Bybelse wysheid
DR. ANNES NEL
Miga 7:19: “Hy sal ons weer genade betoon, Hy sal ons sonde tot niet maak, U sal al hulle sondes in die diepsee gooi.”
’n Seuntjie van omtrent vyf jaar oud is eenkeer gevra wat die Here met ons sonde doen, en hy het geantwoord God gooi dit in die see met ’n groot kennisgewing: geen visvang nie!
Ons het so ’n boodskap van vergifnis nodig. Israel word deur die Assiriërs bedreig. Dit lyk asof alles verkeerd loop. Daar is nie een opregte mens in die land nie en families vernietig mekaar (7:2,5,6). Die leiers spreek nie sonde en korrupsie aan nie (7:3). Die oordeel van God sal hulle regverdige beloning wees (7:9). Tog, wanneer God geoordeel het, sal Hy nie weer aan hulle sonde dink nie. Al die nasies wat vir hulle gelag het, sal rooi van skaamte wees, want God vergewe. Miga sê dat Hy ons sonde vernietig (7:19).
Toe die rekening aan die kruis op Golgota betaal is, het God gedoen wat nodig was (Kol 2:14). God het sy Seun geoordeel. Jy is vergewe. Hy wil nie hê jy moet voortdurend in jou verlede delf nie. Hy wil nie hê jy moet oor jou skouer loer om te sien of jou verlede jou inhaal nie. By God bestaan dit nie meer nie.
Miga 7:19: “Hy sal ons weer genade betoon, Hy sal ons sonde tot niet maak, U sal al hulle sondes in die diepsee gooi.”
’n Seuntjie van omtrent vyf jaar oud is eenkeer gevra wat die Here met ons sonde doen, en hy het geantwoord God gooi dit in die see met ’n groot kennisgewing: geen visvang nie!
Ons het so ’n boodskap van vergifnis nodig. Israel word deur die Assiriërs bedreig. Dit lyk asof alles verkeerd loop. Daar is nie een opregte mens in die land nie en families vernietig mekaar (7:2,5,6). Die leiers spreek nie sonde en korrupsie aan nie (7:3). Die oordeel van God sal hulle regverdige beloning wees (7:9). Tog, wanneer God geoordeel het, sal Hy nie weer aan hulle sonde dink nie. Al die nasies wat vir hulle gelag het, sal rooi van skaamte wees, want God vergewe. Miga sê dat Hy ons sonde vernietig (7:19).
Toe die rekening aan die kruis op Golgota betaal is, het God gedoen wat nodig was (Kol 2:14). God het sy Seun geoordeel. Jy is vergewe. Hy wil nie hê jy moet voortdurend in jou verlede delf nie. Hy wil nie hê jy moet oor jou skouer loer om te sien of jou verlede jou inhaal nie. By God bestaan dit nie meer nie.
Kommentaar
Republikein
Geen kommentaar is op hierdie artikel gelaat nie