Bybelse wysheid

DR. ANNES NELHebreërs 11:6: “As ’n mens nie glo nie, is dit onmoontlik om te doen wat God wil.”Die bekende Dietrich Bonhoeffer skryf dat godsdiens duidelik word as óf ’n valse vroomheid wat die wêreld ignoreer, óf ’n verdwaalde wêreldsgesindheid wat God miskyk. Albei is ondoeltreffend.Geloof is nie godsdiens nie. Geloof kan verskillend verstaan word. Soms sien ons dit as die aanvaarding van Christus as Verlosser. Soms glo ons dat dit wonderwerke moontlik maak. Vir die skrywer van Hebreërs is geloof die reis saam met God. Dis nie eenmalig nie. Dit is nie godsdiens nie. Dit is soos ’n pelgrimstog waar die bestemming dikwels onbekend is. Ons stap saam met God die onbekende in. Die skrywer sê dat geloof seker is van dinge wat ons nie kan sien nie.Geloof laat ons verder sien as wat sigbaar is. Dit is om te hoop op iets beters (Hebreërs 11:13-16). Deur God se beloftes te vertrou, word ons bevry van die behoefte om alles te beheer.Ons kan net God se wil kan doen as ons geloof het. Net soos God die sigbare wêreld uit die onsigbare geskep het (Hebreërs 11:3), kan ons seker wees dat Hy sy beloftes sal vervul, al kan ons dit nog nie sien nie. Wanneer God ons bevry daarvan om ons eie pad te probeer beheer, kan ons met selfvertroue saam met Hom stap.Here, help my om die pad van geloof saam met U te stap, want U is getrou. Amen.

Bybelse wysheid

Kommentaar

Republikein 2025-04-07

Meld asseblief aan om kommentaar te lewer

Bybelse wysheid

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie