Bybelse wysheid
DR. ANNES NEL
Romeine 1:5: “Deur Hom het ek die genade ontvang om apostel te wees onder al die heidennasies, om tot eer van sy Naam mense tot geloof en so tot gehoorsaamheid te bring.”
Ons word geroep om die goeie nuus van Christus se liefde met almal te deel. Paulus het hierdie roeping nie as vanselfsprekend aanvaar nie. Hy erken dat hy hierdie boodskap kan deel as gevolg van die genade van Jesus Christus. Sy lewe is radikaal verander. Onthou dat Paulus die kerk vervolg het. Hy wou die boodskap vernietig wat hy nou verkondig.
Die doel van Paulus se verkondiging was duidelik: om almal wat geluister het na geloof te lei. Geloof is ’n transformerende krag wat elke aspek van ons lewe raak. Ware geloof, volgens ’n ou kerklike belydenis, is ’n gawe wat voortspruit uit die aanhoor van die Woord van God en die werking van die Heilige Gees. Dit lei tot ’n nuwe lewe en bevry ons van die boeie van sonde.
Paulus was ’n gewone mens soos ons. Hy het verstaan dat opregte geloof natuurlik tot gehoorsaamheid lei. Geloof is nie bedoel om tot sekere areas van ons lewens beperk te wees nie, maar moet elke aspek van ons wese oorheers. Wanneer ons die grootheid van God se genade begryp, word ons gehoorsaam en is ons gewillig om na die wêreld gestuur te word sodat ons hierdie transformerende boodskap kan deel.
Romeine 1:5: “Deur Hom het ek die genade ontvang om apostel te wees onder al die heidennasies, om tot eer van sy Naam mense tot geloof en so tot gehoorsaamheid te bring.”
Ons word geroep om die goeie nuus van Christus se liefde met almal te deel. Paulus het hierdie roeping nie as vanselfsprekend aanvaar nie. Hy erken dat hy hierdie boodskap kan deel as gevolg van die genade van Jesus Christus. Sy lewe is radikaal verander. Onthou dat Paulus die kerk vervolg het. Hy wou die boodskap vernietig wat hy nou verkondig.
Die doel van Paulus se verkondiging was duidelik: om almal wat geluister het na geloof te lei. Geloof is ’n transformerende krag wat elke aspek van ons lewe raak. Ware geloof, volgens ’n ou kerklike belydenis, is ’n gawe wat voortspruit uit die aanhoor van die Woord van God en die werking van die Heilige Gees. Dit lei tot ’n nuwe lewe en bevry ons van die boeie van sonde.
Paulus was ’n gewone mens soos ons. Hy het verstaan dat opregte geloof natuurlik tot gehoorsaamheid lei. Geloof is nie bedoel om tot sekere areas van ons lewens beperk te wees nie, maar moet elke aspek van ons wese oorheers. Wanneer ons die grootheid van God se genade begryp, word ons gehoorsaam en is ons gewillig om na die wêreld gestuur te word sodat ons hierdie transformerende boodskap kan deel.
Kommentaar
Republikein
Geen kommentaar is op hierdie artikel gelaat nie