Bybelse wysheid

DR. ANNES NELEksodus 20:2: “Ek is die Here jou God wat jou uit Egipte, uit die plek van slawerny, bevry het.”As kinders is ons geleer om niks op die Bybel te sit nie. Dit is die Woord van God. Die kerk was die huis van God. Ons moes gepas aantrek, stil sit en sag praat as ons moes praat. Ons voorouers het groot ontsag vir God gehad.Wat beteken dit om ontsag vir God te hê? Is dit bloot oor om niks op die Bybel te sit nie en om geskikte klere vir die kerk aan te trek? Duidelik omhels die vrees van God baie meer. Eksodus 19-24, die sogenaamde verbondsboek, beskryf dit eerder as ’n intieme verhouding met Hom.Ontsag vir God is nie net ’n houding nie. Dit is ’n lewenswyse wat in hierdie nabyheid gewortel is. Ons kan God respekteer sonder om Hom lief te hê, net soos ons die Bybel met eerbied kan behandel deur nie voorwerpe daarop te plaas nie en tog die inhoud daarvan minag.Om met ontsag of eerbied vir God te leef, beteken om te leef as ’n vrygemaakte persoon volgens sy wil. Dit sluit ons verhoudings met Hom, ander, die natuur, ons besittings en onsself in. God roep sy kinders, dié wat vry is, om op maniere op te tree wat bevryding bevorder deur liefdevolle dade, veral waar sonde lei tot nuwe vorme van slawerny binne gemeenskappe.Here, laat my ontsag vir U sigbaar wees in my daaglikse lewe. Amen.

Bybelse wysheid

Kommentaar

Republikein 2025-03-04

Meld asseblief aan om kommentaar te lewer

Bybelse wysheid

Kommentaar

Republikein 2025-03-04

Meld asseblief aan om kommentaar te lewer

MELD AAN

Advertensie