Bybelse wysheid
DR. ANNES NEL
2 Korintiërs 1:10: “Dit is Hy wat ons uit so ’n groot doodsgevaar gered het en ons weer sal red. Op Hom is ons hoop gevestig: Hy sal ons ook verder red.”
Daar is nie doodloopstrate op ’n Christen se reis nie. Ja, omstandighede kan so oorweldigend word dat ons lus is om op te gee. Ons het nie die krag om dit te hanteer nie.
Paulus wou soms hoop verloor. Hy het slae, tronkstraf, honger en beledigings verduur. Hy erken dat hy soms die wil om te lewe verloor het (1:8). Sy lyding was fisiek en emosioneel te veel.
Baie van ons verstaan hierdie gevoel. Paulus se lyding was die gevolg van sy getrouheid aan die evangelie. Hy het vyandigheid beleef. Daar is egter ’n parallel tussen sy swaarkry en ons s’n. Die effek van lyding kan daartoe lei dat ons moedeloos voel, asof ons ’n doodloopstraat bereik het.
Wat dan? Lyding kan ons perspektief verander, ons leer om verby ons eie vermoëns te kyk en om alles ten volle aan God oor te gee. Beproewinge herinner ons om nie op onsself te vertrou nie, maar om God te vertrou (1:9). Dit is nie sommer enige god nie; dit is die God wat die dooies opwek (1:9)! As God die dooies lewend kan maak, kan Hy beslis nuwe hoop by ons wat op die rand van wanhoop is, wek. Ons is nooit werklik by ’n doodloopstraat nie.
2 Korintiërs 1:10: “Dit is Hy wat ons uit so ’n groot doodsgevaar gered het en ons weer sal red. Op Hom is ons hoop gevestig: Hy sal ons ook verder red.”
Daar is nie doodloopstrate op ’n Christen se reis nie. Ja, omstandighede kan so oorweldigend word dat ons lus is om op te gee. Ons het nie die krag om dit te hanteer nie.
Paulus wou soms hoop verloor. Hy het slae, tronkstraf, honger en beledigings verduur. Hy erken dat hy soms die wil om te lewe verloor het (1:8). Sy lyding was fisiek en emosioneel te veel.
Baie van ons verstaan hierdie gevoel. Paulus se lyding was die gevolg van sy getrouheid aan die evangelie. Hy het vyandigheid beleef. Daar is egter ’n parallel tussen sy swaarkry en ons s’n. Die effek van lyding kan daartoe lei dat ons moedeloos voel, asof ons ’n doodloopstraat bereik het.
Wat dan? Lyding kan ons perspektief verander, ons leer om verby ons eie vermoëns te kyk en om alles ten volle aan God oor te gee. Beproewinge herinner ons om nie op onsself te vertrou nie, maar om God te vertrou (1:9). Dit is nie sommer enige god nie; dit is die God wat die dooies opwek (1:9)! As God die dooies lewend kan maak, kan Hy beslis nuwe hoop by ons wat op die rand van wanhoop is, wek. Ons is nooit werklik by ’n doodloopstraat nie.
Kommentaar
Republikein
Geen kommentaar is op hierdie artikel gelaat nie