Die ontwaking

Die gemeenskapskonsultasieproses vir die hawedorp se begroting is “missing in action”. Die proses het mos ’n tydjie gelede in Kuisebmond afgeskop waar agbare lede van die gemeenskap aangedring het om ’n volledige begroting vir “die oasis van geleenthede” te sien.“Ons wil weet wat was vir die vorige jaar beplan, wat is gedoen en wat is nie gedoen ten opsigte van die begroting nie, voordat ons insae gee vir die nuwe begroting,” het die volk op 26 April in die Kuisebmond-gemeenskapsaal laat hoor.Die raadslede was nie voorbereid vir dié ou versoekie nie en daar is op die plek besluit om die vergadering te verdaag tot die nodige dokumentasie bekom is. Die volgende dag het die munisipaliteit inderhaas laat weet die konsultasies vir Narraville en Walvisbaai se inwoners is tot verdere kennisgewing uitgestel. Dit was ’n maand gelede en die aankondiging het glo gevolg ná dreigemente vanaf sekere mense wat die Kuisebmond-vergadering bygewoon het, dat hulle die ander twee komende vergaderings sou ontwrig.Ek onthou hierdie soort konsultasies oor die dorp se begrotingsproses van vergange se dae. Die sale was gepak met mense wat angstig op die raadslede wag en wanneer hulle opgedaag het, is daar ’n “slideshow” oor die voorgestelde “nuwe” begroting op ’n skerm vertoon. Die gemeenskap is vertel wat hulle kan verwag ten opsigte van die (beloofde) ontwikkeling van die dorp. ’n Paar vrae is gevra, verduidelikings gegee, en dit was dit. Dan is die vergadering tot ’n volgende keer verdaag. Dit lyk of die spreekwoordelike skille van die mense se oë afgeval het. Dis duidelik die gemeenskap voel nou anders oor hierdie saak en juis nou wil hê dat besluite oor dinge wat hulle raak, met hulle, vir hulle en nie net namens hulle geneem moet word nie. Hiermee stem ek volkome saam. Die gemeenskap stem die raadslede in en moet “glo” daar wees om na die belange van die dorp se mense om te sien. Vir té lank was dit net ’n rympie van ’n verkiesingsveldtog. Raadslede verteenwoordig mos die gemeenskap en dit beteken dat hulle die mense se belange op die hart moet dra en omsien na die prioriteite (en daar is baie) soos gemeenskapslede geïdentifiseer het. Hulle moet doen wat die gemeenskap sê en nie anders om nie. Nou wag die burgers maar in spanning vir die “budget talks” sodat daar “stock” gevat kan word oor dit wat was (hulle se planne) en nuwe voorstelle (ons se planne) ingedien kan word oor wat vir hulle na aan die hart lê as lede van die hawedorp se gemeenskap. Tot tyd en wyl is daar nie genoeg huise nie, bly brand die ghettos, die skole is vol en die klinieke te min, die paaie verbrokkel en die dreine loop oor. Laat weet gerus wanneer. Die inwoners is gereed! – otis@erongo.com.na

Die ontwaking

Kommentaar

Republikein 2025-04-15

Meld asseblief aan om kommentaar te lewer

Die ontwaking

Kommentaar

Republikein 2025-04-15

Meld asseblief aan om kommentaar te lewer

MELD AAN

Advertensie