Bybelse wysheid

DR. ANNES NELEksodus 20:12: “Eer jou vader en jou moeder, dan sal jy lank bly woon in die land wat die Here jou God vir jou gee.”Op 27 April 2008 het Oostenrykse koerante die wêreld geskok met Josef Fritzl se aaklige storie. Hy het sy dogter vir 25 jaar in vensterlose kamers toegesluit en sewe kinders by haar verwek. Hy het later sy ma in ’n kamer sonder sonlig gevange gehou, uit wraak vir kinderwreedheid wat hy ervaar het. Hierdie siklus van geweld, gewortel in sy traumatiese opvoeding, het tragiese gevolge gehad.Fritzl se optrede is onverdedigbaar. Dit beklemtoon egter ’n kommerwekkende werklikheid. ’n Sensus het bevind dat slegs 35% van ouers meer as 20 minute per dag met hulle kinders praat. Net 25% van kinders voel dat hulle betekenisvolle tyd saam met hulle ouers deurbring. ’n Skoolmeisie skryf dat gesinsmaaltye pessimisties is. Dit bied geen hoop vir die toekoms nie.Is dit die boodskap wat ons aan ons kinders stuur? ’n Gebrek aan hoop? Baie kinders word groot in omgewings sonder aanmoediging, omring deur duisternis en wanhoop. Is die gebod om jou pa en ma te eer realisties in die 21ste eeu? Wanneer ouers God se wysheid en leiding verwerp, word hulle soms eerder ’n verleentheid as inspirerend. Kan ons kinders ons taal, lewenstyl, optrede en gedagtes respekteer? Is hulle trots op ons wanneer ons met ander praat? Laat hierdie vrae vandag vir ons ’n spieël voor God wees.Here, maak my bewus van die verkeerde dinge in my lewe. Amen.

Bybelse wysheid

Kommentaar

Republikein 2025-04-02

Meld asseblief aan om kommentaar te lewer

Bybelse wysheid

Kommentaar

Republikein 2025-04-02

Meld asseblief aan om kommentaar te lewer

MELD AAN

Advertensie