Ons taal

Op 25 Oktober 2024 is die bekende prof. Hans du Plessis oorlede. Kort voordat hy sy 80ste verjaarsdag in Januarie 2025 sou vier, asook kort voordat ons geliefde taal sy 100-jarige bestaan in Meimaand 2025 gaan vier.As mens só daaraan dink, besef mens dat prof. Hans en Afrikaans maar net 20 jaar verskil het. Dan maak dit ook sin hoekom hy soveel diep spore in die bestaan en voortbestaan van Afrikaans getrap het – hy het haar deur die meeste van haar groeipyne en prestasies ervaar. En deurentyd geveg vir die geliefde taal soos wat ons haar vandag ken. Susan Lombaard, uitvoerende hoof van Maroela Media, het prof. Hans en sy afsterwe so raak beskryf in ’n Maroela Media-berig op 26 Oktober: “Met prof. Hans se afsterwe het ’n groot boom in die woud van Afrikaans omgeval. Vir so baie van ons was hy ’n plek van skaduwee. In boeke en argiewe sal hy onthou word as taalstryder, digter, skrywer, navorser. Maar in die harte van almal wat vir hom lief was, sal ons hom onthou as prof. Hans met die fyn sin vir humor, met die vlymskerp verstand; ’n mentor vir so baie jong skrywers en studente. Sy nalatenskap aan Afrikaans is ryk en wyd. Maar sy nalatenskap in die harte van dié wat hom geken en liefgehad het, is onmeetbaar.”Ek het darem self die voorreg gehad om vir prof. Hans buite die boeke en argiewe te leer ken, maar in die klaskamer. In 2016 in Potchefstroom het hy vir my fonetiek en fonologie aangebied. Hier het ek self ’n smakie van daardie fyn humorsin en vlymskerp verstand ervaar. Hy het altyd tong-in-die-kies gesê: ‘Die ouetehuis het darem vandag weer vir my afgegee dat ek vir jul kan kom klas gee.’ Selfs al moes prof. Hans al addisionele sagteware gebruik om alles op die rekenaar te vergroot, het niks hom gestuit om sy magdom kennis met passie aan ons te kom oordra nie. Wat ’n voorreg!Dis in tye soos hierdie wat mens besef dis nou ons tyd om die leisels by die legendes oor te neem en met die fondasie en kennis wat hul vir ons vasgelê het, ook diep spore in Afrikaans se volgende 100 jaar te trap!Nicolette Steyn AfrikaansdosentUniversiteit van Namibiënsteyn@unam.na

Ons taal

Kommentaar

Republikein 2025-04-07

Meld asseblief aan om kommentaar te lewer

Ons taal

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie