Ná die verkiesing kom die vakansie
Dis die dag voor die nasionale verkiesing, drie dae tot Swart Vrydag, 29 dae tot Kersfees en 36 dae tot die nuwe jaar aanbreek – en hoewel daar môre ’n enorme taak op my en my kollegas in die media wag, het my gedagtes al weke gelede verby môre beweeg.
Kersgeskenke moet gekoop word en Desember moet beplan word. Die werk op verkiesingsdag sal vir homself sorg – ek moet net opdaag en dit vat soos dit kom.
Gods water oor Gods akker nou maar, sê ek en ek hoor hoe my ma in haar graf omdraai want ek gee oor en gryp nie hierdie belangrike dag aan en wys wie is baas nie.
As ek eerlik is, is die kanse groter dat die Desember-beplanning my ore sal aansit – daar is net soveel verskillende deeltjies wat op een of ander manier vir een vakansie bymekaar moet kom.
’n Mens beplan jou so moeg aan ’n week se wegbreek dat jy ’n vakansie moet vat na jy jou vakansie beplan het.
Dan moet die huis bo tot onder geskrop, gemop en blink gepoets word, want wie is nou lus om ná ’n vakansie terug na ’n vuil en deurmekaar huis te kom?
Jy moet net onthou om die Kersgeskenke toe te draai voor jy die huis finaal begin skoonmaak, want anders gaan daardie papiertjies jou huis weer deurmekaar maak.
En dan moet jou dieet in die dae voor jy weggaan aangepas word om seker te maak dat al die blaarslaai en vars vrugte in jou yskas weg is voor jy jou voete by die deur uitsit want daar is niks wat die vakansiegemoed so blus soos om ’n yskas met vrot kos oop te ruk ná die lang reis terug huis toe nie.
En al die wasgoed moet gewas word sodat daar behoorlik vir die vakansie gepak kan word – en moet tog nie jou tandeborsel, tandepaste en gesigroom in pak nie, want jy moet dit nog die oggend gebruik voor jy vertrek.
Jy gaan dit sommer net daar vergeet en iets by die see moet gaan koop – nog ’n uitgawe asof die vervoer, verblyf, etes en vermaak daar jou nie genoeg kos nie.
En jy gaan jou plakkies, jou swembroek en jou handdoek vergeet – haal maar weer die beursie uit.
Teen die tyd dat jou heerlike vakansie om is, het jy net begin ontspan ná al die beplanning en berekening wat dit geverg het om die vakansie moontlik te maak dat jy net so gespanne is soos voor jy besluit het om met vakansie te gaan.
By die huis aangekom, is daar ook ’n goeie kans dat jy die deur gaan oopmaak en die miere, wat baie pligsgetrou in twee reguit rye loop, sal kan volg tot by die asdrom wat jy vergeet het om uit te vat voor jy vertrek het.
G’n wonder mens hou lekkerder vakansie in jou agterplaas nie – dis nie ’n luukse ontspanning met die sagte gedruis van die see in die agtergrond nie, maar jy hou darem vakansie met ’n paar minder plooie op jou voorkop.
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kersgeskenke moet gekoop word en Desember moet beplan word. Die werk op verkiesingsdag sal vir homself sorg – ek moet net opdaag en dit vat soos dit kom.
Gods water oor Gods akker nou maar, sê ek en ek hoor hoe my ma in haar graf omdraai want ek gee oor en gryp nie hierdie belangrike dag aan en wys wie is baas nie.
As ek eerlik is, is die kanse groter dat die Desember-beplanning my ore sal aansit – daar is net soveel verskillende deeltjies wat op een of ander manier vir een vakansie bymekaar moet kom.
’n Mens beplan jou so moeg aan ’n week se wegbreek dat jy ’n vakansie moet vat na jy jou vakansie beplan het.
Dan moet die huis bo tot onder geskrop, gemop en blink gepoets word, want wie is nou lus om ná ’n vakansie terug na ’n vuil en deurmekaar huis te kom?
Jy moet net onthou om die Kersgeskenke toe te draai voor jy die huis finaal begin skoonmaak, want anders gaan daardie papiertjies jou huis weer deurmekaar maak.
En dan moet jou dieet in die dae voor jy weggaan aangepas word om seker te maak dat al die blaarslaai en vars vrugte in jou yskas weg is voor jy jou voete by die deur uitsit want daar is niks wat die vakansiegemoed so blus soos om ’n yskas met vrot kos oop te ruk ná die lang reis terug huis toe nie.
En al die wasgoed moet gewas word sodat daar behoorlik vir die vakansie gepak kan word – en moet tog nie jou tandeborsel, tandepaste en gesigroom in pak nie, want jy moet dit nog die oggend gebruik voor jy vertrek.
Jy gaan dit sommer net daar vergeet en iets by die see moet gaan koop – nog ’n uitgawe asof die vervoer, verblyf, etes en vermaak daar jou nie genoeg kos nie.
En jy gaan jou plakkies, jou swembroek en jou handdoek vergeet – haal maar weer die beursie uit.
Teen die tyd dat jou heerlike vakansie om is, het jy net begin ontspan ná al die beplanning en berekening wat dit geverg het om die vakansie moontlik te maak dat jy net so gespanne is soos voor jy besluit het om met vakansie te gaan.
By die huis aangekom, is daar ook ’n goeie kans dat jy die deur gaan oopmaak en die miere, wat baie pligsgetrou in twee reguit rye loop, sal kan volg tot by die asdrom wat jy vergeet het om uit te vat voor jy vertrek het.
G’n wonder mens hou lekkerder vakansie in jou agterplaas nie – dis nie ’n luukse ontspanning met die sagte gedruis van die see in die agtergrond nie, maar jy hou darem vakansie met ’n paar minder plooie op jou voorkop.
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie