Dahl behou trofee in Sven Ahrens-skietdag

Die Sven Ahrens-gedenkskietbyeenkoms is onlangs op die plaas Neuweiler gehou waar die onderskeie afdelings deur Hasso Ahrens (sportskiet), Frank Dahl (Amateur Trap Shooting, ATA) en Hendrik Roos (Automatic Ball Trap, ABT) gewen is.Vollrat von Krosigk het gesê: “Dit was ’n onvergeetlike dag. Vir diegene wat dalk nie die agtergrond van hierdie geleentheid ken nie – die Sven Ahrens-gedenkskiet word elke jaar gehou ter nagedagtenis van wyle Sven Ahrens, ’n prominente figuur in ons skietsport en seun van Hasso Ahrens.“Die eerste wenner van hierdie uitdaagbeker was Heiko Barth; daarna het Hendrik Roos dit twee keer gewen en verlede jaar se bekerwenner was Frank Dahl. Die kompetisie bestaan uit 25 teikens vir elk van die drie dissiplines, naamlik Sport, ABT en ATA. “Die Sportskiet is deur Hasso Ahrens gewen, gevolg deur Juergen Hoffmann in die tweede plek en Frank Dahl derde. Frank was gewikkel in ’n gelykop stryd met drie ander mededingers wat dieselfde uitslag behaal het.“Die ABT-afdeling is deur Hendrik Roos gewen, gevolg deur Ian Kriel tweede met Frank weer in die derde posisie.“Die ATA-skiet is deur Frank gewen, wat 23 teikens uit 25 getref het. Op sy hakke kom Ian met 22 en Theo in die derde posisie met 21 treffers. “Soos ’n mens van hierdie resultate kan aflei, het Frank Dahl as die algehele wenner na vore getree. Dus behou hy die beker vir die tweede jaar agtereenvolgens. Baie geluk aan alle wenners.“Namens Windhoek-kleiteikenskietklub bedank ek Hasso vir die aanbieding van hierdie onvergeetlike geleentheid en sy ruim pryse. Ons waardeer ook Ahrens Guns se borgskap vir die vleis, wors en rolletjies en lekker kuier ná die kompetisie.”

Dahl behou trofee in Sven Ahrens-skietdag

Kommentaar

Republikein 2025-04-11

Meld asseblief aan om kommentaar te lewer

Dahl behou trofee in Sven Ahrens-skietdag

Kommentaar

Republikein 2025-04-11

Meld asseblief aan om kommentaar te lewer

MELD AAN

Advertensie