Bybelse wysheid

DR. ANNES NELHebreërs 6:19,20: “Hierdie hoop besit ons as ’n veilige en onbeweeglike lewensanker, wat agter die voorhangsel vas is. Daar het Jesus, ons Voorloper, ter wille van ons ingegaan. . .”Jy is dalk bekend met die pragtige lied: “In Christ alone my hope is found.” Wat is die fondament van jou hoop? In die Amersfoortse konsentrasiekamp, terwyl die SS-troepe fees gevier het, het die Nederlandse predikant Overduin met professore, sakemanne, arbeiders en medepredikante – almal krygsgevangenes – oor hierdie vraag gepraat: Wat bepaal ons lewens? In wese, wat is jou anker?Die arbeider sal dalk reageer dat sy anker daarin lê om na ’n lang dag in sy tuin te ontspan en tyd saam met sy vrou te geniet. ’n Sakeman kan dit in die bekendstelling van nuwe ondernemings vind, terwyl ’n professor homself kan anker in die sukses van sy jongste publikasie. Die predikant sal waarskynlik sê sy anker is in die prediking en die ondersteuning van sy gemeente.Hierdie brief sê ons hoop is geanker in Christus – sy offer en die belofte van sy teenwoordigheid. Hy het die heiligdom voor ons binnegegaan, soos ’n verkenner wat ons veilige deurgang na God se teenwoordigheid verseker. Christus het alles namens ons volbring. Sy werk is voltooi. Ons hoëpriester het Homself as die uiteindelike offer gebring.

Bybelse wysheid

Kommentaar

Republikein 2025-04-08

Meld asseblief aan om kommentaar te lewer

Bybelse wysheid

Kommentaar

Republikein 2025-04-08

Meld asseblief aan om kommentaar te lewer

MELD AAN

Advertensie