Bybelse wysheid
DR. ANNES NEL
Kolossense 2:2,3: “Die geheimenis is Christus, 3. en in Hom is al die verborge skatte van wysheid en kennis te vind.”
Die bekende HL Mencken skryf hoe ouer hy geword het, hoe meer het hy die bekende opvatting dat ouderdom wysheid bring begin wantrou. Ek stem saam. Wysheid gaan nie noodwendig met die verouderingsproses gepaard nie.
Die begrip “wysheid” is belangrik in hierdie brief. Valse leraars het gesê dat hulle verborge kennis en wysheid besit wat gewone mense nie kon begryp nie.
Paulus skryf egter dat ware wysheid en kennis in die erkenning dat Christus, wat in ons woon, geleë is (1:27). Hy is die oorsprong en bron van alle wysheid en kennis. Hy deel hierdie skatte uit.
In die Ou Testament gaan wysheid nie net oor kennis nie. Spreuke leer dat ware wysheid begin met die kennis van en diens aan God (Spr. 1:7; 2:6). In Miga 6 vervul mense hul godsdienstige pligte met rituele. Wanneer God hulle egter aanspoor om op sy paaie te stap (Miga 6:8), sê God dat ’n egter verhouding en gehoorsaamheid nie deur rituele vervang kan word nie.
Soos ek ouer word, word ek al hoe meer bewus van my eie dwaasheid, onkunde en beperkings. In hierdie oomblikke word ek aan een ding herinner: ek moet terugkeer na die kruis! In Christus word al die verborge skatte van wysheid en kennis gevind.
Kolossense 2:2,3: “Die geheimenis is Christus, 3. en in Hom is al die verborge skatte van wysheid en kennis te vind.”
Die bekende HL Mencken skryf hoe ouer hy geword het, hoe meer het hy die bekende opvatting dat ouderdom wysheid bring begin wantrou. Ek stem saam. Wysheid gaan nie noodwendig met die verouderingsproses gepaard nie.
Die begrip “wysheid” is belangrik in hierdie brief. Valse leraars het gesê dat hulle verborge kennis en wysheid besit wat gewone mense nie kon begryp nie.
Paulus skryf egter dat ware wysheid en kennis in die erkenning dat Christus, wat in ons woon, geleë is (1:27). Hy is die oorsprong en bron van alle wysheid en kennis. Hy deel hierdie skatte uit.
In die Ou Testament gaan wysheid nie net oor kennis nie. Spreuke leer dat ware wysheid begin met die kennis van en diens aan God (Spr. 1:7; 2:6). In Miga 6 vervul mense hul godsdienstige pligte met rituele. Wanneer God hulle egter aanspoor om op sy paaie te stap (Miga 6:8), sê God dat ’n egter verhouding en gehoorsaamheid nie deur rituele vervang kan word nie.
Soos ek ouer word, word ek al hoe meer bewus van my eie dwaasheid, onkunde en beperkings. In hierdie oomblikke word ek aan een ding herinner: ek moet terugkeer na die kruis! In Christus word al die verborge skatte van wysheid en kennis gevind.
Kommentaar
Republikein
Geen kommentaar is op hierdie artikel gelaat nie