Bybelse wysheid
DR. ANNES NEL
Filippense 3:8 “... ja, nog meer: ek beskou alles as waardeloos, want om Christus Jesus, my Here, te ken, oortref alles in waarde.”
Nicolaus Ludwig Zinzendorf se woorde is oorbekend: “Ek het een passie, en dit is vir Hom en Hom alleen.”
Hierdie woorde verwoord iets van wat Paulus ook hier skryf. Paulus sou by enige Joodse maatskappy in die hoë posisies ingestap het. Hy het die regte agtergrond. Hy kom uit die regte stal. Hy het ook aan elke moontlike godsdienstige vereiste van die Jode voldoen (3:4-6). Nou is sy energie in ’n ander rigting gekanaliseer. Voorheen het uiterlike dinge saak gemaak. Mense moes eers besny word voordat hulle aan God se volk kon behoort (3:2). Nadat die Here sy lewe in besit geneem het, dien Hy God nie meer deur uiterlike dinge nie, maar deur die Gees (3:3). Dit beteken dat die Gees nou in sy lewe woon en by hom die passie wakker gemaak het. Hierdie passie is om Christus beter te leer ken (3:8).
Waarop is jy ingestel? Gaan dit vir jou oor waar jy vandaan kom, wat jou agtergrond is en hoe lank jy al in die kerk diens doen? Is jy dalk geestelik hoogmoedig omdat jy darem belangrik in die kerk en samelewing is? Moenie langer jou energie op onnodige dinge mors nie. Christus het ons vrygemaak van uiterlike dinge.
Filippense 3:8 “... ja, nog meer: ek beskou alles as waardeloos, want om Christus Jesus, my Here, te ken, oortref alles in waarde.”
Nicolaus Ludwig Zinzendorf se woorde is oorbekend: “Ek het een passie, en dit is vir Hom en Hom alleen.”
Hierdie woorde verwoord iets van wat Paulus ook hier skryf. Paulus sou by enige Joodse maatskappy in die hoë posisies ingestap het. Hy het die regte agtergrond. Hy kom uit die regte stal. Hy het ook aan elke moontlike godsdienstige vereiste van die Jode voldoen (3:4-6). Nou is sy energie in ’n ander rigting gekanaliseer. Voorheen het uiterlike dinge saak gemaak. Mense moes eers besny word voordat hulle aan God se volk kon behoort (3:2). Nadat die Here sy lewe in besit geneem het, dien Hy God nie meer deur uiterlike dinge nie, maar deur die Gees (3:3). Dit beteken dat die Gees nou in sy lewe woon en by hom die passie wakker gemaak het. Hierdie passie is om Christus beter te leer ken (3:8).
Waarop is jy ingestel? Gaan dit vir jou oor waar jy vandaan kom, wat jou agtergrond is en hoe lank jy al in die kerk diens doen? Is jy dalk geestelik hoogmoedig omdat jy darem belangrik in die kerk en samelewing is? Moenie langer jou energie op onnodige dinge mors nie. Christus het ons vrygemaak van uiterlike dinge.
Kommentaar
Republikein
Geen kommentaar is op hierdie artikel gelaat nie