Tevrede
Vandag sit ek en wonder.
Die verbruikersmentaliteit wat wêreldwyd die laaste paar jaar posgevat het, maak dat als wat ons harte begeer eintlik so maklik bekombaar en beskikbaar is. Hoe beïnvloed dit ons harte?
Die gemak waarmee als wat ons harte begeer beskikbaar is (dalk meer in Suid-Afrika, die Verenigde Koninkryk en Amerika as in Namibië) maar steeds – in my opinie, kweek dit eintlik net ongeduld.
Maatskappye soos Shein, wat ek moet bieg dat ek nog nie van gebruik gemaak het nie, het deesdae byna enige oulike ding aanlyn beskikbaar en lewer selfs, indien ’n mens ’n bietjie slim werk saam met ’n paar ander mense, in ’n verbasende kort tydjie in Namibië af.
Wat is die impak daarvan wanneer ons as mense gewoond daaraan raak om alles te kry wat ons wil hê? Hierdie kunsmatige geluksgevoel wat “goed/dinge” vir ons gee.
Dit skep die indruk van onmiddellike bevrediging. Maar is dit regtig so? Sê nou daardie rokkie wat jy aanlyn bestel het is van rekstof gemaak wat nét ’n bietjie té min rek vir waar jy ingedagte gehad het; dan sit jy met minder as wat jy vroeër gehad het (ek praat nou van geld asook entoesiasme vir die saak).
Dit is my indruk dat hierdie verwagtinge wat rondom onmiddellike bevrediging geskep word en wat sonder twyfel in die toekoms meer prominent as ’n deel van ons daaglikse lewens gaan funksioneer – ja, ek sal seker ook eendag ’n Shein-kliënt word – die geneigdheid het om ons onvergenoegd te maak. Dit kan lekker outyds word om ontevrede en onvervuld te wees.
Die lewe is eenvoudig nie ’n lekker plek wanneer ons ontevrede of onvervuld voel nie. So hoekom doen ons dit aan onsself? En dan boonop nog herhaaldelik en vrywillig. Ek het ’n soortgelyke woord te spreek vir sosiale media oor dieselfde redes, maar vandag gaan ons nie daardie paadjie stap nie.
Wanneer ’n mens daardie pakkie ontvang wat jy bestel en betaal het, voel jy bly en gelukkig. Sodra jy die pakkie bestel voel jy afwagting en opgewondenheid. Maar wanneer die feit dat byna enigiets geredelik bekombaar is aanlyn/in die winkels jou hart ongeduldig laat voel of jou kwaad maak omdat dit nie vinnig genoeg kan kom of omdat die pienk of pers een nie tans beskikbaar is nie, moet ’n mens jou hart dalk die vraag vra: Is hierdie goed vir jou?
Dalk, net dalk as die antwoord nee is, sal dit help om te fokus op dit wat tevredenheid skep en die gevoel van vervuldheid kweek.
Ek is nie ’n taalontleder met enige kwalifikasie nie maar toe ek so pas die titel vir hierdie stuk uitdink en neerskryf, doelbewus die Afrikaanse woord tevrede in twee deel om ‘te’ en ‘vrede’ te vind, het dit my laat dink dat die Hollanders dit dalk oorspronklik so bedoel het.
Om in werklikheid te probeer sê Te = by – dus soos die Engelse sê ding, “At peace”. Wat skep ’n gevoel van vrede of tevredenheid in jou hart? Dalk kan ons op ’n ander dag daarop ingaan. Maar vir vandag wil ek net hê daar moet ’n vlaggie by ons opgaan wanneer ons nie daardie gevoel ervaar nie.
Klaar gepreek. Seën vir julle, tot ons weer praat.
– Gasskrywer
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Die verbruikersmentaliteit wat wêreldwyd die laaste paar jaar posgevat het, maak dat als wat ons harte begeer eintlik so maklik bekombaar en beskikbaar is. Hoe beïnvloed dit ons harte?
Die gemak waarmee als wat ons harte begeer beskikbaar is (dalk meer in Suid-Afrika, die Verenigde Koninkryk en Amerika as in Namibië) maar steeds – in my opinie, kweek dit eintlik net ongeduld.
Maatskappye soos Shein, wat ek moet bieg dat ek nog nie van gebruik gemaak het nie, het deesdae byna enige oulike ding aanlyn beskikbaar en lewer selfs, indien ’n mens ’n bietjie slim werk saam met ’n paar ander mense, in ’n verbasende kort tydjie in Namibië af.
Wat is die impak daarvan wanneer ons as mense gewoond daaraan raak om alles te kry wat ons wil hê? Hierdie kunsmatige geluksgevoel wat “goed/dinge” vir ons gee.
Dit skep die indruk van onmiddellike bevrediging. Maar is dit regtig so? Sê nou daardie rokkie wat jy aanlyn bestel het is van rekstof gemaak wat nét ’n bietjie té min rek vir waar jy ingedagte gehad het; dan sit jy met minder as wat jy vroeër gehad het (ek praat nou van geld asook entoesiasme vir die saak).
Dit is my indruk dat hierdie verwagtinge wat rondom onmiddellike bevrediging geskep word en wat sonder twyfel in die toekoms meer prominent as ’n deel van ons daaglikse lewens gaan funksioneer – ja, ek sal seker ook eendag ’n Shein-kliënt word – die geneigdheid het om ons onvergenoegd te maak. Dit kan lekker outyds word om ontevrede en onvervuld te wees.
Die lewe is eenvoudig nie ’n lekker plek wanneer ons ontevrede of onvervuld voel nie. So hoekom doen ons dit aan onsself? En dan boonop nog herhaaldelik en vrywillig. Ek het ’n soortgelyke woord te spreek vir sosiale media oor dieselfde redes, maar vandag gaan ons nie daardie paadjie stap nie.
Wanneer ’n mens daardie pakkie ontvang wat jy bestel en betaal het, voel jy bly en gelukkig. Sodra jy die pakkie bestel voel jy afwagting en opgewondenheid. Maar wanneer die feit dat byna enigiets geredelik bekombaar is aanlyn/in die winkels jou hart ongeduldig laat voel of jou kwaad maak omdat dit nie vinnig genoeg kan kom of omdat die pienk of pers een nie tans beskikbaar is nie, moet ’n mens jou hart dalk die vraag vra: Is hierdie goed vir jou?
Dalk, net dalk as die antwoord nee is, sal dit help om te fokus op dit wat tevredenheid skep en die gevoel van vervuldheid kweek.
Ek is nie ’n taalontleder met enige kwalifikasie nie maar toe ek so pas die titel vir hierdie stuk uitdink en neerskryf, doelbewus die Afrikaanse woord tevrede in twee deel om ‘te’ en ‘vrede’ te vind, het dit my laat dink dat die Hollanders dit dalk oorspronklik so bedoel het.
Om in werklikheid te probeer sê Te = by – dus soos die Engelse sê ding, “At peace”. Wat skep ’n gevoel van vrede of tevredenheid in jou hart? Dalk kan ons op ’n ander dag daarop ingaan. Maar vir vandag wil ek net hê daar moet ’n vlaggie by ons opgaan wanneer ons nie daardie gevoel ervaar nie.
Klaar gepreek. Seën vir julle, tot ons weer praat.
– Gasskrywer
– [email protected]
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie