Bybelse wysheid
DR. ANNES NEL
Jesaja 43:1,2: “Ek het jou op jou naam geroep, jy is Myne. As jy deur water moet gaan, is Ek by jou.”
Christen beleef ook teëspoed. Soms gebeur selfs verskriklike dinge óf deur eksterne omstandighede óf ons eie optrede. Net soos Israel, wat weens hulle sondes ellende in die gesig gestaar het, verlaat die Here nie sy volk nie. Om iemand se naam te ken, is nie altyd dieselfde as om hulle werklik te ken nie. As iemand egter sê: “Jy is myne”, maak dit ’n groot verskil.
God se mense is sy besitting, is by die naam geroep, hoog geag en geliefd (43:1-4). Hulle toekoms maak vir Hom saak. Daarom bly Hy standvastig selfs in groot teëspoed. Hulle word verseker dat Hy hulle deur die donkerste tye sal ondersteun. Ten spyte van die mense se geestelike doofheid en blindheid as gevolg van sonde (Jesaja 42), sê die Here: “Ek het jou op jou naam geroep. Jy is myne.”
Miskien is jy in ’n soortgelyke seisoen van die lewe, voel jy gebroke of onwaardig in jou eie oë of in die oë van ander. Soos ’n ma wat ’n kind vertroos, staan God vandag by jou en omvou jou in sy liefde. Jy is sy kosbare besitting en Hy het jou lief, ongeag die omstandighede of stryd wat jy in die gesig staar. Hy bevestig vandag: “Jy is myne!”
Jesaja 43:1,2: “Ek het jou op jou naam geroep, jy is Myne. As jy deur water moet gaan, is Ek by jou.”
Christen beleef ook teëspoed. Soms gebeur selfs verskriklike dinge óf deur eksterne omstandighede óf ons eie optrede. Net soos Israel, wat weens hulle sondes ellende in die gesig gestaar het, verlaat die Here nie sy volk nie. Om iemand se naam te ken, is nie altyd dieselfde as om hulle werklik te ken nie. As iemand egter sê: “Jy is myne”, maak dit ’n groot verskil.
God se mense is sy besitting, is by die naam geroep, hoog geag en geliefd (43:1-4). Hulle toekoms maak vir Hom saak. Daarom bly Hy standvastig selfs in groot teëspoed. Hulle word verseker dat Hy hulle deur die donkerste tye sal ondersteun. Ten spyte van die mense se geestelike doofheid en blindheid as gevolg van sonde (Jesaja 42), sê die Here: “Ek het jou op jou naam geroep. Jy is myne.”
Miskien is jy in ’n soortgelyke seisoen van die lewe, voel jy gebroke of onwaardig in jou eie oë of in die oë van ander. Soos ’n ma wat ’n kind vertroos, staan God vandag by jou en omvou jou in sy liefde. Jy is sy kosbare besitting en Hy het jou lief, ongeag die omstandighede of stryd wat jy in die gesig staar. Hy bevestig vandag: “Jy is myne!”
Kommentaar
Republikein
Geen kommentaar is op hierdie artikel gelaat nie