Onderwys – John Nakuta en menseregte
Die hofuitspraak oor selfdegeslaghuwelike en aangeleenthede van die LGBTQ-gemeenskap is nog duidelik in die kollektiewe geheue.
Die reaksie van die regerende party en ander eendersdenkendes het hiervoor gesorg. Dit is vir my vreemd die opposisiepartye is so traag om aan die diskoers deel te neem. Is hulle dalk bang hulle sal so knap voor die 2024-verkiesing ondersteuning verloor as hulle in die openbaar met die regerende party daaroor gaan verskil? Of, is dit eenvoudig nie op hulle agenda nie. Ons sal maar moet wag en sien wat gebeur.
Ek gee John Nakuta vol punte vir ’n goedberedeneerde artikel oor die onderwerp in ’n onlangse uitgawe van The Namibian. Nakuta wil onder andere weet wat so buitengewoon aan die uitspraak en ander LGBTQ-aangeleenthede is, dat die regerende party – te midde van talle gebreke, tekortkominge, korrupsie en ongelykhede – so dringend aandag daaraan moet gee? Die rooi vlae wapper al lank, maar ander probleme geniet weinig soveel aandag met soveel spoed. Dan wil hy ook weet of dit nodig en reg is dat die private sake van instemmende volwassenes soveel aandag moet geniet. Hy haal Moeder Theresa aan wat gesê het menseregte word nie deur die regering of ’n kerk toegeken nie; dit is die geboortereg van elke persoon.
Die vraag egter is hoe relevant John Nakuta se artikel vir onderwys is. Dit kan van baie waarde vir die sektor wees, maar met die veronderstelling dat dit baie relevant is en net soveel aandag en dringendheid as die ander gebreke, tekortkominge en ongelykhede moet geniet. Ons kan ook nie die raad (baie relevant natuurlik) van een van die Keniaanse presidente dat die tyd sal kom wanneer die LGBTQ-aangeleenthede wel op die agenda sal wees. Tans, volgens die president, is daar dringender sake in Kenia wat aandag moet kry. As dit so is dat onderwys ten doel het om die toekoms positief te beïnvloed, kan en mag ons dit nie laaste op die lys van prioriteite plaas nie. Ons kan net die toekoms positief verander as ons leerders die skool verlaat met die een oogmerk, en dit is om in harmonie en vrede met mekaar te leef. Anders gesê, as hulle die hele konsep van menseregte deeglik verstaan. As hulle, wat selfs die politiek en openbare domein eendag sal betree, deeglik die dinamiek van menseregte verstaan en aanvaar.
Maar, nou waar begin ons. Dit is reeds genoem ons moet seker maak dat leerders goed onderlê word in die betrokke gedeeltes van die Grondwet. Die Grondwet behoort in die meeste vakke sterk te figureer. Verder bied die “saalbyeenkomste” die ideale oomblikke aan skoolhoofde om voorligting aan leerders te gee oor die uniekheid van elke mens, menseregte en maatskaplike geregtigheid. Onderwysers behoort koerantberigte en ander spesiale mediaplasings negatief en positief, met leerders, veral seniors, binne die konteks van menseregte soos dit in die Grondwet opgeteken is, te bespreek. Verder kan mense soos John Nakuta, geestelike leiers en ander sprekers genooi word om met leerders te praat. Dit spreek sonder mond dat skole uiters versigtig moet wees met hul keuses van sprekers.
Daar is nog iets wat Nakuta noem en dis sy verwysing na die mindere en weerlose segment van die gemeenskap. Die LGBTQ-gemeenskap is feitlik oor die jare by hierdie gemeenskap ingedwing. Dit herinner my aan wat Jesus vir sy volgelinge gesê het toe hy met hulle oor die armes gepraat het. Onthou: “Wat julle aan die minste onder julle gedoen het, het julle aan my gedoen.” – [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Die reaksie van die regerende party en ander eendersdenkendes het hiervoor gesorg. Dit is vir my vreemd die opposisiepartye is so traag om aan die diskoers deel te neem. Is hulle dalk bang hulle sal so knap voor die 2024-verkiesing ondersteuning verloor as hulle in die openbaar met die regerende party daaroor gaan verskil? Of, is dit eenvoudig nie op hulle agenda nie. Ons sal maar moet wag en sien wat gebeur.
Ek gee John Nakuta vol punte vir ’n goedberedeneerde artikel oor die onderwerp in ’n onlangse uitgawe van The Namibian. Nakuta wil onder andere weet wat so buitengewoon aan die uitspraak en ander LGBTQ-aangeleenthede is, dat die regerende party – te midde van talle gebreke, tekortkominge, korrupsie en ongelykhede – so dringend aandag daaraan moet gee? Die rooi vlae wapper al lank, maar ander probleme geniet weinig soveel aandag met soveel spoed. Dan wil hy ook weet of dit nodig en reg is dat die private sake van instemmende volwassenes soveel aandag moet geniet. Hy haal Moeder Theresa aan wat gesê het menseregte word nie deur die regering of ’n kerk toegeken nie; dit is die geboortereg van elke persoon.
Die vraag egter is hoe relevant John Nakuta se artikel vir onderwys is. Dit kan van baie waarde vir die sektor wees, maar met die veronderstelling dat dit baie relevant is en net soveel aandag en dringendheid as die ander gebreke, tekortkominge en ongelykhede moet geniet. Ons kan ook nie die raad (baie relevant natuurlik) van een van die Keniaanse presidente dat die tyd sal kom wanneer die LGBTQ-aangeleenthede wel op die agenda sal wees. Tans, volgens die president, is daar dringender sake in Kenia wat aandag moet kry. As dit so is dat onderwys ten doel het om die toekoms positief te beïnvloed, kan en mag ons dit nie laaste op die lys van prioriteite plaas nie. Ons kan net die toekoms positief verander as ons leerders die skool verlaat met die een oogmerk, en dit is om in harmonie en vrede met mekaar te leef. Anders gesê, as hulle die hele konsep van menseregte deeglik verstaan. As hulle, wat selfs die politiek en openbare domein eendag sal betree, deeglik die dinamiek van menseregte verstaan en aanvaar.
Maar, nou waar begin ons. Dit is reeds genoem ons moet seker maak dat leerders goed onderlê word in die betrokke gedeeltes van die Grondwet. Die Grondwet behoort in die meeste vakke sterk te figureer. Verder bied die “saalbyeenkomste” die ideale oomblikke aan skoolhoofde om voorligting aan leerders te gee oor die uniekheid van elke mens, menseregte en maatskaplike geregtigheid. Onderwysers behoort koerantberigte en ander spesiale mediaplasings negatief en positief, met leerders, veral seniors, binne die konteks van menseregte soos dit in die Grondwet opgeteken is, te bespreek. Verder kan mense soos John Nakuta, geestelike leiers en ander sprekers genooi word om met leerders te praat. Dit spreek sonder mond dat skole uiters versigtig moet wees met hul keuses van sprekers.
Daar is nog iets wat Nakuta noem en dis sy verwysing na die mindere en weerlose segment van die gemeenskap. Die LGBTQ-gemeenskap is feitlik oor die jare by hierdie gemeenskap ingedwing. Dit herinner my aan wat Jesus vir sy volgelinge gesê het toe hy met hulle oor die armes gepraat het. Onthou: “Wat julle aan die minste onder julle gedoen het, het julle aan my gedoen.” – [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie