Ons taal

’n Luisteraar van ons taalrubriek, Woordspoor, wat Vrydae 13:20 op Kanaal 7 uitgesaai word, het gevra waar die uitdrukking “bokveld toe” vandaan kom. Dis nou nie die een waarna ons almal so uitsien met die winter wat om die draai is om smullekker biltong en droëwors te maak nie. Dis die uitdrukking wat beteken om dood te wees. Skynbaar was die Bokveld vroeër ’n verwysing na die hel, na aanleiding van die laaste oordeel soos dit beskryf is in Matteus 25 waar die bokke na die ewige vuur gaan, maar die betekenis is later uitgebrei tot die algemene “doodgaan”. Maar kom ons gesels sommer ook oor al die ander lekker uitdrukkings wat iets met ’n bok te doen het. As jy ’n bok skiet (sonder kruit), maak jy ’n groot fout. Iemand wat bok op die muur is, bly neutraal. Wanneer ons sê dat hy vandag al weer bokspring, beteken dit dat hy al weer loop en spog. As sy vandag weer allerhande bokspringe maak, beteken dit sy is vol verskonings of ekskusies. Daarteenoor sal ek bokspring van vreugde wanneer die ekskusies end kry en die taak mooi afgehandel is. Ons taal het soveel ruimte vir so baie idees, ’n mens kan met ’n bokwa en ’n lang span osse daarin draai.Petronella F GenisVakgroep AfrikaansDie Universiteit van Namibiëpfgenis@unam.na * Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.

Ons taal

Kommentaar

Republikein 2025-04-18

Meld asseblief aan om kommentaar te lewer

Ons taal

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie