Bybelse wysheid
DR. ANNES NEL
Efesiërs 1:18: “Ek bid dat Hy julle geestesoë so verhelder dat julle kan weet watter hoop Sy roeping inhou.”
David E. Summer skryf dat hy groot teoloë en filosowe bestudeer het. Hulle het hom baie insigte gegee. Dit was goed, maar Jesus gee hom Sy teenwoordigheid en ’n verhouding wat hy nie kan beskryf nie. Hy sê hy wil nooit uit hierdie verhouding ontsnap nie.
Daar is twee gebede vir die gemeente, die gelowiges, in Efesiërs (sien ook 3:14-21). Die woorde hierbo kom uit die eerste gebed. Hy dank God vir die gawe van God se genade in die lewens van die gelowiges.
Ons kan maklik God se genade uit die oog verloor. Paulus bid dat die Here die brille van die gelowiges sal skoonmaak om beter te kan sien. Hy wil hê hulle moet “geestelike oë” ontwikkel. Hierdie geestelike oë sal ons hoop gee.
Wat is hierdie hoop? In ’n wêreld vol onsekerheid het ons sekerheid. Hy noem dit ’n erfporsie (1:18). Christelike hoop is gegrond op God se genade en getrouheid. Hy het ons tot hierdie hoop geroep. Ons vind dit in ’n verhouding met Christus. Daarom vra hy dat God se gees Homself aan ons sal openbaar, sodat ons kan groei in wysheid en kennis van God (1:16,17). Dit is ’n wonderlike reis. Niks kan hiermee vergelyk word nie!
Maak die oë van my hart oop, Here. Ek wil U sien. Amen.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Efesiërs 1:18: “Ek bid dat Hy julle geestesoë so verhelder dat julle kan weet watter hoop Sy roeping inhou.”
David E. Summer skryf dat hy groot teoloë en filosowe bestudeer het. Hulle het hom baie insigte gegee. Dit was goed, maar Jesus gee hom Sy teenwoordigheid en ’n verhouding wat hy nie kan beskryf nie. Hy sê hy wil nooit uit hierdie verhouding ontsnap nie.
Daar is twee gebede vir die gemeente, die gelowiges, in Efesiërs (sien ook 3:14-21). Die woorde hierbo kom uit die eerste gebed. Hy dank God vir die gawe van God se genade in die lewens van die gelowiges.
Ons kan maklik God se genade uit die oog verloor. Paulus bid dat die Here die brille van die gelowiges sal skoonmaak om beter te kan sien. Hy wil hê hulle moet “geestelike oë” ontwikkel. Hierdie geestelike oë sal ons hoop gee.
Wat is hierdie hoop? In ’n wêreld vol onsekerheid het ons sekerheid. Hy noem dit ’n erfporsie (1:18). Christelike hoop is gegrond op God se genade en getrouheid. Hy het ons tot hierdie hoop geroep. Ons vind dit in ’n verhouding met Christus. Daarom vra hy dat God se gees Homself aan ons sal openbaar, sodat ons kan groei in wysheid en kennis van God (1:16,17). Dit is ’n wonderlike reis. Niks kan hiermee vergelyk word nie!
Maak die oë van my hart oop, Here. Ek wil U sien. Amen.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie