Gelukkige verjaarsdagmaand
Augustus is agter die rug en September en lente (wel, eintlik somer) is in die lug.
Daarmee saam is ’n magdom verjaarsdae in ons onmiddellike familie- en vriendekring: In die afgelope vier, vyf weke en tot einde September, is daar omtrent 30!
Dit het natuurlik gelei tot ’n paar denke daaroor. Gegewe daar is 365 dae in ’n jaar, sal dit logies wees om te aanvaar die kans om op enige gegewe dag gebore te word, 1 in 365 is. Maar tog is daar in Augustus en September soveel méér verjaarsdae, en dis nie net in ons kringe nie – dis wêreldwyd die geval.
So, toe gaan raadpleeg ek my vriend(in), Dr Google wat antwoorde het op alles – al is dit nie altyd waarhede nie, veral wanneer dit kom by hierdie soort onderwerp.
Meeste webwerwe is dit egter eens: Daar is ’n paar interessante patrone wanneer dit kom by die gewildste geboortedae en -maande. Dit blyk asof daar sekere tye van die jaar en spesifieke dae ook, meer babas gebore word.
Oraloor die wêreld is Augustus en September die maande met die meeste geboortes. Natuurlik het dit baie te doen met wanneer vroue swanger raak (dit was immers nege maande gelede mos ’n Desember-vakansie!).
Die teenoorgestelde is Februarie, wanneer die minste geboortes aangeteken word – en dis nie net omdat dit die minste dae in die jaar het nie. Desember en Januarie blyk ook stiller te wees ten opsigte van geboortes.
As jy kyk na spesifieke datums, is die mees algemene geboortedae 9, 12 en 19 September. Die 9de September is voor in die koor, met die meeste verjaarsdae wat wêreldwyd op dié dag aangeteken word.
’n Paar ander datums wanneer daar meer geboortes is as gewoonlik en aldus Google, is 7 Julie, 8 Augustus en 10 Oktober, maar daar word gemeen baie ouers verkies keisersnieë op dié datums omdat 08/08 of 10/10 byvoorbeeld in baie wêrelddele as voorspoedig beskou word.
Aan die ander kant is die minste algemene geboortedatums byna altyd rondom groot vakansiedae, soos 25 Desember (Kersdag) en 1 Januarie (Nuwejaarsdag). Hoe dan so? Is dit dat babas nie hul verjaarsdag met groot vakansiedae wil deel nie? Of dat ma’s nie hul kinders met vakansieverjaardae wil opsaal en dit op een of ander manier regkry om dit daarvolgens te beplan nie?
Die mees waarskynlike antwoord is dat hierdie “skaarser” verjaarsdae die dae is waarop verloskundiges verkies om nie induksies of keisersnieë te skeduleer nie, en dit op sigself genoeg is om die weegskaal te laat kantel.
Dis onmoontlik om presies te weet hoekom dinge uitwerk in terme van die minste en mees algemene verjaarsdae en verjaarsdagmaande, want nie alle swangerskappe duur presies nege maande nie, nie alle swangerskappe word beplan nie, en nie alle maande het dieselfde aantal dae nie.
Wat wel ’n feit soos ’n koei is, is natuurlik dat 29 Februarie nie ’n groot dag is vir verjaarsdae nie!
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Daarmee saam is ’n magdom verjaarsdae in ons onmiddellike familie- en vriendekring: In die afgelope vier, vyf weke en tot einde September, is daar omtrent 30!
Dit het natuurlik gelei tot ’n paar denke daaroor. Gegewe daar is 365 dae in ’n jaar, sal dit logies wees om te aanvaar die kans om op enige gegewe dag gebore te word, 1 in 365 is. Maar tog is daar in Augustus en September soveel méér verjaarsdae, en dis nie net in ons kringe nie – dis wêreldwyd die geval.
So, toe gaan raadpleeg ek my vriend(in), Dr Google wat antwoorde het op alles – al is dit nie altyd waarhede nie, veral wanneer dit kom by hierdie soort onderwerp.
Meeste webwerwe is dit egter eens: Daar is ’n paar interessante patrone wanneer dit kom by die gewildste geboortedae en -maande. Dit blyk asof daar sekere tye van die jaar en spesifieke dae ook, meer babas gebore word.
Oraloor die wêreld is Augustus en September die maande met die meeste geboortes. Natuurlik het dit baie te doen met wanneer vroue swanger raak (dit was immers nege maande gelede mos ’n Desember-vakansie!).
Die teenoorgestelde is Februarie, wanneer die minste geboortes aangeteken word – en dis nie net omdat dit die minste dae in die jaar het nie. Desember en Januarie blyk ook stiller te wees ten opsigte van geboortes.
As jy kyk na spesifieke datums, is die mees algemene geboortedae 9, 12 en 19 September. Die 9de September is voor in die koor, met die meeste verjaarsdae wat wêreldwyd op dié dag aangeteken word.
’n Paar ander datums wanneer daar meer geboortes is as gewoonlik en aldus Google, is 7 Julie, 8 Augustus en 10 Oktober, maar daar word gemeen baie ouers verkies keisersnieë op dié datums omdat 08/08 of 10/10 byvoorbeeld in baie wêrelddele as voorspoedig beskou word.
Aan die ander kant is die minste algemene geboortedatums byna altyd rondom groot vakansiedae, soos 25 Desember (Kersdag) en 1 Januarie (Nuwejaarsdag). Hoe dan so? Is dit dat babas nie hul verjaarsdag met groot vakansiedae wil deel nie? Of dat ma’s nie hul kinders met vakansieverjaardae wil opsaal en dit op een of ander manier regkry om dit daarvolgens te beplan nie?
Die mees waarskynlike antwoord is dat hierdie “skaarser” verjaarsdae die dae is waarop verloskundiges verkies om nie induksies of keisersnieë te skeduleer nie, en dit op sigself genoeg is om die weegskaal te laat kantel.
Dis onmoontlik om presies te weet hoekom dinge uitwerk in terme van die minste en mees algemene verjaarsdae en verjaarsdagmaande, want nie alle swangerskappe duur presies nege maande nie, nie alle swangerskappe word beplan nie, en nie alle maande het dieselfde aantal dae nie.
Wat wel ’n feit soos ’n koei is, is natuurlik dat 29 Februarie nie ’n groot dag is vir verjaarsdae nie!
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie