Bybelse wysheid

DR. ANNES NELRomeine 14:7,8: “Niemand van ons leef tog vir homself nie. . . As ons lewe, leef ons tot eer van die Here.”Die Joodse Christene het die Sabbat gevier. Die Christene uit die heidendom het geen rede gesien hoekom hierdie dag gevier moes word nie. Paulus skryf hieroor: “Vir die een is een dag belangriker as ander dae; vir ’n ander is alle dae ewe belangrik. Elkeen moet net in sy eie gemoed oortuig wees van sy opvatting” (14:5). Paulus het homself nie aan ’n spesifieke gebruik of oortuiging verbind nie. Rom 14 gee die sleutel tot Paulus se oortuiging. Wanneer ons werklik die wil van God onderskei (Rom 12:2), ontdek ons duidelik dat ons lewe ’n offer in diens van God is: “Niemand van ons leef tog vir homself nie. . . As ons lewe, leef ons tot eer van die Here" (14:7,8). Ons behoort aan die Here in alle omstandighede en elke dag (14:8). As dit waar is, is die uiteindelik vraag nie wat ons eet en of ons ’n spesifieke dag vier nie. Veel belangriker is of ons lewe van dankbaarheid teenoor God getuig. Paulus skryf: “Die een wat ’n bepaalde dag op ’n besondere wyse hou, doen dit tot eer van die Here. Die een wat alles eet, doen dit tot eer van die Here, want hy dank God. En die een wat nie alles eet nie, doen dit tot eer van die Here, en ook hy dank God” (14:6).

Bybelse wysheid

Kommentaar

Republikein 2025-03-28

Meld asseblief aan om kommentaar te lewer

Bybelse wysheid

Kommentaar

Republikein 2025-03-28

Meld asseblief aan om kommentaar te lewer

MELD AAN

Advertensie