GIPF hou voet by stuk oor nuwe hoof
'Yslike toeval'
GIPF dring aan alle voorgeskrewe prosedures is vir die aanstelling van sy nuwe uitvoerende hoof gevolg.
Hoofredaksie - Trustees vir die staat se pensioenfonds (GIPF) hou vol dat die aanstelling van Martin Inkumbi as dié fonds se uitvoerende hoof aan die einde van verlede jaar volgens die boek gedoen is. Dit ten spyte van aanduidings dat sy aanstelling reeds in Augustus 2022 op die kaarte was.
Inkumbi se aanstelling is amptelik op 29 Desember 2023 aangekondig - meer as ’n jaar ná Republikein se susterkoerant Namibian Sun berig het dat die voormalige uitvoerende hoof vir die Ontwikkelingsbank van Namibië (DBN) die volgende een aan die stuur van GIPF sal wees.
Namibian Sun het op 18 Augustus getwiet: "Die DBN-raad het aangekondig dat Martin Inkumbi, sy uitvoerende hoof, in Augustus 2023 sal uittree. Namibian Sun is ingelig Inkumbi sal oorneem as uitvoerende hoof van die GIPF wie se baas David Nuuyoma aftree".
Nuuyoma het in Julie 2023 sy pos by GIPF ontruim en Inkumbi het gevolglik op 15 Januarieb 2024 oorgeneem as die hoof van die fonds.
Nadat Inkumbi se aanstelling amptelik bevestig is, is die meriete van die aanstellingsproses betwyfel waartydens met verskeie kandidate onderhoude gevoer is. Dit midde gerugte dat GIPF reeds ’n voorkeur gehad het vir Inkumbi en dat die aanstellingsproses bloot as ’n formaliteit gehou is.
Die kandidate op die kortlys vir die pos sluit GIPF se uitvoerende bestuurslede Elvis Nashilongo en Melkizedek Uupindi in, asook die toesighoudende owerheid vir finansiële instellings in Namibië (Namfisa) se adjunkhoof Erna Motinga. Ander kandidate op die kortlys sluit die uitvoerende hoof van die Paaieowerheid (RCC), Maria Nakale en Nedbank Namibië se uitvoerende hoof vir korporatiewe- en beleggingsbankwese Tjivingurura Mbuende in.
Van die kandidate wat om hul mening genader is, het gesê hulle is in twee geskeur. "Wat ek ook al sê gaan net klink of ek bitter is omdat ek nie aangestel is nie. Ons lees in die media meer as ’n jaar voordat die pos geadverteer is, was daar reeds ’n kandidaat wat hulle vir die pos verkies het. Dié kandidaat het toe ook die pos gekry. Dit is ’n yslike toeval," het een van die kandidate gesê.
VERTROULIK
In reaksie op navrae het die GIPF se raadsvoorsitter Penda Ithindi gesê die proses is volgens die voorgeskrewe regulasies voltooi.
"Die GIPF glo hierdie is ’n ongegronde narratief van Namibian Sun oor die keurings- en werwingsproses van ons uitvoerende hoof en die uitkoms daarvan," het hy gesê.
“Die fonds, wat mnr. Inkumbi suksesvol aangestel het, vind dit belaglik om kommentaar te lewer oor 'n keurings- en werwingsproses wat met die grootste professionaliteit en vertroulikheid, volgens die vasgestelde keurings- en werwingskriteria hanteer is,” het hy bygevoeg.
Volgens Ithindi is Inkumbi se aanstelling volledig ondersteun deur die werwingskomitee wat die proses behartig het.
"Mnr. Inkumbi is aanbeveel as die beste kandidaat in lyn met die doelwitassesserings- en keuringskriteria," het Ithindi gesê.
“Die raad het alle vertroue in die integriteit van die keuringsproses wat hy onderneem en die verdienstelike uitkoms wat dit opgelewer het." - [email protected]
Inkumbi se aanstelling is amptelik op 29 Desember 2023 aangekondig - meer as ’n jaar ná Republikein se susterkoerant Namibian Sun berig het dat die voormalige uitvoerende hoof vir die Ontwikkelingsbank van Namibië (DBN) die volgende een aan die stuur van GIPF sal wees.
Namibian Sun het op 18 Augustus getwiet: "Die DBN-raad het aangekondig dat Martin Inkumbi, sy uitvoerende hoof, in Augustus 2023 sal uittree. Namibian Sun is ingelig Inkumbi sal oorneem as uitvoerende hoof van die GIPF wie se baas David Nuuyoma aftree".
Nuuyoma het in Julie 2023 sy pos by GIPF ontruim en Inkumbi het gevolglik op 15 Januarieb 2024 oorgeneem as die hoof van die fonds.
Nadat Inkumbi se aanstelling amptelik bevestig is, is die meriete van die aanstellingsproses betwyfel waartydens met verskeie kandidate onderhoude gevoer is. Dit midde gerugte dat GIPF reeds ’n voorkeur gehad het vir Inkumbi en dat die aanstellingsproses bloot as ’n formaliteit gehou is.
Die kandidate op die kortlys vir die pos sluit GIPF se uitvoerende bestuurslede Elvis Nashilongo en Melkizedek Uupindi in, asook die toesighoudende owerheid vir finansiële instellings in Namibië (Namfisa) se adjunkhoof Erna Motinga. Ander kandidate op die kortlys sluit die uitvoerende hoof van die Paaieowerheid (RCC), Maria Nakale en Nedbank Namibië se uitvoerende hoof vir korporatiewe- en beleggingsbankwese Tjivingurura Mbuende in.
Van die kandidate wat om hul mening genader is, het gesê hulle is in twee geskeur. "Wat ek ook al sê gaan net klink of ek bitter is omdat ek nie aangestel is nie. Ons lees in die media meer as ’n jaar voordat die pos geadverteer is, was daar reeds ’n kandidaat wat hulle vir die pos verkies het. Dié kandidaat het toe ook die pos gekry. Dit is ’n yslike toeval," het een van die kandidate gesê.
VERTROULIK
In reaksie op navrae het die GIPF se raadsvoorsitter Penda Ithindi gesê die proses is volgens die voorgeskrewe regulasies voltooi.
"Die GIPF glo hierdie is ’n ongegronde narratief van Namibian Sun oor die keurings- en werwingsproses van ons uitvoerende hoof en die uitkoms daarvan," het hy gesê.
“Die fonds, wat mnr. Inkumbi suksesvol aangestel het, vind dit belaglik om kommentaar te lewer oor 'n keurings- en werwingsproses wat met die grootste professionaliteit en vertroulikheid, volgens die vasgestelde keurings- en werwingskriteria hanteer is,” het hy bygevoeg.
Volgens Ithindi is Inkumbi se aanstelling volledig ondersteun deur die werwingskomitee wat die proses behartig het.
"Mnr. Inkumbi is aanbeveel as die beste kandidaat in lyn met die doelwitassesserings- en keuringskriteria," het Ithindi gesê.
“Die raad het alle vertroue in die integriteit van die keuringsproses wat hy onderneem en die verdienstelike uitkoms wat dit opgelewer het." - [email protected]
Kommentaar
Republikein
Geen kommentaar is op hierdie artikel gelaat nie