Bybelse wysheid
DR. ANNES NEL
Eksodus 20:13: “Jy mag nie moord pleeg nie.”
Jy het waarskynlik al ’n aangrypende wraakfliek gekyk waarin ’n veronregte karakter die mense wat hom mishandel het, terugkry. Die skurke het net gekry wat hulle verdien het. Wraak is diep bevredigend. Dit vind aanklank by ons. Boosheid het nie gewen nie.
Dit herinner my aan my krieketdae. Soms is ’n speler nie uitgegee toe hy uit was nie. Kort daarna is hy geboul toe die skeidsregter nie ’n foutbal van die bouler gesien het nie. “Justice,” het ons gesê! Ons het ’n ingebore geneigdheid tot vergelding.
Die Bybel gee ’n ander perspektief. Die sin van “geregtigheid” waarna ons smag – dat ander moet kry wat hulle verdien – kom nie van God af nie. Dit spruit uit ons sondige harte. Net soos moord met ’n gesindheid gebore word, moet ons nuwe gesindhede ook uit ons harte kom. Ons kan dit nie self doen nie. Dit is iets wat God deur sy Gees bewerkstellig. Eerder as om chaotiese verhoudings te bevorder, vul sy Gees ons met liefde (Galasiërs 5:22).
Petrus sê dat God se krag van genade aan ons alles verskaf het wat ons nodig het om die korrupsie van hierdie wêreld te ontsnap en om te deel in die goddelike natuur. Dit beteken om iets van God in hierdie wêreld te verteenwoordig – sy liefde en sy genade (2 Petrus 1:4-7).
Here, bevry my van wraak en vul my met u liefde. Amen.
Eksodus 20:13: “Jy mag nie moord pleeg nie.”
Jy het waarskynlik al ’n aangrypende wraakfliek gekyk waarin ’n veronregte karakter die mense wat hom mishandel het, terugkry. Die skurke het net gekry wat hulle verdien het. Wraak is diep bevredigend. Dit vind aanklank by ons. Boosheid het nie gewen nie.
Dit herinner my aan my krieketdae. Soms is ’n speler nie uitgegee toe hy uit was nie. Kort daarna is hy geboul toe die skeidsregter nie ’n foutbal van die bouler gesien het nie. “Justice,” het ons gesê! Ons het ’n ingebore geneigdheid tot vergelding.
Die Bybel gee ’n ander perspektief. Die sin van “geregtigheid” waarna ons smag – dat ander moet kry wat hulle verdien – kom nie van God af nie. Dit spruit uit ons sondige harte. Net soos moord met ’n gesindheid gebore word, moet ons nuwe gesindhede ook uit ons harte kom. Ons kan dit nie self doen nie. Dit is iets wat God deur sy Gees bewerkstellig. Eerder as om chaotiese verhoudings te bevorder, vul sy Gees ons met liefde (Galasiërs 5:22).
Petrus sê dat God se krag van genade aan ons alles verskaf het wat ons nodig het om die korrupsie van hierdie wêreld te ontsnap en om te deel in die goddelike natuur. Dit beteken om iets van God in hierdie wêreld te verteenwoordig – sy liefde en sy genade (2 Petrus 1:4-7).
Here, bevry my van wraak en vul my met u liefde. Amen.
Kommentaar
Republikein
Geen kommentaar is op hierdie artikel gelaat nie