Bybelse wysheid

DR. ANNES NELGenenis 28 vers 15: “Ek is by jou en Ek sal jou beskerm waar jy ook al gaan. Ek sal doen wat Ek jou beloof het.”Liverpool, een van die sokkerklubs in Engeland, het ’n lied wat hulle graag sing. Van die woorde is, “When you walk through a storm, hold your head up high and don’t be afraid of the dark. At the end of a storm, there’s a golden sky... walk on through the wind, walk on through the rain... walk on, walk on with hope in your heart, and you’ll never walk alone.” Die oorspronklike liedjie is in 1945 vir die Rodgers en Hammerstein-musiekblyspel Carousel geskryf en word verbind met troos vir iemand wat ’n geliefde verloor het.Dat ons nooit alleen sal wees nie, vind baie vaster fondamente in die beloftes van God. Dat God met ons is, word deur die hele Bybel herhaaldelik aan vreesbevange en mislukte mense gegee. Dink aan Moses, die moordenaar, Gideon, die afgodedienaar, Jeremia, die jong man, en Israel, die dowe en blinde volk (Jes. 42:43). Hier word dit aan Jakob, die bedrieër, gegee.Jesus is Immanuel. Dit beteken: God met ons (Mat 1:23). Hy is God met ons, ten spyte van wie ons is. Die dissipels kon nie saam met Hom in Getsemane wakker bly nie. Hulle het almal weggehardloop toe Hy gevange geneem is. Ná sy opstanding is hulle vreesbevange. Dan staan Hy tussen hulle met die belofte: Ek is by julle al die dae tot die einde toe (Matt. 28:20). Daarom kan niks ons van sy liefde kan skei nie (Rom 8:31-39).Dankie, Immanuel, dat ons nooit alleen sal loop nie. Amen.* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Bybelse wysheid

Kommentaar

Republikein 2025-04-16

Meld asseblief aan om kommentaar te lewer

Bybelse wysheid

Kommentaar

Republikein 2025-04-16

Meld asseblief aan om kommentaar te lewer

MELD AAN

Advertensie