Sondes van gesindheid
Ek sê maar net 30 jaar gelede
Placido Hilukilwa – Wie kan my tog oortuig dat die misdaadsyfer besig is om te daal as inbrekers reeds twee keer in een maand – en dit is nog nie die einde van die maand nie – op my buurman se huis toegeslaan het!
En dieselfde dief het ’n klein radio uit my sitkamer gesteel – helder oordag! Dit natuurlik sonder dat iemand hom/haar gesien het. . .
Sommige mense redeneer dat die misdaadsyfers ná onafhanklikwording eintlik “nie gestyg het nie”, maar dat dit net so voorkom omdat meer mense nou vry voel om selfs die geringste misdaad by die polisie aan te meld.
Ongelukkig vir dié mense kan hulle nie dié denkrigting vir langer as vyf minute ononderbroke verdedig nie. Want sien, hulle moet tog in ag neem dat talle mense herhaaldelik misdaadslagoffers is – soveel keer dat hulle dit nie eens meer nodig ag om elke voorval by die polisie aan te meld nie.
“Dit help nie.”
Nou moet ek eers seker maak dat ons almal op dieselfde golflengte is. Misdaad is nie net die oortreding van ’n wet nie, maar sluit ook die onregstreekse misdaad in wat tot regstreekse misdaad kan lei: luiheid kan tot diefstal, huisbraak en roof lei; dronkenskap lei tot verkragting, aanranding en moord; oneerlikheid tot bedrog en korrupsie.
Ek wens dit was moontlik om ’n toepaslike wet uit te vaardig om mense wat onregstreekse misdaad gepleeg het, te straf. Ongelukkig is dit onmoontlik om die sondes van gesindheid na te speur en dus ook te straf.
Net soos die regering, kan ’n ouer, ’n broer of ’n suster mos nie sy/haar familielid dwing om vir homself te werk of om eerlik te wees nie – netnou ontheilig hy sy/haar vryheid!
Dit was egter nie so in die tyd van Stalin se heerskappy in Rusland nie. Hy het in Junie 1937 ’n wet afgekondig waarvolgens familielede van enige Sowjet-oor-loper tot ballingskap in Siberië gevonnis word – al het hulle niks geweet van dié se voorneme om homself aan die vyand oor te gee nie.
Alle familielede van ’n KGB-oorloper is destyds volgens ’n ander Sowjet-dekreet tot tien jaar tronkstraf gevonnis, maar as hy staatsgeheime aan die vyand geopenbaar het, was die kans goed dat sy familielede tereggestel sou kon word.
Ek stel nie ’n soortgelyke wet voor om misdaad hier te lande te bekamp nie, want wetsgehoorsame burgers, wat deur so ’n wet beskerm moet word, sal heel waarskynlik so ’n wet teenstaan. Ek ook.
lemand het op ’n muur in Katutura geskryf: “No more drugs and alcohol, dagga only. Viva Rastas.”
Dit is egter ook nie die oplossing nie.
– 17 Mei 1994
En dieselfde dief het ’n klein radio uit my sitkamer gesteel – helder oordag! Dit natuurlik sonder dat iemand hom/haar gesien het. . .
Sommige mense redeneer dat die misdaadsyfers ná onafhanklikwording eintlik “nie gestyg het nie”, maar dat dit net so voorkom omdat meer mense nou vry voel om selfs die geringste misdaad by die polisie aan te meld.
Ongelukkig vir dié mense kan hulle nie dié denkrigting vir langer as vyf minute ononderbroke verdedig nie. Want sien, hulle moet tog in ag neem dat talle mense herhaaldelik misdaadslagoffers is – soveel keer dat hulle dit nie eens meer nodig ag om elke voorval by die polisie aan te meld nie.
“Dit help nie.”
Nou moet ek eers seker maak dat ons almal op dieselfde golflengte is. Misdaad is nie net die oortreding van ’n wet nie, maar sluit ook die onregstreekse misdaad in wat tot regstreekse misdaad kan lei: luiheid kan tot diefstal, huisbraak en roof lei; dronkenskap lei tot verkragting, aanranding en moord; oneerlikheid tot bedrog en korrupsie.
Ek wens dit was moontlik om ’n toepaslike wet uit te vaardig om mense wat onregstreekse misdaad gepleeg het, te straf. Ongelukkig is dit onmoontlik om die sondes van gesindheid na te speur en dus ook te straf.
Net soos die regering, kan ’n ouer, ’n broer of ’n suster mos nie sy/haar familielid dwing om vir homself te werk of om eerlik te wees nie – netnou ontheilig hy sy/haar vryheid!
Dit was egter nie so in die tyd van Stalin se heerskappy in Rusland nie. Hy het in Junie 1937 ’n wet afgekondig waarvolgens familielede van enige Sowjet-oor-loper tot ballingskap in Siberië gevonnis word – al het hulle niks geweet van dié se voorneme om homself aan die vyand oor te gee nie.
Alle familielede van ’n KGB-oorloper is destyds volgens ’n ander Sowjet-dekreet tot tien jaar tronkstraf gevonnis, maar as hy staatsgeheime aan die vyand geopenbaar het, was die kans goed dat sy familielede tereggestel sou kon word.
Ek stel nie ’n soortgelyke wet voor om misdaad hier te lande te bekamp nie, want wetsgehoorsame burgers, wat deur so ’n wet beskerm moet word, sal heel waarskynlik so ’n wet teenstaan. Ek ook.
lemand het op ’n muur in Katutura geskryf: “No more drugs and alcohol, dagga only. Viva Rastas.”
Dit is egter ook nie die oplossing nie.
– 17 Mei 1994
Kommentaar
Republikein
Geen kommentaar is op hierdie artikel gelaat nie