Nida en hoof se paaie skei ná uitbetaling
Geskors weens swak prestasie
Gaomab se prokureurs het glo voorgestel dat die maatskappy die drie oorblywende jare van sy kontrak ten volle uitbetaal, maar die direksie het die voorstel verwerp.
Nuusredaksie - Die agentskap vir nywerheidsontwikkeling in Namibië (Nida) se direksie het ingestem om sowat N$600 000 aan sy geskorste uitvoerende hoof, Mihe Gaomab II, uit te betaal.
Sebby Kankondi, die direksievoorsitter, het bevestig dat Gaomab die maatskappy verlaat het, maar wou nie in die fyn besonderhede van die skikkingsooreenkoms deel nie.
“Nida, as ’n staatsentiteit, behoort nie ’n probleem te hê om die volledige besonderhede bekend te maak wat jy of die publiek moet weet nie, maar ek is seker mnr. Gaomab wil - net soos ek en jy - sy privaatheid hê. Daarom is dit beter as jy hom kontak vir die besonderhede. Ek kan nie die las dra van die skending van vertroulikheid nie,” het hy Sondag gesê.
Gaomab het nie op navrae gereageer nie.
Hy is in Januarie geskors weens beweerde swak prestasie nadat sy proeftydperk drie keer verleng is.
Die kern van die direksie se misnoeë is Gaomab se beweerde versuim om ’n geïntegreerde sakeplan te ontwikkel en te verseker dat dit gereed is vir goedkeuring. Hy het ook die taak gehad om ’n lening van N$100 miljoen te bekom, waarvoor die regering ’n waarborg moes verskaf.
Gaomab is verder daarvan beskuldig dat hy versuim het om bates en personeel van die Namibia Development Corporation (NDC) en die Offshore Development Corporation (ODC) behoorlik na Nida oor te dra. NDC en ODC het met Nida saamgesmelt nadat die kabinet dit in 2015 goedgekeur het.
UITDAGINGS
Nida se finansiële uitdagings het sake vererger, met sy versuim om werknemers se mediesefondsbydraes te betaal as voorbeeld.
’n Jaar gelede het Nida die Namibia Health Plan (NHP) se mediese fonds sowat N$700 000 geskuld.
Gaomab, wat ook as uitvoerende hoof van die Namibiese Mededingingskommissie (NaCC) gedien het, is in April 2021 as Nida se hoof aangestel. Vanaf Oktober 2022 is sy proeftydperk vir ’n derde keer verleng nadat hy gedurende die eerste twee nie die mas kon opkom nie.
Die eerste proeftydperk van ses maande het in Oktober 2021 geëindig, met die raad wat na bewering ontevrede was met sy prestasie.
Daar is toe ingestem tot nog twee proeftydperke, waarvan die jongste in Oktober 2022 geëindig het.
Nida-binnestanders het gesê Gaomab se prokureurs het voorgestel dat die maatskappy die drie oorblywende jare van sy kontrak ten volle uitbetaal, maar die direksie het die voorstel verwerp.
VERTROULIKHEID GESKEND
Die partye het toe ingestem tot ’n uitbetaling gelykstaande aan ses maande van sy bedankingskennisgewing.
Na bewering was die direksie ontevrede dat Gaomab in die geheim sommige van sy vergaderings opgeneem het, en dit gaan deel wees van die dissiplinêre verhoor teen hom.
“Dit is ’n skending van vertroulikheid, so daar was ’n kans dat hy afgedank sou word. Hy was dus proaktief om eerder ’n uitbetaling voor te stel, waartoe die direksie ingestem het omdat die skorsing te lank word en mense net wil aanbeweeg en normaliteit by die maatskappy herstel,” het ’n ander amptenaar gesê.
- [email protected]
Sebby Kankondi, die direksievoorsitter, het bevestig dat Gaomab die maatskappy verlaat het, maar wou nie in die fyn besonderhede van die skikkingsooreenkoms deel nie.
“Nida, as ’n staatsentiteit, behoort nie ’n probleem te hê om die volledige besonderhede bekend te maak wat jy of die publiek moet weet nie, maar ek is seker mnr. Gaomab wil - net soos ek en jy - sy privaatheid hê. Daarom is dit beter as jy hom kontak vir die besonderhede. Ek kan nie die las dra van die skending van vertroulikheid nie,” het hy Sondag gesê.
Gaomab het nie op navrae gereageer nie.
Hy is in Januarie geskors weens beweerde swak prestasie nadat sy proeftydperk drie keer verleng is.
Die kern van die direksie se misnoeë is Gaomab se beweerde versuim om ’n geïntegreerde sakeplan te ontwikkel en te verseker dat dit gereed is vir goedkeuring. Hy het ook die taak gehad om ’n lening van N$100 miljoen te bekom, waarvoor die regering ’n waarborg moes verskaf.
Gaomab is verder daarvan beskuldig dat hy versuim het om bates en personeel van die Namibia Development Corporation (NDC) en die Offshore Development Corporation (ODC) behoorlik na Nida oor te dra. NDC en ODC het met Nida saamgesmelt nadat die kabinet dit in 2015 goedgekeur het.
UITDAGINGS
Nida se finansiële uitdagings het sake vererger, met sy versuim om werknemers se mediesefondsbydraes te betaal as voorbeeld.
’n Jaar gelede het Nida die Namibia Health Plan (NHP) se mediese fonds sowat N$700 000 geskuld.
Gaomab, wat ook as uitvoerende hoof van die Namibiese Mededingingskommissie (NaCC) gedien het, is in April 2021 as Nida se hoof aangestel. Vanaf Oktober 2022 is sy proeftydperk vir ’n derde keer verleng nadat hy gedurende die eerste twee nie die mas kon opkom nie.
Die eerste proeftydperk van ses maande het in Oktober 2021 geëindig, met die raad wat na bewering ontevrede was met sy prestasie.
Daar is toe ingestem tot nog twee proeftydperke, waarvan die jongste in Oktober 2022 geëindig het.
Nida-binnestanders het gesê Gaomab se prokureurs het voorgestel dat die maatskappy die drie oorblywende jare van sy kontrak ten volle uitbetaal, maar die direksie het die voorstel verwerp.
VERTROULIKHEID GESKEND
Die partye het toe ingestem tot ’n uitbetaling gelykstaande aan ses maande van sy bedankingskennisgewing.
Na bewering was die direksie ontevrede dat Gaomab in die geheim sommige van sy vergaderings opgeneem het, en dit gaan deel wees van die dissiplinêre verhoor teen hom.
“Dit is ’n skending van vertroulikheid, so daar was ’n kans dat hy afgedank sou word. Hy was dus proaktief om eerder ’n uitbetaling voor te stel, waartoe die direksie ingestem het omdat die skorsing te lank word en mense net wil aanbeweeg en normaliteit by die maatskappy herstel,” het ’n ander amptenaar gesê.
- [email protected]
Kommentaar
Republikein
Geen kommentaar is op hierdie artikel gelaat nie