afrika, Eswatini en Lesotho, wat eersdaags van krag sal word. Die Bank of Namibia (BoN) implementeer vanaf 15 April die veranderinge wat in die Bepaling oor die Gedrag van Elektroniese Fondsoordrag (EFT)-transaksies (PSD-9) uiteengesit is.Een beduidende verandering is die vereiste dat betalings aan die GMA as oorgrenstransaksies via die Swift-platform verwerk moet word, eerder as deur EFT. Dit beteken dat vanaf 15 April sal alle betalings aan Suid-Afrika, Eswatini, en Lesotho as internasionale oorgrens (Forex)-betalings beskou word.Hierdie verandering beïnvloed alle plaaslike bankkliënte wat betrokke is by transaksies met GMA-lande.DEBIETORDERSIn ooreenstemming met PSD-9, sal Suid-Afrikaanse invorderaars/entiteite vanaf 15 April nie langer debietorders van Namibiese rekeninge kan inneem nie. Op dieselfde wyse kan Namibiese invorderaars/entiteite nie debietorders van Suid-Afrikaanse rekeninge inneem nie. Sulke entiteite moet in die betrokke lande registreer of begunstigdes versoek om eerder kredietbetalings te inisieer.KREDIETBETALINGS AAN SUID-AFRIKAAlle EFT-kredietbetalings aan Suid-Afrika sal as Forex-betalings beskou word. Hierdie transaksies sal Swift-fooie dra en ekstra inligting van beide afsender en ontvanger vereis om aan regulasies te voldoen.Met hierdie verandering sal alle EFT-betalings wat deur kliënte binne die GMA verwerk en ontvang word, nie meer as binnelandse betaalmetodes beskou word nie.Alle oorgrensbetalings aan individue of besighede in die GMA sal eerder as ’n Forex-transaksie/internasionale betaling deurgaan.As jy ’n Namibiese filiaal van ’n Suid-Afrikaanse multinasionale maatskappy is of betrokke is by oorgrenstransaksies met GMA-lande, is dit noodsaaklik om al die relevante partye in te lig en alternatiewe prosesse te implementeer voor die sperdatum.Met hierdie verandering wat in werking tree, sal dit belangrik wees om proaktief te bly en beskikbare bankplatforms te benut om ’n vlot oorgang en voortgesette finansiële handel oor grense te verseker, maan die Namibië Landbou-unie (NLU) sy lede.“Bly ingelig, pas aan waar nodig, en navigeer die veranderende finansiële landskap met selfvertroue.”Let daarop dat hierdie verandering slegs van toepassing is op EFT-betalings en nie op kaartbetalings nie.

Verandering aan oorgrensbetalings

Kommentaar

Stephanus Gerber 1 Jaar Gelede26 March 2024

Meld asseblief aan om kommentaar te lewer

Verandering aan oorgrensbetalings

Kommentaar

Stephanus Gerber 1 Jaar Gelede26 March 2024

Meld asseblief aan om kommentaar te lewer

MELD AAN

Advertensie