Britse politici vra Engeland om Afganistan-stryd te boikot
’n Groep van meer as 160 Britse politici het ’n beroep op die Engelse en Walliese Krieketraad (ECB) gedoen om volgende maand se Kampioentrofee-wedstryd teen Afganistan te boikot as ’n standpunt teen die Taliban-regime se aanslag op vroueregte.
Vroue se deelname aan sport is sedert die Taliban se terugkeer tot die bewind in 2021 feitlik verbied, ’n stap wat die Afgaanse Krieketraad in direkte teenstrydigheid met die Internasionale Krieketraad (IKR) se reëls plaas.
Die Engelse manseendagspan is veronderstel om Afganistan op 26 Februarie in Lahore te pak.
’n Breë kruispartygroep van die laerhuis en die hoërhuis, insluitende Nigel Farage, leier van Reform UK, en Jeremy Corbyn, voormalige leier van die Arbeidersparty, het die ECB gevra om “hom uit te spreek teen die verskriklike behandeling wat vroue en meisies in Afganistan onder die Taliban ervaar”.
Afganistan word steeds deur die IKR toegelaat om in internasionale krieket mee te ding en Richard Gould, uitvoerende hoof van die ECB, het gereageer deur ’n eenvormige benadering van alle lidlande voor te stel as die beste manier vorentoe.
“Die ECB veroordeel die behandeling van vroue en meisies in Afganistan onder die Taliban-regime ten sterkste,” sê hy.
“Die IKR-grondwet bepaal dat alle lidlande verbind is tot die groei en ontwikkeling van vrouekrieket. Die ECB het in ooreenstemming met hierdie verbintenis sy posisie gehandhaaf om geen bilaterale krieketwedstryde teen Afganistan te skeduleer nie. Hoewel daar nie ’n konsensus oor verdere internasionale optrede binne die IKR was nie, sal die ECB voortgaan om aktief vir sulke maatreëls te pleit. ’n Gesamentlike, IKR-wye benadering sal ’n aansienlik groter impak hê as eensydige stappe deur individuele lede.”
Afganistan het in onlangse jare ’n groter krag in witbalkrieket geword en tot agtste op die wêreldranglys gevorder. Die span het Engeland in 2023 in die Wêreldbeker-toernooi vir eendagkrieket geklop en verlede jaar die halfeindronde van die T20-Wêreldbeker-toernooi gehaal en Australië in die proses uitgeskakel. – Netwerk24/AFP
Vroue se deelname aan sport is sedert die Taliban se terugkeer tot die bewind in 2021 feitlik verbied, ’n stap wat die Afgaanse Krieketraad in direkte teenstrydigheid met die Internasionale Krieketraad (IKR) se reëls plaas.
Die Engelse manseendagspan is veronderstel om Afganistan op 26 Februarie in Lahore te pak.
’n Breë kruispartygroep van die laerhuis en die hoërhuis, insluitende Nigel Farage, leier van Reform UK, en Jeremy Corbyn, voormalige leier van die Arbeidersparty, het die ECB gevra om “hom uit te spreek teen die verskriklike behandeling wat vroue en meisies in Afganistan onder die Taliban ervaar”.
Afganistan word steeds deur die IKR toegelaat om in internasionale krieket mee te ding en Richard Gould, uitvoerende hoof van die ECB, het gereageer deur ’n eenvormige benadering van alle lidlande voor te stel as die beste manier vorentoe.
“Die ECB veroordeel die behandeling van vroue en meisies in Afganistan onder die Taliban-regime ten sterkste,” sê hy.
“Die IKR-grondwet bepaal dat alle lidlande verbind is tot die groei en ontwikkeling van vrouekrieket. Die ECB het in ooreenstemming met hierdie verbintenis sy posisie gehandhaaf om geen bilaterale krieketwedstryde teen Afganistan te skeduleer nie. Hoewel daar nie ’n konsensus oor verdere internasionale optrede binne die IKR was nie, sal die ECB voortgaan om aktief vir sulke maatreëls te pleit. ’n Gesamentlike, IKR-wye benadering sal ’n aansienlik groter impak hê as eensydige stappe deur individuele lede.”
Afganistan het in onlangse jare ’n groter krag in witbalkrieket geword en tot agtste op die wêreldranglys gevorder. Die span het Engeland in 2023 in die Wêreldbeker-toernooi vir eendagkrieket geklop en verlede jaar die halfeindronde van die T20-Wêreldbeker-toernooi gehaal en Australië in die proses uitgeskakel. – Netwerk24/AFP
Kommentaar
Republikein
Geen kommentaar is op hierdie artikel gelaat nie