Bybelse wysheid
DR. ANNES NEL
Ps 16:5,6: “Here, U is my lewe, U sorg vir my. Wat ek ontvang, kom alles van U af.”
As ons na ons huise, besittings en lieflike leefstyl kyk, sê ons soms dat die Here vir ons ’n pragtige deel in die lewe gegee het. Wat ons ontvang het, is wonderlik.
Hierdie gedagtes word ook in hierdie Psalm gevind: ’n Pragtige deel is vir my afgemeet, ja, wat ek ontvang het, is vir my mooi. Ons verstaan die Psalm egter net reg as ons besef dat dit ’n psalm van toewyding is. Die digter aanbid geen ander gode nie. Sonder hierdie God is sy lewe betekenisloos. Dit is aan hierdie God dat hy getrou wil bly. Daarom, voordat hy na die groot seëninge in sy lewe kyk, sê hy: “Ek behoort aan U, daar is vir my niks goeds nie behalwe by U.” Die Psalm is ’n samevatting van die eerste gebod van die wet – om God bo alles lief te hê.
Nikolai A. Berdyaev het opgemerk dat daar nie meer plek in die wêreld is vir ’n blote uiterlike vorm van Christenskap wat op gewoonte gebou is nie. ’n Baie ernstiger en intenser lewe voor God sal van Christene verwag word.
Geniet jy die Heer se seëninge, sonder om jou lewe aan Hom te wy? Mag jy die seën ontdek om in ’n verhouding met die God te leef wat jou elke dag seën.
Ps 16:5,6: “Here, U is my lewe, U sorg vir my. Wat ek ontvang, kom alles van U af.”
As ons na ons huise, besittings en lieflike leefstyl kyk, sê ons soms dat die Here vir ons ’n pragtige deel in die lewe gegee het. Wat ons ontvang het, is wonderlik.
Hierdie gedagtes word ook in hierdie Psalm gevind: ’n Pragtige deel is vir my afgemeet, ja, wat ek ontvang het, is vir my mooi. Ons verstaan die Psalm egter net reg as ons besef dat dit ’n psalm van toewyding is. Die digter aanbid geen ander gode nie. Sonder hierdie God is sy lewe betekenisloos. Dit is aan hierdie God dat hy getrou wil bly. Daarom, voordat hy na die groot seëninge in sy lewe kyk, sê hy: “Ek behoort aan U, daar is vir my niks goeds nie behalwe by U.” Die Psalm is ’n samevatting van die eerste gebod van die wet – om God bo alles lief te hê.
Nikolai A. Berdyaev het opgemerk dat daar nie meer plek in die wêreld is vir ’n blote uiterlike vorm van Christenskap wat op gewoonte gebou is nie. ’n Baie ernstiger en intenser lewe voor God sal van Christene verwag word.
Geniet jy die Heer se seëninge, sonder om jou lewe aan Hom te wy? Mag jy die seën ontdek om in ’n verhouding met die God te leef wat jou elke dag seën.
Kommentaar
Republikein
Geen kommentaar is op hierdie artikel gelaat nie