Bybelse wysheid
DR. ANNES NEL
Eksodus 20:7: “Jy mag die Naam van die Here jou God nie misbruik nie, want die Here sal die een wat sy Naam misbruik, nie ongestraf laat bly nie.”
Die Here het ’n Naam. Die derde gebod waarsku teen die misbruik van sy Naam.
Hoe misbruik mense sy Naam? Die eenvoudigste antwoord is om te sê dat die Here se naam misbruik word wanneer ons dit nie gebruik vir die regte doel nie. Dis so ernstig dat die Here “die een wat sy Naam misbruik, nie ongestraf” sal laat bly nie.
Ons het dit vergeet. Die misbruik van sy Naam het deel van gewilde televisiereekse en films geword. Dis nou ’n kunsvorm! Ons hoor geen waarskuwings teen die misbruik nie. Inteendeel, dit word meer en meer aanvaarbaar.
In ’n boek waarin woorde van mense wat in verskillende moeilike omstandighede vir die naam van die Here opgestaan het, skryf een van hulle: “Dit maak nie saak wat mense van my dink nie. Die vraag is eerder of wat ek sê hulle aan Jesus laat dink.”
Waaraan dink mense wanneer hulle jou woorde hoor?
Eksodus 20:7: “Jy mag die Naam van die Here jou God nie misbruik nie, want die Here sal die een wat sy Naam misbruik, nie ongestraf laat bly nie.”
Die Here het ’n Naam. Die derde gebod waarsku teen die misbruik van sy Naam.
Hoe misbruik mense sy Naam? Die eenvoudigste antwoord is om te sê dat die Here se naam misbruik word wanneer ons dit nie gebruik vir die regte doel nie. Dis so ernstig dat die Here “die een wat sy Naam misbruik, nie ongestraf” sal laat bly nie.
Ons het dit vergeet. Die misbruik van sy Naam het deel van gewilde televisiereekse en films geword. Dis nou ’n kunsvorm! Ons hoor geen waarskuwings teen die misbruik nie. Inteendeel, dit word meer en meer aanvaarbaar.
In ’n boek waarin woorde van mense wat in verskillende moeilike omstandighede vir die naam van die Here opgestaan het, skryf een van hulle: “Dit maak nie saak wat mense van my dink nie. Die vraag is eerder of wat ek sê hulle aan Jesus laat dink.”
Waaraan dink mense wanneer hulle jou woorde hoor?
Kommentaar
Republikein
Geen kommentaar is op hierdie artikel gelaat nie