Bybelse wysheid

DR. ANNES NELEksodus 20:7: “Jy mag die Naam van die Here jou God nie misbruik nie.”Sy Naam moet in al ons woorde en werke geprys word, het ons kerkvaders ons geleer. Paulus skryf wat ons ook al sê of doen, moet gedoen en gesê word in die Naam van die Here Jesus en deur Hom sê ons dankie vir God die Vader (Kol 3:17). Wanneer ons praat of iets doen, moet mense die Here Jesus Christus sien, want ons praat en tree namens Hom op. Ons praat en doen moet dank aan God vertoon.Jan Koopmans skryf ons staan of val by die belydenis van sy Naam. Dis ’n bereidheid om te lewe en sterwe vir hierdie Naam. Daar is maar een Naam wat hoog gehou moet word: Sý Naam!Die belangrikste manier waarop ons die Naam van die Here gebruik is om Hom te loof en te prys. Daarvan is die Psalms vol (bv. Ps 103). Ons besing sy Naam (Ps 7:18; 9:3; 18:50; 61:9). Ons loof en prys sy Naam (72:19; 96:2; 100:4; 145:1). Elke boek (afdeling) van die Psalms eindig met lof aan die Here (41:14; 72:18-19; 89:53; 106:48; 150). Mag ons ons eer en belangrikheid prysgee en onsself in die aanbidding van sy Naam verloor, want sy liefde vir ons oortref alle liefde. In Jesus het God sy liefdevolle, medelydende teenwoordigheid bevestig. Sy Naam is bo alle name!Here, ons prys u Naam. Amen.

Bybelse wysheid

Kommentaar

Republikein 2025-04-02

Meld asseblief aan om kommentaar te lewer

Bybelse wysheid

Kommentaar

Republikein 2025-04-02

Meld asseblief aan om kommentaar te lewer

MELD AAN

Advertensie