Bybelse wysheid

DR. ANNES NELSpreuke 31:8: “Praat jý vir dié wat self nie hulle sê mag sê nie, kom op vir die reg van dié wat te gronde gaan. . .”Die wêreld is vol onreg, en soms het selfs God se mense daaraan deelgeneem tot hul eie voordeel. Die kerk het ’n donker verlede. Nie net die kerk nie. Ons neem ook daaraan deel. Dikwels sien ons onreg en doen niks nie. Ons hou aan met onreg teen mense wat reeds in reputasie en lewensbestaan gely het. Lemuel se ma was ’n wyse vrou. Sy het haar seun oor twee groot gevare gewaarsku: vroue en alkohol. Sy het besef dat ’n slinkse vrou ’n koning op ’n dwaalspoor kan lei. Sy het ook die gevare van oormatige drinkery verstaan. Dit belemmer ons oordeel.Lemuel praat hieroor want haar seun was waarskynlik in ’n belangrike posisie. Sy het besef dat God individue in gesagsposisies aanstel. Hierdie mense moet die regte van die mense op die rante van die lewe beskerm en ’n stem wees vir hulle wat nie vir hulself kan praat nie.Is jy in ’n gesagsposisie? Laat jy toe dat onreg voortduur of regverdig dit? Hoe kan jy rustig slaap as God sulke gedrag duidelik veroordeel?Die boek Spreuke begin met sy doel: om wysheid te gee oor wat reg, billik en regverdig is (1:3). In Christus sien ons dit duidelik. As sy navolgers beoefen ons dit elke dag, ongeag wat die samelewing doen of dink.

Bybelse wysheid

Kommentaar

Republikein 2025-04-02

Meld asseblief aan om kommentaar te lewer

Bybelse wysheid

Kommentaar

Republikein 2025-04-02

Meld asseblief aan om kommentaar te lewer

MELD AAN

Advertensie