20 jaar gelede
Maandag 7 Oktober 2002
- ’n Skandaal met die oorplasing en verplasing van miljoene dollars wat onder meer daartoe gelei het dat hospitale en klinieke in Namibië tydens ‘n rampspoedige malaria-uitbraak sonder medisyne gelaat is, is oopgevlek.
- Die Namibiese Polisie lê toenemend beslag op onwettige wapens en versoek die publiek om enigiemand wat vermoedelik in die besit is van ’n ongelisensieerde vuurwapen, dadelik aan te gee.
- Die Zimbabwiese staatshoof, mnr. Robert Mugabe, het by verlede week se SADC-leiersberaad in die Angolese-hoofstad, Luanda, die wind sterk van voor gekry.
Dinsdag 8 Oktober 2002
- Vir ’n bekende Namibiese fietsryer en haar metgesel het die jaarlikse Fish Eagle-motorfietssaamtrek by die kus Sondag in ’n nagmerrie geëindig toe hulle ná ’n onderonsie met die Eerste Minister se motorstoet vir ’n nag in die selle op Usakos toegesluit is.
- Arbeidsvrede is een van die belangrikste maniere waarop sosiale dialoog kan bydra tot die realisering van ontwikkelingsdoelwitte.
- Kinders sal voortaan van ’n baie jonger ouderdom verantwoordelik moet kan optree namate MIV/vigs se impak op jong lewens toeneem.
Woensdag 9 Oktober 2002
- Die vroeë reënseisoen in Namibië behoort taamlik swak te wees en volgens alle aanduidinge kan die landwye droogte in die eerste drie maande van vanjaar se reënseisoen voortduur.
- Die Eerste Minister sal gedagvaar word om getuienis te lewer en sy hoofsekuriteitswag staar siviele eise in die gesig in ’n hofdrama nadat twee Windhoekse motorfietsryers in die polisieselle gestop is omdat hulle Sondag ’n motorstoet van die Regering naby Arandis verbygesteek het.
Donderdag 10 Oktober 2002
- Groot afwagting heers op die Namibiese rugbyspan se Wêreldbeker-uitdunwedstryd teen Tunisië komende naweek.
- Brittanje is nie bekommerd dat die Namibiese grondhervormingsprogram sal uitloop op ’n krisis soos in Zimbabwe nie.
- “NamPower se kommunikasiestrategie is op papier. Dr. Leake Hangala weet hoe om intern en buite die werkplek te kommunikeer en sy strategie getuig daarvan.”
Vrydag 11 Oktober 2002
- Eise ter waarde van meer as N$97 miljoen is sedert 1997 teen die Namibiese Polisie aanhangig gemaak en minder as 26 persent daarvan het geslaag.
- Meer as 60 ondernemings sal binnekort in die hof moet teregstaan op aanklagte wat verband hou met versuim om die voorskrifte van die Wet op Regstellende Aksie na te kom.
- Die staat sal aktief die welsyn van mense bevorder en bewaar deur beleide wat verseker dat senior burgers geregtig op ’n pensioen is wat voldoende is vir die onderhouing van ’n gesonde lewenstandaard én die versekering dat hulle dit sal ontvang.
- ’n Skandaal met die oorplasing en verplasing van miljoene dollars wat onder meer daartoe gelei het dat hospitale en klinieke in Namibië tydens ‘n rampspoedige malaria-uitbraak sonder medisyne gelaat is, is oopgevlek.
- Die Namibiese Polisie lê toenemend beslag op onwettige wapens en versoek die publiek om enigiemand wat vermoedelik in die besit is van ’n ongelisensieerde vuurwapen, dadelik aan te gee.
- Die Zimbabwiese staatshoof, mnr. Robert Mugabe, het by verlede week se SADC-leiersberaad in die Angolese-hoofstad, Luanda, die wind sterk van voor gekry.
Dinsdag 8 Oktober 2002
- Vir ’n bekende Namibiese fietsryer en haar metgesel het die jaarlikse Fish Eagle-motorfietssaamtrek by die kus Sondag in ’n nagmerrie geëindig toe hulle ná ’n onderonsie met die Eerste Minister se motorstoet vir ’n nag in die selle op Usakos toegesluit is.
- Arbeidsvrede is een van die belangrikste maniere waarop sosiale dialoog kan bydra tot die realisering van ontwikkelingsdoelwitte.
- Kinders sal voortaan van ’n baie jonger ouderdom verantwoordelik moet kan optree namate MIV/vigs se impak op jong lewens toeneem.
Woensdag 9 Oktober 2002
- Die vroeë reënseisoen in Namibië behoort taamlik swak te wees en volgens alle aanduidinge kan die landwye droogte in die eerste drie maande van vanjaar se reënseisoen voortduur.
- Die Eerste Minister sal gedagvaar word om getuienis te lewer en sy hoofsekuriteitswag staar siviele eise in die gesig in ’n hofdrama nadat twee Windhoekse motorfietsryers in die polisieselle gestop is omdat hulle Sondag ’n motorstoet van die Regering naby Arandis verbygesteek het.
Donderdag 10 Oktober 2002
- Groot afwagting heers op die Namibiese rugbyspan se Wêreldbeker-uitdunwedstryd teen Tunisië komende naweek.
- Brittanje is nie bekommerd dat die Namibiese grondhervormingsprogram sal uitloop op ’n krisis soos in Zimbabwe nie.
- “NamPower se kommunikasiestrategie is op papier. Dr. Leake Hangala weet hoe om intern en buite die werkplek te kommunikeer en sy strategie getuig daarvan.”
Vrydag 11 Oktober 2002
- Eise ter waarde van meer as N$97 miljoen is sedert 1997 teen die Namibiese Polisie aanhangig gemaak en minder as 26 persent daarvan het geslaag.
- Meer as 60 ondernemings sal binnekort in die hof moet teregstaan op aanklagte wat verband hou met versuim om die voorskrifte van die Wet op Regstellende Aksie na te kom.
- Die staat sal aktief die welsyn van mense bevorder en bewaar deur beleide wat verseker dat senior burgers geregtig op ’n pensioen is wat voldoende is vir die onderhouing van ’n gesonde lewenstandaard én die versekering dat hulle dit sal ontvang.
Kommentaar
Republikein
Geen kommentaar is op hierdie artikel gelaat nie