Onderwys – Tienerswangerskappe (Deel 3)
Na aanleiding van ’n onlangse berig in The Namibian oor tienerswangerskappe in die Ohangwenastreek, blyk die situasie meer kritiek te wees as wat mens in die statistieke van onderwys lees. Statistieke oor tienerswangerskappe is deur die streekgesondheidsowerhede tydens die dialoog tussen ouers en jeug op Eenhana vrygestel.
Die “Regain Trust” as deel van die VVO se populasie-fondsprojek het die dialoog georganiseer. Volgens die vrygestelde statistieke was 9 077 skoolmeisies onder die ouderdom van 19 in die periode Januarie 2020 tot April 2024 in die streek swanger.
Altesaam 283 van dié meisies was onder die ouderdom van 14 waarvan een nege jaar oud was. Volgens die streekowerhede is die syfers van Ohangwena tans die hoogste in die land. Die hoë voorkoms van tienerswangerskappe is natuurlik ’n bron tot kommer. Maar, wat hinder is die teenstrydigheid tussen die statistieke van onderwys en gesondheid; dit is deur die uitvoerende hoof van onderwys bevestig. Volgens onderwys was daar ’n bietjie meer as 2 000 swangerskappe vir die ooreenstemmende periode in Ohangwena; lesers moet daarop let dat dit ’n beraming is, aangesien die statistieke van onderwys vir 2023 nog nie beskikbaar is nie.
Die reuseverskil van ongeveer 7 000 skreeu steeds ten hemele. By die dialoog is ’n gebrek aan ouertoesig hiervoor geblameer. Verder, waar daar nie ’n koshuis is nie, word “kaias” opgerig waarin “leerder-gesinne” vir die week moet bly. Dit lei tot verhoogde seksuele aktiwiteit onder leerlinge en verkragting is nie uitgesluit nie.
Mens wonder hoeveel van die statutêre verkragtingvoorvalle het die kantore van aanklaers in daardie streek bereik. Wat mens bekommerd maak is dat die “kaias” en “kambushes” heel waarskynlik nog nie afgebreek is nie en steeds as blyplek vir die kindergesinne dien.
Kom ons kyk weer na die statistieke van die ministerie en spesifiek na die periode 2015 tot 2022. Die 1 881 gevalle in 2015 het gegroei tot 2 739 in 2022; ’n gemiddelde groeikoers van 7,65%.
As ons nie vorendag gaan kom met ingrypings wat hierdie trant gaan stuit nie, sal ons opeindig met 5 000 gevalle per jaar teen die einde van die dekade. Wat ook nie lekker afgaan nie, is die jaarlikse syfers wat nie ’n duidelike afwaartse tendens toon nie. Die hoë voorkoms in 2020 kan ’n mens miskien toeskryf aan die Covid-pandemie. Skooltyd was ingekort en kinders was vir ’n groot deel van die dag sonder toesig.
Nou wat vertel al hierdie data en inligting ons? Eerstens, data is uiters belangrik vir beleidsrigtings. Indien dit nie korrek is nie, kan dit lei tot foutiewe beleidsformulering en onakkurate implementering en evaluering. Samewerking tussen instansies wat verantwoordelik is vir die insameling van data is uiters belangrik sodat hulle pogings gesinchroniseer kan word.
Tweedens, onakkurate statistieke, veral waar die syfers en die koerse laag is, gee ’n gevoel van gerustheid. Ons maak maklik die gevolgtrekking dat daar nie rede tot kommer is nie en fondse word gevolglik teruggeskryf na ander areas van die begroting. Enige skoolmeisie, ongeag herkoms, kleur en ekonomiese status kan op skool swanger raak.
Lambani MN in Poverty the Cause of Teenage Pregnancy in Thulamela Municipality (2015) wys daarop dat 80% van adolessente swangerskappe met armoede te make het. Ons sal die bose ketting moet breek. Jong meisies moet kan droom oor die toekoms en die geleentheid kry om dit te realiseer. Tienerswangerskappe roep nie net ’n tydelike halt van hulle drome nie; dit bring hulle drome voor ’n onverbiddelike stopteken.
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Die “Regain Trust” as deel van die VVO se populasie-fondsprojek het die dialoog georganiseer. Volgens die vrygestelde statistieke was 9 077 skoolmeisies onder die ouderdom van 19 in die periode Januarie 2020 tot April 2024 in die streek swanger.
Altesaam 283 van dié meisies was onder die ouderdom van 14 waarvan een nege jaar oud was. Volgens die streekowerhede is die syfers van Ohangwena tans die hoogste in die land. Die hoë voorkoms van tienerswangerskappe is natuurlik ’n bron tot kommer. Maar, wat hinder is die teenstrydigheid tussen die statistieke van onderwys en gesondheid; dit is deur die uitvoerende hoof van onderwys bevestig. Volgens onderwys was daar ’n bietjie meer as 2 000 swangerskappe vir die ooreenstemmende periode in Ohangwena; lesers moet daarop let dat dit ’n beraming is, aangesien die statistieke van onderwys vir 2023 nog nie beskikbaar is nie.
Die reuseverskil van ongeveer 7 000 skreeu steeds ten hemele. By die dialoog is ’n gebrek aan ouertoesig hiervoor geblameer. Verder, waar daar nie ’n koshuis is nie, word “kaias” opgerig waarin “leerder-gesinne” vir die week moet bly. Dit lei tot verhoogde seksuele aktiwiteit onder leerlinge en verkragting is nie uitgesluit nie.
Mens wonder hoeveel van die statutêre verkragtingvoorvalle het die kantore van aanklaers in daardie streek bereik. Wat mens bekommerd maak is dat die “kaias” en “kambushes” heel waarskynlik nog nie afgebreek is nie en steeds as blyplek vir die kindergesinne dien.
Kom ons kyk weer na die statistieke van die ministerie en spesifiek na die periode 2015 tot 2022. Die 1 881 gevalle in 2015 het gegroei tot 2 739 in 2022; ’n gemiddelde groeikoers van 7,65%.
As ons nie vorendag gaan kom met ingrypings wat hierdie trant gaan stuit nie, sal ons opeindig met 5 000 gevalle per jaar teen die einde van die dekade. Wat ook nie lekker afgaan nie, is die jaarlikse syfers wat nie ’n duidelike afwaartse tendens toon nie. Die hoë voorkoms in 2020 kan ’n mens miskien toeskryf aan die Covid-pandemie. Skooltyd was ingekort en kinders was vir ’n groot deel van die dag sonder toesig.
Nou wat vertel al hierdie data en inligting ons? Eerstens, data is uiters belangrik vir beleidsrigtings. Indien dit nie korrek is nie, kan dit lei tot foutiewe beleidsformulering en onakkurate implementering en evaluering. Samewerking tussen instansies wat verantwoordelik is vir die insameling van data is uiters belangrik sodat hulle pogings gesinchroniseer kan word.
Tweedens, onakkurate statistieke, veral waar die syfers en die koerse laag is, gee ’n gevoel van gerustheid. Ons maak maklik die gevolgtrekking dat daar nie rede tot kommer is nie en fondse word gevolglik teruggeskryf na ander areas van die begroting. Enige skoolmeisie, ongeag herkoms, kleur en ekonomiese status kan op skool swanger raak.
Lambani MN in Poverty the Cause of Teenage Pregnancy in Thulamela Municipality (2015) wys daarop dat 80% van adolessente swangerskappe met armoede te make het. Ons sal die bose ketting moet breek. Jong meisies moet kan droom oor die toekoms en die geleentheid kry om dit te realiseer. Tienerswangerskappe roep nie net ’n tydelike halt van hulle drome nie; dit bring hulle drome voor ’n onverbiddelike stopteken.
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie